Puja: హిందూ సంప్రదాయంలో వారంలో ప్రతి రోజుకు ప్రత్యేక ఆధ్యాత్మిక ప్రాధాన్యత ఉంది. అందులో సోమవారం పరమశివుడికి అత్యంత ప్రీతికరమైన రోజుగా భావిస్తారు. ఈ రోజున భక్తి శ్రద్ధలతో ప్రత్యేక దీపారాధన చేయడం వల్ల శివుడి అనుగ్రహం లభించి జీవితంలోని అనేక అడ్డంకులు తొలగుతాయని పౌరాణిక గ్రంథాలు చెబుతున్నాయి.
1. సోమవారం దీపారాధన ప్రాధాన్యత
సోమవారం శివుడికి అంకితమైన రోజు. ఈ రోజున దీపారాధన చేయడం వల్ల జాతక దోషాలు, గ్రహ సమస్యలు, ఆర్థిక ఇబ్బందులు తగ్గుతాయని నమ్మకం. శివుడిని భక్తితో ప్రార్థిస్తే జీవితంలో శుభఫలితాలు కలుగుతాయని విశ్వాసం ఉంది.
2. దీపం వెలిగించే సరైన సమయం
ఈ పూజను ఉదయం 7 గంటల నుంచి 10 గంటల మధ్య లేదా సాయంత్రం 6 నుంచి 7:30 గంటల మధ్య చేయడం మంచిదని చెబుతారు. ఈ సమయాల్లో దీపారాధన చేస్తే శివానుగ్రహం మరింతగా లభిస్తుందని భక్తులు నమ్ముతారు.
3. పూజకు ముందు పాటించాల్సిన నియమాలు
దీపారాధనకు ముందు శుచిగా స్నానం చేయడం, ఇంటిని శుభ్రం చేసుకోవడం, శుభ్రమైన వస్త్రాలు ధరించడం అవసరం. ఇంట్లో ఉన్న శివపార్వతుల పటాన్ని శుభ్రం చేసి పూలతో అలంకరించి పూజకు సిద్ధం చేయాలి.
4. దీపారాధనకు అవసరమైన వస్తువులు
ఈ పూజకు ప్రధానంగా
తమలపాకు
మారేడు దళం
ప్రమిద లేదా స్టీల్ కుంది
ఆవు నెయ్యి లేదా నువ్వుల నూనె
రెండు వత్తులు
పువ్వు ఉన్న లవంగం
అవసరం. తమలపాకు మీద మారేడు దళం పెట్టి, దానిపై దీపం ఉంచి నెయ్యి లేదా నూనెతో దీపం వెలిగించాలి.
5. లవంగంతో ప్రత్యేక పరిహారం
దీపం వెలిగిన తర్వాత పువ్వు ఉన్న లవంగాన్ని చేతిలో పట్టుకుని మనకు ఉన్న సమస్యలు తొలగాలని, శివుడి అనుగ్రహం కలగాలని ప్రార్థించాలి. అనంతరం ఆ లవంగాన్ని దీపంలో వేయాలి. దీపం పూర్తిగా కొండెక్కిన తర్వాత లవంగాన్ని తీసి చెట్టు దగ్గర వేయడం శుభప్రదంగా భావిస్తారు.
ఇవీ చదవండి: Monday Puja: సోమవారం ఉదయం శివారాధన ఎలా చేస్తే దైవానుగ్రహం లభిస్తుంది?
Saturday Puja: శనివారం ఉదయం ఇలా మొక్కుకుంటే శ్రీ వేంకటేశ్వరుడు మీ కోరిక తప్పక నెరవేరుస్తాడట!
Rahu Ketu Puja : శ్రీకాళహస్తిలో రాహు కేతు పూజ చేయిస్తే ఎలాంటి ఫలితాలుంటాయి?