New Zealand Student Visa: న్యూజిలాండ్లో చదువుకోవాలనుకునే అంతర్జాతీయ విద్యార్థులకు అక్కడి ప్రభుత్వం శుభవార్త చెప్పింది. పాత్వే స్టూడెంట్ వీసా (PSV) నిబంధనల్లో కీలక మార్పులు చేసింది. విద్యార్థులకు కోర్సుల ఎంపికలో మరింత స్వేచ్ఛ కల్పించడం, ఒక విద్యా దశ నుంచి మరో దశకు వెళ్లే ప్రక్రియను సులభతరం చేయడం లక్ష్యంగా తీసుకొచ్చిన ఈ మార్పులు 2026 జూలై 20 నుంచి అమల్లోకి రానున్నాయి.
పాత్వే స్టూడెంట్ వీసా అంటే ఏమిటి?
పాత్వే స్టూడెంట్ వీసా ద్వారా అంతర్జాతీయ విద్యార్థులు ఒకే వీసాపై వరుసగా గరిష్ఠంగా మూడు కోర్సులు చదవవచ్చు. ఈ వీసా కాలపరిమితి గరిష్ఠంగా ఐదేళ్లు ఉంటుంది. అయితే విద్యార్థి ఎంచుకునే కోర్సులు ముందుగా రూపొందించిన స్టడీ పాత్వేలో భాగంగా ఉండాలి. కోర్సులను అందించే సంస్థలు ఆమోదిత Pathway Education Providers అయి ఉండాలి.
ఇంగ్లిష్ కోర్సుకు 30 వారాల అవకాశం
కొత్త నిబంధనల్లో ప్రధానమైనది ఇంగ్లిష్ లాంగ్వేజ్ స్టడీ వ్యవధి పెంపు. మొదటిసారి PSV పొందుతూ NZQCF లెవెల్ 1 నుంచి 8 మధ్య అర్హతలకు వెళ్లే కొంతమంది విద్యార్థులు తదుపరి కోర్సు ప్రారంభానికి ముందు గరిష్ఠంగా 30 వారాలు ఇంగ్లిష్ చదువుకోవచ్చు. ప్రస్తుతం ఉన్న 20 వారాల పరిమితిని మరో 10 వారాలు పెంచారు. ఈ అవకాశం విద్యార్థులు ఆంగ్ల భాషా నైపుణ్యాలను మెరుగుపరుచుకుని, ఉన్నత స్థాయి కోర్సులకు సిద్ధమయ్యేందుకు ఉపయోగపడుతుంది. అయితే 30 వారాల అవకాశం ప్రతి దరఖాస్తుదారుడికీ స్వయంచాలకంగా వర్తించదు. నిర్దేశించిన అర్హతలను పూర్తిచేయాలి.
NZQCF లెవెల్ 1–4 కోర్సులకు విస్తరణ
జూలై 20 నుంచి NZQCF లెవెల్ 1 నుంచి 4 వరకు చేరుకునే లేదా ఈ స్థాయుల మధ్య కొనసాగించే కోర్సులను కూడా PSVలో అనుమతిస్తారు. ఇంగ్లిష్ లాంగ్వేజ్, ఫౌండేషన్ ప్రోగ్రామ్లు, వొకేషనల్ సర్టిఫికెట్లు ఇందులో ఉంటాయి. దీనివల్ల సబ్-డిగ్రీ, వృత్తి విద్యను ఎంచుకునే విద్యార్థులకు మరిన్ని అవకాశాలు లభిస్తాయి.
కోర్సు విభాగాన్ని మార్చుకునే వెసులుబాటు
పాఠశాల విద్య నుంచి ఉన్నత విద్యకు వెళ్లే విద్యార్థుల వీసా షరతుల్లో ఇకపై నిర్దిష్ట అకడమిక్ విభాగం కాకుండా అర్హత రకం, విద్యాసంస్థను మాత్రమే పేర్కొంటారు. ఉదాహరణకు, నిర్దిష్ట సైన్స్ డిగ్రీకి బదులుగా “బ్యాచిలర్ డిగ్రీ–ఫలానా విశ్వవిద్యాలయం” అని ఉంటుంది. దీంతో సంబంధిత విద్యాసంస్థ అనుమతితో కొత్త వీసాకు దరఖాస్తు చేయకుండానే విభాగాన్ని మార్చుకోవచ్చు.
ఎలా దరఖాస్తు చేయాలి?
ఆమోదిత పాత్వే విద్యాసంస్థ నుంచి Offer of Place పొందాలి. ట్యూషన్ ఫీజు, జీవన ఖర్చులకు తగిన నిధులు, పాస్పోర్ట్, ఆరోగ్య–నడవడిక ధ్రువపత్రాలు, పూర్తి వైద్య–ప్రయాణ బీమా సమర్పించాలి. దరఖాస్తును ఆన్లైన్లోనే చేయాలి. ప్రయాణ తేదీకి కనీసం మూడు నెలల ముందే దరఖాస్తు చేసుకోవాలని Immigration New Zealand సూచించింది. అధికారిక వివరాలు
Read also: US F1 Visa Rules: అమెరికాలో చదువుతున్న భారతీయులకు బిగ్ షాక్.. F-1 వీసాపై నాలుగేళ్ల గడువు!
Visakhapatnam Boat Accident: ఆ రాత్రి సముద్రమే శ్మశానంలా మారింది.. 15 కిలోమీటర్లు ఈదిన మృత్యుంజయుడు!
Visakhapatnam Steel Plant accident: విశాఖ స్టీల్ ప్లాంట్ ప్రమాదం 2026: లాడిల్ పేలుడుతో 8 మంది కార్మికులు మృతి – RINL VSP ఘోర దుర్ఘటన