Akshay Kumar: బాలీవుడ్లో ప్రేక్షకుల అభిరుచి కాలానుగుణంగా మారుతూనే ఉంటుందని స్టార్ హీరో అక్షయ్ కుమార్ అన్నారు. ఇటీవల నిర్వహించిన ఇండియా టుడే కాంక్లేవ్ కార్యక్రమంలో పాల్గొన్న ఆయన, ప్రస్తుతం బాలీవుడ్లో మారుతున్న సినిమా ట్రెండ్ల గురించి ఆసక్తికర వ్యాఖ్యలు చేశారు.
రెండు మూడు సంవత్సరాలకు ఒకసారి ట్రెండ్ మారుతుంది
ప్రేక్షకుల అభిరుచి ప్రతి రెండు మూడు సంవత్సరాలకు ఒకసారి మారుతుందని అక్షయ్ చెప్పారు. ప్రస్తుతం ప్రేక్షకులు యాక్షన్ సినిమాలను ఎక్కువగా ఆస్వాదిస్తున్నారని ఆయన అభిప్రాయపడ్డారు. దీనికి ఉదాహరణగా రణవీర్ సింగ్ నటించిన ‘ధురంధర్’ చిత్రాన్ని ఆయన ప్రస్తావించారు.
“‘ధురంధర్’ సినిమా పూర్తి స్థాయి యాక్షన్ థ్రిల్లర్. సినిమాలో ఎక్కువ భాగం యాక్షన్ సన్నివేశాలే ఉంటాయి. రణవీర్ సింగ్ చేసిన హై ఎనర్జీ యాక్షన్ సీన్స్ ప్రేక్షకులను ఆకట్టుకున్నాయి. థియేటర్లలో ఆ సన్నివేశాలకు చప్పట్లు కొట్టడం చూసినప్పుడు ప్రేక్షకులు ప్రస్తుతం యాక్షన్ సినిమాలను ఎంతగా ఇష్టపడుతున్నారో అర్థమవుతుంది” అని అక్షయ్ పేర్కొన్నారు.
అప్పట్లో సామాజిక సందేశాత్మక సినిమాల ట్రెండ్
ఇప్పటి ట్రెండ్తో పోలిస్తే ఐదారు సంవత్సరాల క్రితం పరిస్థితి భిన్నంగా ఉండేదని ఆయన చెప్పారు. ఆ సమయంలో సామాజిక సందేశం ఉన్న సినిమాలు ప్రేక్షకుల ఆదరణ పొందాయని గుర్తు చేశారు.
తాను నటించిన ‘టాయిలెట్: ఏక్ ప్రేమ్ కథ’, ‘ప్యాడ్ మ్యాన్’ వంటి చిత్రాలు అప్పట్లో భారీ విజయాలు సాధించాయని తెలిపారు. అయితే ఇప్పుడు అలాంటి సినిమాలు తీస్తే అదే స్థాయిలో ఆదరణ లభిస్తుందో లేదో చెప్పడం కష్టమని అన్నారు.
ఇప్పుడు హారర్ కామెడీలకు డిమాండ్
ప్రస్తుతం ప్రేక్షకులు హారర్ కామెడీ సినిమాలనూ బాగా ఆదరిస్తున్నారని అక్షయ్ చెప్పారు. కాలానుగుణంగా ప్రేక్షకుల అభిరుచి మారుతుందని, భవిష్యత్తులో వారు ఏ తరహా సినిమాలను ఇష్టపడతారో ముందుగా అంచనా వేయడం కష్టమని ఆయన అభిప్రాయపడ్డారు.
‘ధురంధర్’ భారీ విజయం
రణవీర్ సింగ్ హీరోగా, ఆదిత్య ధర్ దర్శకత్వంలో తెరకెక్కిన యాక్షన్ థ్రిల్లర్ ‘ధురంధర్’ గత ఏడాది డిసెంబర్లో విడుదలై భారీ విజయాన్ని అందుకుంది. ఈ సినిమా ప్రపంచవ్యాప్తంగా రూ.1300 కోట్లకు పైగా వసూళ్లు సాధించి బాక్సాఫీస్ను షేక్ చేసింది.
సీక్వెల్కు భారీ అంచనాలు
ఈ విజయంతో ఇప్పుడు ఈ చిత్రానికి సీక్వెల్గా ‘ధురంధర్ 2’ రూపొందుతోంది. ఈ సినిమా మార్చి 19న ప్రపంచవ్యాప్తంగా విడుదల కానుంది. యాక్షన్ సన్నివేశాలు మరింత భారీ స్థాయిలో ఉండబోతున్నాయని సమాచారం. దీంతో ఈ సీక్వెల్పై ప్రేక్షకుల్లో భారీ అంచనాలు నెలకొన్నాయి.
ఇవీ చదవండి: Dhurandhar: ‘ధురంధర్ 2’లో ఛాన్స్ వచ్చినా రిజెక్ట్ చేసిన స్టార్ హీరో.. కారణం ఇదే!
Dhurandhar 2: ధురంధర్ 2 నుంచి పవర్ఫుల్ సాంగ్ రిలీజ్.. అంచనాలు పెంచేస్తోన్న చిత్రం
Mrunal Thakur: ఆ హీరో మాటలే నా జీవితాన్ని మార్చేశాయి – మృణాల్ ఠాకూర్ ఎమోషనల్ కామెంట్స్