Tanuja Puttaswamy: తెలుగు రియాలిటీ షోల్లో అత్యంత ప్రజాదరణ పొందిన కార్యక్రమాల్లో ఒకటైన Bigg Boss Telugu ద్వారా మంచి గుర్తింపు తెచ్చుకున్న నటి Tanuja Puttaswamy తాజాగా భావోద్వేగానికి గురైంది. అభిమానులు చూపిస్తున్న ప్రేమాభిమానాలు చూసి ఆమె కన్నీళ్లు పెట్టుకుంది.
అభిమానిని ప్రేమ చూసి భావోద్వేగం
సెలబ్రిటీలకు అభిమానుల ప్రేమ ఎంతో ముఖ్యమైనది. అదే సమయంలో వారి స్పందన కూడా నటీనటులకు ప్రత్యేక అనుభూతిని ఇస్తుంది. తాజాగా తనూజ పుట్టస్వామికి చెందిన ఒక మహిళా అభిమాని చేసిన పని ఆమెను ఎంతో కదిలించింది.
తనను ఎంతో అభిమానించే ఒక యువతి వందన తనూజ కోసం ప్రత్యేకంగా ఒక డైరీ రాసింది. అందులో తనూజ గురించి తన అభిప్రాయాలు, అభిమానాన్ని వ్యక్తం చేస్తూ ఎన్నో విషయాలు రాసినట్లు తెలుస్తోంది. ఈ డైరీని చదువుతున్న ఫోటోను తనూజ తన ఇన్స్టాగ్రామ్ స్టోరీలో షేర్ చేసింది.
“నేనెంత అదృష్టవంతురాలినో..”
ఈ సందర్భంగా తనూజ ఎంతో భావోద్వేగంగా స్పందించింది. “నేనెంత అదృష్టవంతురాలినో కదా. నాకు పుస్తకాలు చదవడం చాలా ఇష్టం. కానీ ఈసారి నేను చదువుతున్నది చాలా ప్రత్యేకమైన పుస్తకం. నా యోగక్షేమాలు కోరుకునే ఒక వ్యక్తి నాకోసం ప్రత్యేకంగా రాసిన డైరీ ఇది. నాకు మాటలు రావడం లేదు,” అని ఆమె పేర్కొంది.
చదువుతుంటే కన్నీళ్లు ఆగడం లేదట
ఆ డైరీ చదువుతున్నప్పుడు తనకు ఎంతో భావోద్వేగం కలిగిందని తనూజ తెలిపింది. “నమ్ముతారో లేదో కానీ, ఇది చదువుతుంటే నా కన్నీళ్లు ఆగడం లేదు. సాధారణంగా మనల్ని పూర్తిగా అర్థం చేసుకునేది మన కుటుంబ సభ్యులే. కానీ నా విషయంలో ఎంతోమంది ప్రజలు కూడా నన్ను అర్థం చేసుకున్నారు, అక్కున చేర్చుకున్నారు,” అని ఆమె భావోద్వేగంతో రాసింది.
అభిమానులకు ప్రత్యేక కృతజ్ఞతలు
తన మంచి కోసం ప్రార్థిస్తున్న అభిమానులు తన జీవితానికి పెద్ద వరమని తనూజ తెలిపింది. తనకోసం డైరీ రాసిన వందన అనే అభిమానికి ప్రత్యేకంగా కృతజ్ఞతలు తెలిపిన ఆమె, “ఐ లవ్యూ” అంటూ తన ప్రేమను వ్యక్తం చేసింది.
బిగ్బాస్ తర్వాత పెరిగిన ఫ్యాన్ ఫాలోయింగ్
Bigg Boss Telugu Season 9 లో పాల్గొన్న తర్వాత తనూజ పుట్టస్వామికి భారీగా అభిమానులు పెరిగారు. ఆ సీజన్లో ఆమె రన్నరప్గా నిలిచింది. షోలో ఆమె చూపించిన నిజాయితీ, భావోద్వేగం ప్రేక్షకులను ఆకట్టుకుంది. ఇప్పుడు కూడా సోషల్ మీడియాలో తన అభిమానులతో తరచూ టచ్లో ఉంటూ, వారి ప్రేమకు స్పందిస్తూ ఉంటోంది. తాజాగా అభిమాని రాసిన డైరీ చదివి కన్నీళ్లు పెట్టుకున్న సంఘటన ఆమె అభిమానుల్లో మరింత అనుబంధాన్ని పెంచింది.
ఇవీ చదవండి: Bigg Boss Telugu: బిగ్బాస్ వెళ్లి తప్పు చేశానా? నటి కిర్రాక్ సీత సంచలన వ్యాఖ్యలు
Bigg Boss Telugu: అందాల భామ.. ఆ సీక్రెట్ చెప్పి ఆశ్చర్యపరిచింది.. దివి ఏం చెప్పిందంటే..