Google Tensor G5 : గూగుల్ కొత్త Pixel 10 XL ఫోన్‌లో ఉన్న Tensor G5 చిప్‌ను తాజా గేమింగ్ టెస్టులో పరీక్షించారు. అయితే ఫలితాలు అంతంత మాత్రమేనని చెప్పాలి. GPU స్ట్రెస్ టెస్ట్‌లో బాగానే పనితీరు కనబరిచినా, రియల్-వరల్డ్ గేమింగ్‌లో మాత్రం మిశ్రమ ఫలితాలు వచ్చాయి. Google Tensor G5
3nm చిప్, కొత్త GPU
గూగుల్ 2025 ఆగస్టులో విడుదల చేసిన Pixel 10 సిరీస్‌లో టెన్సర్ G5 ప్రాసెసర్ ప్రధాన అప్‌గ్రేడ్. ఇది కంపెనీ తొలి 3nm స్మార్ట్‌ఫోన్ చిప్. దాంతో పవర్ ఎఫిషియెన్సీ పెరగాల్సి ఉంది.
ఇందులో PowerVR D-Series DXT-48-1536 GPU ఉంది. స్ట్రెస్ టెస్ట్‌లో ఈ GPU బాగానే స్టేబుల్‌గా పని చేసింది. కానీ అదే స్థిరత్వం గేమింగ్‌లో కనిపించలేదు.
గేమింగ్ ఫలితాలు
Valorant Mobile – High graphics సెట్టింగ్‌లో 60 FPS స్థిరంగా వచ్చింది.
PUBG Mobile – Smooth + Extreme ప్రీసెట్‌లో కూడా 60 FPS ఇచ్చింది.
Genshin Impact – Highest సెట్టింగ్‌లో మాత్రం సగటు 29 FPS మాత్రమే వచ్చింది, ఫ్రేమ్‌రేట్ స్మూత్‌గా నిలబడలేదు.
Wuthering Waves – హయ్యెస్ట్ సెట్టింగ్‌లో సగటు 44 FPS వచ్చింది.
Fortnite – అత్యంత నిరాశపరిచింది. Epic ప్రీసెట్‌లో 25 నిమిషాల గేమ్‌ప్లేలో సగటు 25 FPS మాత్రమే వచ్చింది. ఫ్రేమ్ డ్రాప్స్, స్టటరింగ్ ఎక్కువగా కనిపించాయి.
హీటింగ్ సమస్య
Fortnite ఆడుతున్నప్పుడు పిక్సెల్ 10 XL ఉష్ణోగ్రత 42.9°C వరకు వెళ్లింది. మిగతా గేమ్స్‌లో ఇది 42°C లోపే ఉంది. దీని వలన SoC థ్రోట్లింగ్ అయ్యే అవకాశం ఉందని నిపుణులు అంటున్నారు.
భవిష్యత్తులో మెరుగుదల అవకాశం
ఇప్పుడు Pixel 10 సిరీస్ కొత్తగానే మార్కెట్లోకి వచ్చింది. కాబట్టి ఫ్యూచర్ సాఫ్ట్‌వేర్ అప్‌డేట్స్‌తో టెన్సర్ G5 గేమింగ్ పనితీరు మెరుగుపడే అవకాశముంది.
ఇవీ చదవండి: Pixel 10 Pro review : గూగుల్ పిక్సెల్ 10 ప్రో రివ్యూ.. AI పవర్‌తో ఫ్లాగ్‌షిప్ ఫోన్
Google MagSafe : గూగుల్ సొంత పిక్సెల్ స్నాప్ వచ్చేసింది
Pixel 10 keynote : స్టార్‌లతో మెరిసే పిక్సెల్ 10 కీ నోట్
