Rewind 2025: మరికొన్ని రోజుల్లో 2025 ముగియనుంది. కొత్త సంవత్సరానికి స్వాగతం పలికేందుకు సినీ ప్రేక్షకులు సిద్ధమవుతున్నారు. ఈ నేపథ్యంలో వెనక్కి తిరిగి చూసుకుంటే, 2025లో ఎన్నో సినిమాలు బాక్సాఫీస్ వద్ద సూపర్ హిట్స్గా నిలిచాయి. నిర్మాతలకు భారీ లాభాలు తెచ్చిపెట్టాయి.
అయితే ఆశ్చర్యకరమైన విషయం ఏంటంటే.. ఈ ఏడాది ఒక్క సినిమా కూడా రూ.1000 కోట్ల క్లబ్ను అందుకోలేకపోయింది. కానీ రూ.500 కోట్లకు పైగా వసూళ్లు సాధించిన సినిమాలు మాత్రం పలు ఉన్నాయి. ఇంకా షాకింగ్ విషయం ఏమిటంటే.. ఈ జాబితాలో ఒక్క తెలుగు సినిమా కూడా లేకపోవడం.
తెలుగులో ఈ ఏడాది బిగ్గెస్ట్ బ్లాక్బస్టర్గా నిలిచింది పవన్ కళ్యాణ్ నటించిన ‘ఓజీ’. ఈ చిత్రం ప్రపంచవ్యాప్తంగా సుమారు రూ.320 కోట్లకు పైగా వసూళ్లు సాధించి, 2025లో తెలుగులో అత్యధిక కలెక్షన్లు సాధించిన సినిమాగా నిలిచింది.
అయితే 2025లో రూ.500 కోట్లకు పైగా వసూళ్లు సాధించిన సినిమాల జాబితా ఇలా ఉంది..
ఛావా
విక్కీ కౌశల్, రష్మిక మందన్న ప్రధాన పాత్రల్లో నటించిన ‘ఛావా’ ఈ ఏడాది బాక్సాఫీస్ను షేక్ చేసిన చిత్రం. ఛత్రపతి శివాజీ మహారాజ్ కుమారుడు ఛత్రపతి శంభాజీ మహారాజ్ పాత్రలో విక్కీ కౌశల్ నటనకు ప్రశంసలు దక్కాయి. ఈ చిత్రం ప్రపంచవ్యాప్తంగా సుమారు రూ.807 కోట్ల వసూళ్లు సాధించి సూపర్ హిట్గా నిలిచింది.
కూలీ
సూపర్స్టార్ రజనీకాంత్ నటించిన ‘కూలీ’ మోస్తరు విజయాన్ని సాధించింది. టేకింగ్, కథనంపై మిశ్రమ స్పందన వచ్చినప్పటికీ, లోకేష్ కనగరాజ్ దర్శకత్వంలో తెరకెక్కిన ఈ చిత్రం రూ.500 కోట్లకు పైగా వసూళ్లు రాబట్టి బాక్సాఫీస్లో తన సత్తా చాటింది.
సయారా
బాలీవుడ్లో ఈ ఏడాది భారీ విజయం సాధించిన చిత్రం ‘సయారా’. కొత్త హీరోహీరోయిన్లు అయిన అహాన్ పాండే, అనిత్ పద్దా జంటగా నటించినప్పటికీ, కంటెంట్తో ప్రేక్షకులను ఆకట్టుకుంది. ఈ చిత్రం కూడా రూ.500 కోట్ల క్లబ్లోకి ప్రవేశించింది.
కాంతార: అధ్యాయం 1
రిషబ్ శెట్టి దర్శకత్వం, నటనలో వచ్చిన ‘కాంతార: చాప్టర్ 1’ 2025లోనే అత్యధిక వసూళ్లు సాధించిన సినిమాగా నిలిచింది. రుక్మిణి వసంత్ హీరోయిన్గా నటించిన ఈ చిత్రం ప్రపంచవ్యాప్తంగా దాదాపు రూ.900 కోట్ల వసూళ్లు సాధించి ఇండియన్ బాక్సాఫీస్ను షేక్ చేసింది.
ధురంధర్
రణ్వీర్ సింగ్ ప్రధాన పాత్రలో నటించిన ‘ధురంధర్’ విడుదలైన రెండు వారాల్లోనే సుమారు రూ.400 కోట్ల వసూళ్లు సాధించింది. థియేటర్లలో ఇంకా మంచి రన్ కొనసాగుతుండటంతో, ప్రపంచవ్యాప్తంగా ఈ సినిమా కలెక్షన్లు ఇప్పటికే రూ.500 కోట్ల మార్క్ను దాటాయి.
మొత్తం మీద…
2025లో బాక్సాఫీస్ వద్ద భారీ వసూళ్లు నమోదైనప్పటికీ, రూ.500 కోట్ల క్లబ్లో ఒక్క తెలుగు సినిమా కూడా లేకపోవడం సినీ వర్గాల్లో చర్చనీయాంశంగా మారింది. రాబోయే సంవత్సరంలో అయినా టాలీవుడ్ నుంచి పాన్ ఇండియా లెవల్ కలెక్షన్లు నమోదవుతాయేమో చూడాలి.
ఇవీ చదవండి: Investment Formula: రూ.50 వేల జీతంతోనే 2 కోట్లు ఎలా సంపాదించాలి? ఇదే అద్భుతమైన ఫార్మూలా!
Akhanda 2 : అఖండ 2 టికెట్ల రేట్ల పెంపు: రైతు కన్నీళ్లు vs సినిమా కలెక్షన్లు.. వినిపిస్తున్న విమర్శలివే!