Good News AP: ప్రతి కుటుంబానికి సొంతిల్లు అందించాలని లక్ష్యంగా పనిచేస్తున్న ఆంధ్రప్రదేశ్ ప్రభుత్వం మరోసారి భారీ స్థాయిలో ఇళ్ల పంపిణీ చేపట్టనుంది. రెండో విడతగా రాష్ట్రవ్యాప్తంగా 2.5 లక్షల గృహ ప్రవేశాలను ఏకకాలంలో నిర్వహించేందుకు ప్రభుత్వం సిద్ధమైంది. ఈ కార్యక్రమంలో N. Chandrababu Naidu పాల్గొని లబ్ధిదారులతో గృహ ప్రవేశాలు చేయించనున్నారు.
సూళ్లూరుపేటలో ప్రధాన కార్యక్రమం
30న తిరుపతి జిల్లాలోని సూళ్లూరుపేట నియోజకవర్గంలో జరిగే ఈ సామూహిక గృహప్రవేశ కార్యక్రమానికి ముఖ్యమంత్రి చంద్రబాబు హాజరవుతారు. నాయుడుపేట మండలం పుదూరులో నిర్వహించే కార్యక్రమంలో రాష్ట్రవ్యాప్తంగా లబ్ధిదారులకు ఇళ్లను అధికారికంగా అందజేయనున్నారు.
21 నెలల్లో 5.50 లక్షల ఇళ్లు
కూటమి ప్రభుత్వం అధికారంలోకి వచ్చిన తర్వాత పేదలకు ఇళ్ల పంపిణీ కార్యక్రమాన్ని వేగవంతం చేసింది. గత ఏడాది నవంబర్లో రాయచోటి నుంచి రాష్ట్రవ్యాప్తంగా 3 లక్షల ఇళ్లను లబ్ధిదారులకు అందజేశారు. ఇప్పుడు రెండో విడతలో భాగంగా 1 లక్ష టిడ్కో ఇళ్లతో పాటు మరో 1.50 లక్షల ఇళ్లను పంపిణీ చేయనున్నారు. దీంతో మొత్తం 21 నెలల కాలంలో 5.50 లక్షల మంది పేదలకు సొంతిల్లు అందించినట్లవుతుంది.
పీ4 కార్యక్రమ వార్షికోత్సవం
ఇళ్ల పంపిణీ కార్యక్రమం అనంతరం ముఖ్యమంత్రి తిరుపతికి వెళ్లనున్నారు. అక్కడ పేదరిక నిర్మూలన కోసం ప్రభుత్వం ప్రారంభించిన పీ4 కార్యక్రమం ఏడాది పూర్తవుతున్న సందర్భంగా నిర్వహించే వార్షికోత్సవ కార్యక్రమంలో పాల్గొంటారు.
ముఖ్యమంత్రి పర్యటన షెడ్యూల్
ముఖ్యమంత్రి చంద్రబాబు ఉదయం 10 గంటలకు అమరావతి నుంచి బయలుదేరి 11.50 గంటలకు పుదూరుకు చేరుకుంటారు.
11:55 గంటలకు లబ్ధిదారులతో కలిసి టిడ్కో ఇళ్ల గృహప్రవేశాలు
అనంతరం లబ్ధిదారులతో ముచ్చట్లు
12:40 గంటలకు ప్రజావేదికలో సభ
02:40 గంటలకు సూళ్లూరుపేట నేతలు, కార్యకర్తలతో సమీక్షా సమావేశం
తర్వాత సాయంత్రం 04:35 గంటలకు తిరుపతి చేరుకుని శ్రీ పద్మావతి మహిళా విశ్వవిద్యాలయంలోని ఇందిరా ప్రియదర్శిని ఆడిటోరియంలో జరిగే పీ4 వార్షికోత్సవ కార్యక్రమంలో పాల్గొంటారు.
రాత్రికి అమరావతికి తిరుగు
ఈ కార్యక్రమాల అనంతరం ముఖ్యమంత్రి రాత్రి 08:50 గంటలకు అమరావతి చేరుకోనున్నారు. ప్రభుత్వం చేపడుతున్న ఈ భారీ గృహప్రవేశ కార్యక్రమంతో వేలాది పేద కుటుంబాలకు సొంతింటి కల నెరవేరనుంది.
ఇవీ చదవండి: Good News Telangana: తెలంగాణ వాహనదారులకు గుడ్ న్యూస్.. ఇంటికే DL, RC కార్డులు
Good News: ఏపీ ప్రభుత్వరంగ ఉద్యోగులకు గుడ్న్యూస్.. రిటైర్మెంట్ వయసు పెంపుకు గ్రీన్ సిగ్నల్?
Good News: కార్ లోన్ తీసుకునే వారికి గుడ్ న్యూస్..
