India Post Jobs 2026: ఉద్యోగాల కోసం ఎదురుచూస్తున్న అభ్యర్థులకు కేంద్ర ప్రభుత్వం భారీ గుడ్న్యూస్ చెప్పేందుకు సిద్ధమైంది. కేంద్ర తపాలా శాఖ ఆధ్వర్యంలో దేశవ్యాప్తంగా ఉన్న పోస్టల్ సర్కిళ్లలో 2026 సంవత్సరానికి గానూ మొత్తం 28,740 గ్రామీణ డాక్ సేవక్ (GDS) పోస్టులను భర్తీ చేయనున్నారు.
ఈ మేరకు ఇండియా పోస్టు అధికారులు ఇప్పటికే ఏర్పాట్లు పూర్తి చేస్తున్నట్లు సమాచారం. అధికారిక నోటిఫికేషన్ త్వరలోనే విడుదల కానుంది. అందుతున్న వివరాల ప్రకారం జనవరి నెల చివరి వారంలోపే ప్రకటన వెలువడే అవకాశం ఉంది.
రాత పరీక్ష లేకుండానే ఉద్యోగం!
ఈ తపాలా ఉద్యోగాలకు ప్రత్యేకంగా రాత పరీక్ష నిర్వహించరు. పదో తరగతిలో సాధించిన మార్కుల ఆధారంగానే మెరిట్ లిస్ట్ రూపొందిస్తారు. అందువల్ల 10వ తరగతి పూర్తిచేసిన అభ్యర్థులందరికీ ఇది మంచి అవకాశం. ఎంపికైన వారికి తమ సొంత జిల్లా, మండలాల పరిధిలోనే పోస్టింగ్ ఇవ్వనున్నారు.
భర్తీ చేయనున్న పోస్టులు ఇవే
ఈ నోటిఫికేషన్ ద్వారా క్రింది పోస్టులను భర్తీ చేయనున్నారు:
🔹 బ్రాంచ్ పోస్టు మాస్టర్ (BPM)
🔹 అసిస్టెంట్ బ్రాంచ్ పోస్టు మాస్టర్ (ABPM)
🔹 గ్రామీణ డాక్ సేవక్ (GDS)
ఈ ఉద్యోగాలు కేంద్ర ప్రభుత్వ పరిధిలోకి రావడంతో జీతం, భద్రత పరంగా మంచి ప్రయోజనాలు ఉంటాయి.
అర్హత ఎవరికంటే?
కనీస విద్యార్హత: 10వ తరగతి ఉత్తీర్ణత
ఎంపిక విధానం: మార్కుల ఆధారిత మెరిట్
రాత పరీక్ష: ❌ లేదు
ఇంటర్వ్యూ: ❌ లేదు
ఇతర పూర్తి వివరాలు, దరఖాస్తు తేదీలు, సర్కిల్ వారీ ఖాళీల సమాచారం కోసం India Post అధికారిక వెబ్సైట్ను మాత్రమే పరిశీలించాలని అధికారులు సూచిస్తున్నారు.
అంబేడ్కర్ యూనివర్సిటీ పాత విద్యార్థులకు మరో అవకాశం
ఇదిలా ఉండగా, తెలంగాణలోని డా. బీఆర్ అంబేడ్కర్ సార్వత్రిక విశ్వవిద్యాలయం పాత విద్యార్థులకు శుభవార్త తెలిపింది. వివిధ కారణాలతో కోర్సులు పూర్తి చేయలేకపోయిన విద్యార్థులకు స్పెషల్ రీ-అడ్మిషన్ అవకాశం కల్పిస్తున్నట్లు యూనివర్సిటీ ప్రకటించింది.
ఎవరికీ ఈ అవకాశం?
1986 నుంచి 2013 విద్యాసంవత్సరాల మధ్య
BA, B.Com, B.Sc డిగ్రీ కోర్సుల్లో అడ్మిషన్ పొందిన విద్యార్థులు
వారు తమ చదువును పూర్తి చేసుకునేందుకు ప్రత్యేక వెసులుబాటు కల్పించనున్నట్లు విద్యార్థి సేవల విభాగం డైరెక్టర్ డా. వై. వెంకటేశ్వర్లు వెల్లడించారు.
ఆసక్తి ఉన్న విద్యార్థులు హైదరాబాద్ జూబ్లీహిల్స్లోని యూనివర్సిటీ ప్రధాన కార్యాలయాన్ని సంప్రదించాలని సూచించారు.
సంప్రదించేందుకు నంబర్లు
📞 కాల్ సెంటర్: 1800 599 0101
☎️ హెల్ప్డెస్క్: 040 – 2368 0222
ఇవీ చదవండి: IIIT-Basara: హృదయవిదారకం.. బాసర IIIT విద్యార్థిని స్వాతి ప్రియ సూసైడ్ నోట్..
SADAREM: సదరం సర్టిఫికెట్ ఎలా పొందాలి? ఎక్కడ ఇస్తారు? పూర్తి వివరాలు ఇవీ..
NPCIL Jobs 2026: ఇంటర్ అర్హతతో న్యూక్లియర్ పవర్ కార్పొరేషన్లో ఉద్యోగాలు.. నెల జీతం రూ.55,932 వరకు..
