AP Budget 2026-27: ఆంధ్రప్రదేశ్ ప్రభుత్వం ప్రవేశపెట్టిన 2026-27 బడ్జెట్ రాష్ట్రాన్ని స్వర్ణ ఆంధ్ర @2047 లక్ష్యానికి తీసుకెళ్లే దిశగా రూపుదిద్దుకుంది. మొత్తం బడ్జెట్ పరిమాణం రూ. 3,32,205 కోట్లుగా ఉండగా, అభివృద్ధి, సంక్షేమం, మౌలిక సదుపాయాలు, మానవ వనరుల అభివృద్ధి మధ్య సమతుల్యం పాటించింది. ఆర్థిక లోటు రూ. 75,868.09 కోట్లు, రెవెన్యూ లోటు రూ. 22,002.50 కోట్లుగా అంచనా వేసింది. మూలధన వ్యయం రూ. 53,915 కోట్లుగా ఉండడం ద్వారా మౌలిక సదుపాయాల విస్తరణకు ప్రభుత్వం పెద్దపీట వేసినట్లు స్పష్టం అవుతోంది.
ఆర్థిక స్థితిగతులు – ఆదాయ వనరులు
రాష్ట్ర ఆదాయ వనరుల్లో పన్ను ఆదాయం ప్రధాన పాత్ర పోషిస్తోంది.
పన్ను ఆదాయం: రూ. 1,25,845 కోట్లు
కేంద్ర పన్నుల వాటా: రూ. 64,362 కోట్లు
పన్నుయేతర ఆదాయం: రూ. 11,473 కోట్లు
గత ప్రభుత్వం మిగిల్చిన అప్పు రూ. 9 లక్షల 74 వేల కోట్లుగా పేర్కొంటూ, ఆర్థిక క్రమశిక్షణకు ప్రస్తుత ప్రభుత్వం ప్రాధాన్యత ఇస్తున్నట్లు బడ్జెట్ స్పష్టం చేసింది.
ఆర్థిక జోన్లు & ప్రాంతీయ అభివృద్ధి
రాష్ట్రాన్ని ఆర్థిక కేంద్రంగా మార్చేందుకు ఆర్థిక జోన్లు (Economic Regions) ఏర్పాటు చేయనున్నారు.
అమరావతి ఆర్థిక ప్రాంతం: 9 జిల్లాలు
విశాఖ ఆర్థిక ప్రాంతం: 10 జిల్లాలు – రూ. 28 వేల కోట్లు
రాయలసీమ గ్లోబల్ హార్టికల్చర్ హబ్: రూ. 30 వేల కోట్లు
హార్టికల్చర్ క్లస్టర్లు: రూ. 30 వేల కోట్లు
ఈ చర్యలతో పెట్టుబడులు, ఉపాధి అవకాశాలు పెరగనున్నాయి.
విద్య & మానవ వనరుల అభివృద్ధి
ప్రభుత్వం మానవ వనరుల అభివృద్ధిని కీలక అస్త్రంగా భావిస్తోంది.
తల్లికి వందనం: రూ. 9,668 కోట్లు
మహిళా, శిశు సంక్షేమం: రూ. 4,581 కోట్లు
స్కాలర్షిప్లు: రూ. 3,836 కోట్లు
సమగ్ర శిక్ష: రూ. 2,946 కోట్లు
ఉన్నత విద్య: రూ. 2,566 కోట్లు
డొక్క సీతమ్మ మధ్యాహ్న భోజనం: రూ. 2,161 కోట్లు
స్కిల్ డెవలప్మెంట్: రూ. 1,232 కోట్లు
మనబడి–మన భవిష్యత్: రూ. 1,500 కోట్లు
పాఠశాల విద్యకు మొత్తం: రూ. 32,308 కోట్లు
ఆరోగ్యం & సామాజిక భద్రత
వైద్య ఆరోగ్య శాఖ: రూ. 19,306 కోట్లు
ఎన్టీఆర్ వైద్యసేవ: రూ. 4,000 కోట్లు
జల జీవన్ మిషన్: రూ. 4,000 కోట్లు
హౌసింగ్: రూ. 5,451 కోట్లు
ఎన్టీఆర్ భరోసా (పెన్షన్లు): రూ. 27,719 కోట్లు
వీబిజ్ రామ్ జీ పథకం: రూ. 8,365 కోట్లు
వ్యవసాయం & జల వనరులు
సాగునీటి ప్రాజెక్టులు: రూ. 9,906 కోట్లు
పోలవరం: రూ. 6,105 కోట్లు
అన్నదాత సుఖీభవ: రూ. 6,600 కోట్లు
రాష్ట్రీయ కృషి వికాస్ యోజన: రూ. 1,927 కోట్లు
ధరల స్థిరీకరణ నిధి: రూ. 500 కోట్లు
మత్స్యకారులు: రూ. 260 కోట్లు
జల వనరుల శాఖ: రూ. 18,223 కోట్లు
పట్టణాభివృద్ధి & మౌలిక సదుపాయాలు
పంచాయతీ రాజ్: రూ. 22,941 కోట్లు
మున్సిపల్ శాఖ / పట్టణాభివృద్ధి: రూ. 14,538 కోట్లు
రోడ్లు, పోర్టులు, ఎయిర్పోర్టులు: రూ. 13,546 కోట్లు
ఎంఎస్ఎంఈ: రూ. 3,161 కోట్లు
భద్రత & పాలన
పోలీస్ శాఖకు 3,000 కొత్త వాహనాలు
కొత్త ఏపీ పోలీస్ అకాడమీకి 94 ఎకరాలు
హోం శాఖ: రూ. 9,165 కోట్లు
ఐటీ శాఖ: రూ. 536 కోట్లు
పౌరసరఫరాల శాఖ: రూ. 3,821 కోట్లు
హాస్టళ్లు, గురుకులాలు: రూ. 300 కోట్లు
సమగ్రంగా చూస్తే…
ఈ బడ్జెట్ అభివృద్ధి–సంక్షేమం మధ్య సమతుల్యాన్ని సాధిస్తూ, రాష్ట్రాన్ని పెట్టుబడులకు ఆకర్షణీయంగా మార్చడం, పేదరిక నిర్మూలన, ఉపాధి కల్పన, మానవ వనరుల బలోపేతం లక్ష్యంగా రూపొందింది. స్వర్ణ ఆంధ్ర @2047 దిశగా ఇది కీలక అడుగుగా చెప్పుకోవచ్చు.
ఆర్థిక మంత్రి పయ్యావుల కేశవ్ బడ్జెట్ ప్రసంగం కోసం ఇక్కడ క్లిక్ చేయండి.. Budget speech 2026-27-14.02.2026-06.07
ఇవీ చదవండి: AP Budget 2026-27: సంక్షేమ పథకాలకే పెద్దపీట – పేదరిక నిర్మూలన లక్ష్యం
AP Budget 2026-27: విద్య–ఆరోగ్యాలపై భారీ పెట్టుబడులు – మానవ వనరుల అభివృద్ధే పునాది
