శుక్రవారం, 20 నవంబర్ 2026 --:--:-- | 📍 వాతావరణం తెలుసుకుంటోంది...
Sports

T10 Cricket: టీ10 క్రికెట్‌లో సంచలనం.. స్కాట్లాండ్ బ్యాటర్ రికార్డు సెంచరీ 

Keerthanaa News Deskప్రచురణ తేదీ: శుక్రవారం, 27 సెప్టెంబర్ 2024

T10 Cricket: టీ20 క్రికెట్ లో సంచలనాలు నమోదు కావడం మామూలు విషయమే. అయితే, టీ10 క్రికెట్ అంటే ఇంకెంత మజా ఉంటుందో ప్రత్యేకంగా చెప్పాల్సిన పని లేదు. తాజాగా టీ10 క్రికెట్ టోర్నీలో ఓ సంచలనం నమోదైంది. జిమ్‌ ఆఫ్రో లీగ్‌-2024లో స్కాట్లాండ్‌ బ్యాటర్ జార్జ్‌ మున్సే రికార్డు సెంచరీ చేశాడు. సుడిగాలి బ్యాటింగ్ తో శతక్కొట్టుడు కొట్టాడు.

డర్బన్‌ వోల్వ్స్‌తో జరిగిన టీ10 టోర్నీలోని ఓ మ్యాచ్‌లో మున్సే (హరారే బోల్ట్స్‌) 38 బంతుల్లోనే సెంచరీ పూర్తి చేసి ఔరా అనిపించాడు. ఈ సెంచరీలె 6 ఫోర్లు, 10 సిక్సర్లు బాదేశాడు. జిమ్‌ ఆఫ్రో లీగ్‌ చరిత్రలో ఇదే తొలి సెంచరీ, తక్కువ బంతుల్లో సెంచరీ కావడం విశేషం.

మున్సే శతక్కొట్టి రెచ్చిపోవడంతో తొలుత బ్యాటింగ్‌ చేసిన హరారే బోల్ట్స్‌ నిర్ణీత 10 ఓవర్లలో 2 వికెట్ల నష్టానికి 173 పరుగుల భారీ స్కోరు చేసింది. బోల్ట్స్‌ ఇన్నింగ్స్‌లో మున్సే సెంచరీ తర్వాత ఎక్స్‌ట్రాల రూపంలో (29) పరుగులు ఇచ్చుకున్నారు. జనిష్క పెరీరా 24, లహీరు మిలంత 13, దసున్‌ షనక 7 రన్స్ రాబట్టారు. వోల్వ్స్‌ బౌలర్లలో దౌలత్‌ జద్రాన్‌ రెండు వికెట్లు పడగొట్టాడు.

174 పరుగుల భారీ టార్గెట్ తో బరిలోకి దిగిన వోల్వ్స్‌.. ఏ దశలో గెలుపు దిశగా స్కోర్ బోర్డు కదల్లేదు. ఆ జట్టు 10 ఓవర్లలో 6 వికెట్ల నష్టానికి 116 పరుగులకే చతికిలబడింది. 54 పరుగుల భారీ తేడాతో ఓడిపోయింది. కొలిన్‌ మున్రో (32), షర్జీల్‌ ఖాన్‌ (25), విల్‌ స్మీడ్‌ (16), ఇన్నోసెంట్‌ కాలా (16), రిచ్‌మండ్‌ ముతుంబామి (15) మాత్రమే స్కోర్ బోర్డును కదిలించారు.

ఇవీ చదవండి: Virat Kohli Water: విరాట్ కోహ్లీ తాగే వాటర్ ప్రత్యేకతలు తెలిస్తే ఆశ్చర్యపోతారు!
MS Dhoni Kohli Remuneration: ధోనీ, విరాట్‌ కోహ్లీ కంటే ఎక్కువ రెమ్యునరేషన్‌ తీసుకొనే ఆటగాడు ఎవరో తెలుసా?
MS Dhoni Six: మహేంద్రసింగ్‌ ధోని భారీ సిక్సర్లు.. వీడియో వైరల్‌.. సింహం సిద్ధమవుతోంది!!
MS Dhoni Jersey: ధోనికి బీసీసీఐ గౌరవం.. నంబర్ 7 జెర్సీకి వీడ్కోలు
ట్యాగ్స్: , , , , , ,
AIతో కథనాన్ని సంక్షిప్తంగా చదవండి

ఎంపిక చేసిన AI సేవలో ఈ కథనం లింక్‌తో సమ్మరీ తెరుచుకుంటుంది.