Jana Nayagan : దళపతి Vijay నటించిన ఆఖరి చిత్రం Jana Nayagan (తెలుగులో జన నాయకుడు) విడుదలకు ముందే వివాదాల్లో పడింది. భారతదేశంతో పాటు అమెరికా, మలేషియా, సింగపూర్, గల్ఫ్ దేశాల్లోనూ విజయ్కు భారీ అభిమానగణం ఉండటంతో ఈ సినిమాపై భారీ అంచనాలు నెలకొన్నాయి. ఇప్పటికే బెంగళూరు సహా పలు నగరాల్లో అడ్వాన్స్ బుకింగ్స్ మొదలయ్యాయి. అయితే తాజాగా **Saudi Arabia**లో ఈ సినిమాపై నిషేధం విధించారనే ప్రచారం చర్చనీయాంశంగా మారింది.
సౌదీలో ఎందుకు నిషేధం?
గల్ఫ్ దేశాల్లో భారతీయ సినిమాలకు మంచి మార్కెట్ ఉన్నా, ఇటీవల కొన్ని కంటెంట్ కారణాల వల్ల ఆంక్షలు విధిస్తున్న ఉదంతాలు కనిపిస్తున్నాయి. సాధారణంగా ఇస్లాం, ముస్లిం దేశాలపై ప్రతికూల చిత్రీకరణ లేదా రాజకీయంగా సున్నితమైన అంశాలు ఉంటే సౌదీ సెన్సార్ కఠినంగా వ్యవహరిస్తుంది.
ఇప్పుడీ జాబితాలో జన నాయకుడు చేరిందనే టాక్ వినిపిస్తోంది. ఈ సినిమాలో విలన్ పాత్ర పాకిస్తానీ నేపథ్యంతో ఉండటం, పాకిస్తాన్ సైన్యానికి వ్యతిరేకంగా కొన్ని డైలాగులు–సన్నివేశాలు ఉండటమే ప్రధాన కారణమని సమాచారం. ట్రైలర్లోనూ ఆ భావన కనిపించడంతో సౌదీ సెన్సార్ అనుమతి నిరాకరించిందని ప్రచారం సాగుతోంది.
కట్లు చేసి రిలీజ్ ప్రయత్నం?
నిషేధ వార్తల మధ్య మరో టాక్ కూడా వినిపిస్తోంది. సౌదీలో విడుదల కోసం చిత్రబృందం కొన్ని డైలాగులు మ్యూట్ చేయడం, కొన్ని సన్నివేశాలను తొలగించడం వంటి మార్పులు చేసినట్లు చెబుతున్నారు. ఈ మార్పులతో అనుమతి వస్తుందా లేదా అన్నదానిపై అధికారిక స్పష్టత రావాల్సి ఉంది.
సినిమా విశేషాలు
జన నాయకుడుకు H. Vinoth దర్శకత్వం వహించారు. ఈ చిత్రం తెలుగులో హిట్ అయిన **Bhagavanth Kesari**కి రీమేక్ అన్న ప్రచారం ఉంది. అయితే రీమేక్ అయినప్పటికీ, విజయ్ రాజకీయ ప్రయాణానికి అనుకూలంగా కొన్ని అదనపు సన్నివేశాలు, సంభాషణలు జోడించారనే టాక్ వినిపిస్తోంది.
ఈ చిత్రంలో Pooja Hegde కథానాయికగా నటించగా, మలయాళ నటి Mamitha Baiju విజయ్ కుమార్తె పాత్రలో కనిపించనున్నారు.
విజయ్ చివరి సినిమా కావడంతో ఆసక్తి
రాజకీయాల్లోకి పూర్తిస్థాయిలో అడుగుపెట్టనున్న నేపథ్యంలో జన నాయకుడు తర్వాత సినిమాలకు దూరంగా ఉంటానని విజయ్ ఇప్పటికే ప్రకటించారు. అందుకే ఈ సినిమా ఆయన అభిమానులకు మరింత స్పెషల్.
అయితే సౌదీలో నిషేధం ఖాయమైతే గల్ఫ్ మార్కెట్పై ప్రభావం పడే అవకాశముంది. మరి మార్పులతో అయినా అక్కడ రిలీజ్ అవుతుందా? లేక నిషేధమే కొనసాగుతుందా? అన్నదానిపై మేకర్స్ నుంచి అధికారిక ప్రకటన రావాల్సి ఉంది. ఈ చిత్రం జనవరి 9న విడుదల కానుంది.
ఇవీ చదవండి: Vijay Deverakonda Rashmika: రోమ్లో ప్రేమ జంట? విజయ్ వెనక కనిపించిన అమ్మాయి రష్మికేనా?
Box Office: భారీ టార్గెట్.. రూ.1,000 కోట్ల లక్ష్యంతో ఈసారి జాతరే! ఈ ఏడాది భారతీ చలనచిత్రం నయా హిస్టరీ!
