Ram Charan: మెగా పవర్ స్టార్ Ram Charan ప్రస్తుతం తన తాజా చిత్రం Peddi పనుల్లో బిజీగా ఉన్నప్పటికీ మరో సినిమా చూసి తన అభిప్రాయాలను సోషల్ మీడియాలో పంచుకున్నారు. ఇటీవల విడుదలైన Dacoit చిత్రాన్ని చూసిన చరణ్, సినిమా టీమ్పై ప్రశంసల వర్షం కురిపించారు. ముఖ్యంగా హీరో Adivi Sesh నటనను ప్రత్యేకంగా మెచ్చుకున్నారు.
“హరి పాత్రలో శేష్ నటన అద్భుతం”
సోషల్ మీడియా వేదికగా స్పందించిన రామ్ చరణ్, “ఇప్పుడే ‘డెకాయిట్’ సినిమా చూశాను. సినిమా చూస్తూ చాలా బాగా ఎంజాయ్ చేశాను. హరి పాత్రలో అడివి శేష్ తన నటనతో సినిమాను మరో లెవెల్కు తీసుకెళ్లారు. ఆయన నటన చాలా కాలం వరకు గుర్తుండిపోతుంది” అని పేర్కొన్నారు. అంతేకాకుండా హీరోయిన్ Mrunal Thakur నటనపై కూడా ఆయన ప్రశంసలు కురిపించారు. “మృణాళ్ ఠాకూర్ తన పాత్రకు ప్రాణం పోశారు. ఆమె నటన ఈ సినిమాకు పెద్ద అసెట్గా నిలిచింది” అని తెలిపారు.
టెక్నికల్ వాల్యూస్పై ప్రశంసలు
ఈ సందర్భంగా సినిమా టెక్నికల్ టీమ్ను కూడా రామ్ చరణ్ అభినందించారు. Supriya Yarlagadda ఆధ్వర్యంలోని Annapurna Studios ఈ కథను నమ్మి ఎక్కడా రాజీ పడకుండా నిర్మించిందని ఆయన అన్నారు.
“హై టెక్నికల్ వాల్యూస్తో సినిమాను అద్భుతంగా ప్రెజెంట్ చేశారు. ఈ సినిమా కోసం పనిచేసిన మొత్తం టీమ్కు అభినందనలు” అంటూ తన పోస్ట్లో రామ్ చరణ్ రాసుకొచ్చారు. ప్రస్తుతం ఈ పోస్ట్ సోషల్ మీడియాలో వైరల్ అవుతోంది.
‘డెకాయిట్’కు వస్తున్న ప్రశంసలు
దర్శకుడు Shaniel Deo తెరకెక్కించిన ‘డెకాయిట్’ సినిమాలో అడివి శేష్, మృణాళ్ ఠాకూర్ ప్రధాన పాత్రల్లో నటించారు. ఏప్రిల్ 10న విడుదలైన ఈ చిత్రం ప్రేక్షకుల నుంచి మంచి స్పందన పొందుతోంది.
సస్పెన్స్, యాక్షన్, భావోద్వేగాల మేళవింపుతో రూపొందిన ఈ సినిమా విడుదలైన కొద్ది రోజుల్లోనే పాజిటివ్ టాక్తో ముందుకు దూసుకెళుతోంది. ఇప్పటికే పలువురు సినీ ప్రముఖులు కూడా ఈ చిత్రాన్ని చూసి ప్రశంసలు కురిపించారు.
సెలబ్రిటీల నుంచి మద్దతు
ఈ సినిమాపై ఇప్పటికే Nani మరియు Nag Ashwin వంటి ప్రముఖులు కూడా ప్రశంసలు కురిపించారు. ఇప్పుడు రామ్ చరణ్ కూడా తన అభిప్రాయాన్ని వ్యక్తం చేయడంతో ‘డెకాయిట్’ సినిమాకు మరింత హైప్ పెరిగింది.
‘పెద్ది’తో రాబోతున్న రామ్ చరణ్
ఇదిలా ఉండగా రామ్ చరణ్ ప్రస్తుతం తన తదుపరి చిత్రం ‘పెద్ది’ షూటింగ్ పనుల్లో బిజీగా ఉన్నారు. దర్శకుడు Buchi Babu Sana తెరకెక్కిస్తున్న ఈ విలేజ్ స్పోర్ట్స్ డ్రామాలో హీరోయిన్గా Janhvi Kapoor నటిస్తోంది.
ఈ చిత్రంలో Shiva Rajkumar, Jagapathi Babu, Sai Kumar, Divyenndu, Satya కీలక పాత్రలు పోషిస్తున్నారు. ఆస్కార్ విజేత A. R. Rahman ఈ సినిమాకు సంగీతం అందిస్తున్నారు.
దాదాపు షూటింగ్ పూర్తి చేసుకున్న ఈ భారీ చిత్రం ఈ నెల 30న ప్రపంచవ్యాప్తంగా విడుదల కానుంది. ‘పెద్ది’తో రామ్ చరణ్ మరో బ్లాక్బస్టర్ అందుకుంటారా అన్న ఆసక్తి అభిమానుల్లో నెలకొంది.
ఇవీ చదవండి: Ram Charan: రామ్ చరణ్ ‘పెద్ది’లో స్పెషల్ సాంగ్.. చరణ్తో స్టెప్పులు వేయబోయేది ఈ క్రేజీ బ్యూటీనా?
Ram Charan: ‘పెద్ది’ కోసం చెర్రీ కఠిన సాధన.. 8 నెలలు పహిల్వాన్లా ట్రైనింగ్!
Ram Charan: రామ్ చరణ్ బర్త్డే సెలబ్రేషన్స్.. కూతురు అన్వీరా దేవి నాన్నలా ఉందన్న ఉపాసన
