Tollywood : తెలుగు ప్రేక్షకులకు పరిచయం అవసరం లేని సీనియర్ నటి వాణీ విశ్వనాథ్ గుర్తుందా? అందాల తారగా, యాక్షన్ హీరోయిన్గా ఒకప్పుడు తెరమీద దుమ్ము రేపింది. అసలుకు మలయాళ నటి అయినా, తెలుగు సినిమాల్లోనే ఎక్కువ క్రేజ్ సంపాదించింది. ధర్మతేజ, సింహ స్వప్నం, కొదమ సింహం, మామా అల్లుడు, పరిష్కారం, సర్పయాగం, ఘరానా మొగుడు, గ్యాంగ్ మాస్టర్ లాంటి బ్లాక్బస్టర్ చిత్రాల్లో నటించి తనదైన గుర్తింపు తెచ్చుకుంది. దాదాపు అన్ని స్టార్ హీరోల సరసన నటించింది. (Tollywood)
తరువాత కొంత గ్యాప్ తీసుకుని రాజకీయాల్లోనూ యాక్టివ్ అయింది. తెలుగు రాష్ట్రాల్లోని ఒక ప్రముఖ పార్టీ నుంచి అసెంబ్లీ ఎన్నికలకూ పోటీ చేసే ఆలోచన చేసింది. కానీ ఆ ప్రణాళిక మధ్యలోనే ఆగిపోయింది. ఆ తరువాత మళ్లీ సినిమాకే తిరిగి వచ్చి జయ జానకి నాయకతో రెండో ఇన్నింగ్స్ మొదలుపెట్టింది. ఒరేయ్ బుజ్జిగా సినిమాలోనూ కీలక పాత్ర పోషించింది.
ఇక ఆమె వ్యక్తిగత జీవితానికొస్తే – వాణీ విశ్వనాథ్ మలయాళ నటుడు, దర్శకుడు బాలురాజ్ను ప్రేమించి 2002లో వివాహం చేసుకుంది. వీరికి నలుగురు పిల్లలు ఉన్నారు.
ఇప్పుడు వాణీ విశ్వనాథ్ కుటుంబం గురించి ఓ ఆసక్తికర విషయం బయటపడింది. ఆమె కూతురు తెలుగు తెరపై హీరోయిన్గా రాణిస్తోంది అన్న మాట! అయితే ఆ అమ్మాయి వాణీ స్వంత కూతురు కాదు, ఆమె చెల్లెలు ప్రియా విశ్వనాథ్ కుమార్తె – వర్షా విశ్వనాథ్.
వర్షా 2022లో రెడ్డిగారింట్లో రౌడీయిజం సినిమాతో తెలుగు ఇండస్ట్రీలోకి అడుగు పెట్టింది. ఆ సినిమా పెద్దగా ఆడకపోయినా, తర్వాత మలయాళంలో చేసిన పాథోన్పథం నూట్టండు సినిమా హిట్ అయింది. ఇప్పటివరకు మూడు సినిమాల్లో నటించిన వర్షా, త్వరలోనే నాలుగో సినిమా ద్వారా ప్రేక్షకుల ముందుకు రానుంది.
తెలుగు తెరపై మరో “విశ్వనాథ్” అందాల తార క్రేజ్ సంపాదించబోతుందేమో చూడాలి!
ఇవీ చదవండి: Spirit : తగలబెట్టేస్తారా..? అదే.. రికార్డులు.. స్పిరిట్ లేటెస్ట్ అప్డేట్స్!
Priya Bhavani Shankar: తళుక్కుమనే తార.. ప్రియా భవానీ శంకర్.. ఫొటో గ్యాలరీ
Andrea Jeremiah : టాలీవుడ్ తారకు అరుదైన వ్యాధి.. తెల్లమచ్చలతో!