Pawan Kalyan : మంగళగిరి సీకే కన్వెన్షన్ సెంటర్లో నిర్వహించిన జనసేన పార్టీ కార్యవర్గ సమావేశం తీవ్ర చర్చలకు వేదికైంది. ఈ సమావేశంలో పార్టీ అధ్యక్షుడు Pawan Kalyan పార్టీ నేతల తీరుపై అసంతృప్తిని, ఆగ్రహాన్ని బహిరంగంగానే వ్యక్తం చేశారు. ముఖ్యంగా లడ్డూ ప్రసాదంపై జరుగుతున్న వివాదం, వైయస్ఆర్సీపీ చేస్తున్న తప్పుడు ప్రచారాన్ని తిప్పికొట్టడంలో జనసేన నేతలు విఫలమవుతున్నారని ఆయన స్పష్టంగా వ్యాఖ్యానించారు.
లడ్డూ ప్రసాదం అంశంపై పార్టీ తరఫున గట్టిగా మాట్లాడాల్సిన అవసరం ఉందని పవన్ కల్యాణ్ అన్నారు. “వైయస్ఆర్సీపీ కావాలనే చేస్తున్న దుష్ప్రచారాన్ని ఎందుకు ఖండించడం లేదు?” అని ప్రశ్నించారు. ఈ అంశంలో మౌనం పాటించడం పార్టీకి నష్టం కలిగిస్తుందని హెచ్చరించారు.
మహిళల విషయంలో అత్యంత జాగ్రత్తగా వ్యవహరించాలని జనసేన శ్రేణులకు సూచించారు. చిన్న పొరపాటు కూడా రాజకీయంగా వక్రీకరించి ప్రచారం చేసే అవకాశం ఉందని, “మహిళలకు మీ చేయి తగిలినా రేప్ చేశారని వైయస్ఆర్సీపీ నేతలు ప్రచారం చేస్తారు” అంటూ తీవ్రంగా హెచ్చరించారు. ప్రత్యర్థుల ట్రాప్లో చిక్కుకోవద్దని, వ్యక్తిగత వ్యవహారాల్లో అప్రమత్తంగా ఉండాలని స్పష్టం చేశారు.
అన్నింటికీ తానే మాట్లాడాల్సి వస్తే ఎమ్మెల్యేలు, మంత్రులు ఎందుకు ఉన్నారని పవన్ ప్రశ్నించారు. పార్టీ నేతలు సిద్ధాంతపరంగా, సబ్జెక్ట్ పరంగా మాట్లాడాలని, విమర్శలకు వ్యక్తిగతంగా కాకుండా విషయంతోనే సమాధానం ఇవ్వాలని సూచించారు. భౌతిక దాడులు జనసేన విధానం కాదని, శాంతిభద్రతల సమస్యలు ఎక్కడా తలెత్తకుండా చూడాలని ఆదేశించారు.
పార్టీ క్రమశిక్షణను మరింత బలోపేతం చేయడానికి త్వరలో 32 మందితో క్రమశిక్షణ కమిటీని ఏర్పాటు చేస్తామని పవన్ కల్యాణ్ ప్రకటించారు. అలాగే జనసేన రాజకీయ వ్యవహారాల కమిటీలో మార్పులు చేయనున్నట్లు వెల్లడించారు. నేతల వ్యక్తిగత ప్రవర్తన వల్ల పార్టీ ప్రతిష్ఠకు భంగం కలగకూడదని స్పష్టమైన సందేశం ఇచ్చారు.
ఈ కీలక సూచనల అనంతరం సమావేశం కొనసాగించాలని నాదెండ్ల మనోహర్కు సూచిస్తూ పవన్ కల్యాణ్ అక్కడి నుంచి వెళ్లిపోయారు. మొత్తం మీద ఈ సమావేశం జనసేనలో క్రమశిక్షణ, బాధ్యత, రాజకీయ అప్రమత్తతపై కొత్త దిశను చూపిందని పార్టీ వర్గాలు వ్యాఖ్యానిస్తున్నాయి.
ఇవీ చదవండి: Pawan Kalyan : మహారాష్ట్ర సీఎం ఫడ్నవిస్తో కలిసి నాందేడ్ గురుద్వారా సందర్శించిన పవన్ కళ్యాణ్
Pawan Kalyan : ఉగాది నుంచి 50 శాతం గ్రీన్ కవర్ ప్రాజెక్టు అమలు.. అన్ని శాఖలు భాగస్వాములవ్వాలి: ఉప ముఖ్యమంత్రి పవన్ కళ్యాణ్
Pawan Kalyan : తీర ప్రాంత అడవుల రక్షణకు యుద్ధప్రాతిపదికన చర్యలు.. గ్రేట్ గ్రీన్ వాల్, 50% గ్రీన్ కవర్ లక్ష్యాలపై ఉప ముఖ్యమంత్రి పవన్ కళ్యాణ్ ఆదేశాలు