Objection My Lord: తెలుగు ప్రేక్షకులకు వినూత్నమైన కథలతో ఎప్పటికప్పుడు కొత్త అనుభూతిని అందిస్తున్న ప్రముఖ ఓటీటీ ప్లాట్ఫామ్ జీ5 (ZEE5) మరో ఒరిజినల్ సిరీస్తో ప్రేక్షకుల ముందుకు రానుంది. ‘అబ్జెక్షన్ మై లార్డ్’ పేరుతో రూపొందిన ఈ కోర్ట్రూమ్ డ్రామాలో హీరో శ్రీకాంత్ ప్రధాన పాత్రలో నటించగా, అనన్య శర్మ, ముఖేష్ రుషి, స్నేహాల్, సమీర్ తదితరులు కీలక పాత్రలు పోషించారు. ‘నోటరీ పరశురాం’ అనే ట్యాగ్లైన్తో రూపొందిన ఈ సిరీస్ జూలై 31 నుంచి జీ5లో స్ట్రీమింగ్ కానుంది. తాజాగా విడుదలైన ట్రైలర్కు ప్రేక్షకుల నుంచి మంచి స్పందన లభిస్తోంది.
మెగాస్టార్ చిరంజీవి చేతుల మీదుగా ట్రైలర్ విడుదల
ఈ సిరీస్ ట్రైలర్ను మెగాస్టార్ చిరంజీవి విడుదల చేయడం ప్రత్యేక ఆకర్షణగా నిలిచింది. దర్శకుడు సంతోష్ అయ్యప్పన్ తెరకెక్కించిన ఈ వెబ్ సిరీస్ను డ్రీమ్ హౌస్ ప్రొడక్షన్స్ బ్యానర్పై రాజ్కుమార్ ఆకెళ్ల నిర్మించారు. మొత్తం 7 ఎపిసోడ్స్తో రూపొందిన ఈ సిరీస్లో ఎమోషన్, సస్పెన్స్, కోర్ట్రూమ్ వాదనలు, కుటుంబ అనుబంధాలు అన్నీ సమపాళ్లలో ఉండేలా మేకర్స్ ప్లాన్ చేసినట్లు ట్రైలర్ చూస్తే అర్థమవుతోంది.
కేసులే వాదించని లాయర్.. ఒక్కసారిగా ఎందుకు రంగంలోకి?
ట్రైలర్ ప్రారంభంలోనే శ్రీకాంత్ పాత్రపై ఆసక్తిని పెంచే సంభాషణలు కనిపిస్తాయి. “ఆయన ప్రాబ్లమ్ కేసు గురించి కాదు.. ప్లేస్ గురించి.. ఆయన ప్రాణం పోయినా ఆ బ్లాక్ వైపు వెళ్లడు” అనే డైలాగ్తో కథపై సస్పెన్స్ పెరుగుతుంది. మరోవైపు ఎన్నో ఏళ్లుగా కోర్టులో కేసులు వాదించని నోటరీ పరశురాం అకస్మాత్తుగా ఓ కీలక కేసును తీసుకోవడం వెనుక అసలు కారణం ఏమిటనే ప్రశ్న ప్రేక్షకుల్లో ఆసక్తిని రేకెత్తిస్తోంది.
ఆత్మహత్యా.. హత్యా? కథలో అసలు ట్విస్ట్ ఇదే
ట్రైలర్లో కోర్టు ఆవరణలో తన కనిపించకుండా పోయిన కుమార్తె సమీర కోసం నారాయణ అనే వ్యక్తి ఆత్మాహుతి చేసుకోవడం కథను మరో మలుపు తిప్పుతుంది. అయితే అది ఆత్మహత్య కాదని, పక్కా హత్య అని శ్రీకాంత్ పాత్ర అనుమానించడం కథలో అసలు ట్విస్ట్గా కనిపిస్తోంది. మరోవైపు “ఫెయిల్యూర్ లాయర్” అంటూ పరశురాంను అవమానించే సన్నివేశాలు, అతని సొంత కుమారుడు కూడా తండ్రిపై అసంతృప్తి వ్యక్తం చేయడం పాత్రలోని భావోద్వేగాన్ని మరింత బలపరుస్తున్నాయి.
జూలై 31న స్ట్రీమింగ్.. సమాధానాల కోసం సిరీస్ చూడాల్సిందే
శ్రీకాంత్ ఎందుకు ఆ కోర్టు బ్లాక్కు వెళ్లడు? సమీర ఎవరు? ఆమె అదృశ్యం వెనుక అసలు కుట్ర ఏమిటి? నారాయణ మరణం వెనుక నిజం ఏంటి? పరశురాం చివరకు కేసును గెలుస్తాడా? వంటి ఎన్నో ప్రశ్నలకు సమాధానాలు తెలుసుకోవాలంటే ‘అబ్జెక్షన్ మై లార్డ్’ సిరీస్ను చూడాల్సిందే. అరుణ్ చిలువేరు సంగీతం, సూర్య సినిమాటోగ్రఫీ ఈ కోర్ట్రూమ్ డ్రామాకు అదనపు బలంగా నిలుస్తున్నాయి. ట్రైలర్తోనే మంచి అంచనాలు పెంచుకున్న ఈ సిరీస్, జూలై 31 నుంచి జీ5లో ప్రేక్షకులను ఎంతవరకు ఆకట్టుకుంటుందో చూడాలి.
ఇవీ చదవండి: Con City OTT: ఓటీటీలోకి వస్తోన్న క్రైమ్ కామెడీ థ్రిల్లర్ కాన్ సిటీ.. స్ట్రీమింగ్ ఎప్పటి నుంచి?
OTT Movie: 8 ఏళ్ల తర్వాత మళ్లీ సంచలనం సృష్టిస్తున్న మూవీ.. ఓటీటీలో సంచలనం!
Lakshmi Ashtottaram: లక్ష్మీ అష్టోత్తరం ఎవరు చదవాలి? ఎప్పుడు పఠిస్తే మంచిది? ఆధ్యాత్మిక ప్రయోజనాలు ఇవే!