Actress Raasi: తెలుగు సినీ పరిశ్రమలో ఒకప్పుడు స్టార్ హీరోయిన్గా తనకంటూ ప్రత్యేక గుర్తింపు తెచ్చుకున్న నటి రాశి తాజాగా ఓ ఇంటర్వ్యూలో చేసిన వ్యాఖ్యలు మరోసారి చర్చనీయాంశంగా మారాయి. ముఖ్యంగా దర్శకుడు తేజ తెరకెక్కించిన ‘నిజం’ సినిమా గురించి ఆమె చెప్పిన విషయాలు, అలాగే తన వ్యక్తిగత జీవితంలో జరిగిన విషాద ఘటనను గుర్తు చేసుకుంటూ భావోద్వేగానికి లోనవడం ప్రేక్షకులను కదిలించింది.
‘నిజం’ సినిమా గురించి ముందుగా చెప్పింది వేరు.. తీసింది వేరే!
రాశి మాట్లాడుతూ.. ‘నిజం’ సినిమాలో తన పాత్ర గురించి ముందుగా ఒక విధంగా వివరించారని, కథలో కీలకమైన పాత్ర అని చెప్పడంతో ఆ సినిమా చేయడానికి అంగీకరించానని తెలిపారు. ఆ పాత్ర కోసం ప్రత్యేకంగా బరువు తగ్గడంతో పాటు, మేకప్ లేకుండా సహజమైన లుక్లో కనిపించేందుకు కూడా ఎంతో కష్టపడ్డానని చెప్పారు. అయితే షూటింగ్ మొదటి రోజే తనకు ముందుగా చెప్పని ఒక అభ్యంతరకరమైన సన్నివేశాన్ని చిత్రీకరించారని ఆమె వెల్లడించారు. ఆ సన్నివేశం తన ఇమేజ్కు, భవిష్యత్ కెరీర్కు నష్టం కలిగిస్తుందని భావించి, వెంటనే షూటింగ్ వదిలి వెళ్లిపోవాలని నిర్ణయించుకున్నట్లు తెలిపారు.
“ఈ సినిమా చేస్తే నా కెరీర్ అయిపోతుంది” అనుకున్నా..
తన పీఆర్వో బాబూరావుకు ఫోన్ చేసి జరిగిన విషయం వివరించానని రాశి తెలిపారు. “నా ఇమేజ్కు ఈ సినిమా సరిపోదు. ఇది విడుదలైతే నా కెరీర్కు ఫుల్స్టాప్ పడుతుంది” అని అప్పుడే భావించినట్లు చెప్పారు. అయితే అప్పటికే సెట్స్ సిద్ధంగా ఉండటం, యూనిట్ అంతా వేచి ఉండటం, నిర్మాతల అభ్యర్థన మేరకు షూటింగ్ మధ్యలో వెళ్లిపోవడం సరికాదని భావించి, అయిష్టంగానే ఆ సన్నివేశాన్ని పూర్తి చేసినట్లు వెల్లడించారు.
డబ్బింగ్ సమయంలో తేజ క్షమాపణ చెప్పినా…
సినిమా డబ్బింగ్ సమయంలో దర్శకుడు తేజ తనకు “సారీ” చెప్పారని రాశి తెలిపారు. అయితే ఆ క్షమాపణను తాను అంగీకరించలేదని స్పష్టం చేశారు. అయినా తర్వాత కూడా తేజతో తన సంబంధాలు కొనసాగాయని, ‘కేక’, ‘లక్ష్మీ కళ్యాణం’ వంటి సినిమాలకు డబ్బింగ్ కూడా చెప్పానని తెలిపారు. వ్యక్తిగతంగా మంచి అనుబంధం ఉన్నప్పటికీ, ‘నిజం’ సినిమా మాత్రం తన సినీ కెరీర్కు పెద్ద దెబ్బగా మారిందని చెప్పారు.
‘నిజం’ తర్వాత సినిమాలు చేయలేదు
“‘నిజం’ సినిమా తర్వాత నాకు వచ్చిన ఇమేజ్ పూర్తిగా మారిపోయింది. ఆ సినిమా నా కెరీర్కు ఫుల్స్టాప్ పెట్టింది. ఆ తర్వాత నేను పెద్దగా సినిమాలు చేయలేదు” అని రాశి ఆవేదన వ్యక్తం చేశారు. ఆమె చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.
పుట్టినరోజునే తండ్రి మరణం..
తన వ్యక్తిగత జీవితంలో జరిగిన అత్యంత విషాద సంఘటనను కూడా రాశి గుర్తు చేసుకున్నారు. తన తండ్రి తనను హీరోయిన్గా చూడాలని ఎంతో కలలు కన్నారని, ‘ప్రేయసి రావే’ సినిమా చూసిన తర్వాత ఎంతో సంతోషించారని తెలిపారు.ప్రతి సంవత్సరం తన పుట్టినరోజు సందర్భంగా అర్ధరాత్రి 12 గంటలకు ముందుగా శుభాకాంక్షలు చెప్పేది తన తండ్రేనని, కానీ ఆ రోజు మాత్రం ఫోన్ రాకపోవడంతో ఏదో చెడు జరుగుతుందనే భావన కలిగిందని చెప్పారు. మధ్యాహ్నం 12 గంటలకు కేక్ కట్ చేసిన తర్వాత, మధ్యాహ్నం 1:30 గంటల సమయంలో ఊటీలో షూటింగ్లో ఉండగా తన తండ్రి మరణించిన వార్త అందిందని తెలిపారు.
చివరి చూపు కూడా చూడలేకపోయా..
షూటింగ్ కారణంగా వెంటనే ఇంటికి చేరుకోలేకపోయానని, తన తండ్రి చివరి చూపు కూడా చూడలేకపోయానని రాశి కన్నీటి పర్యంతమయ్యారు.”ఆ బాధను జీవితంలో ఎప్పటికీ మర్చిపోలేను. నాన్నకు చివరిసారి వీడ్కోలు చెప్పలేకపోయాను. ఆ విషయం గుర్తొచ్చినప్పుడల్లా ఆయనకు మనసులోనే క్షమాపణ చెబుతుంటాను” అంటూ భావోద్వేగానికి లోనయ్యారు.
మరోసారి వైరల్ అవుతున్న రాశి వ్యాఖ్యలు
ఒకవైపు ‘నిజం’ సినిమా తన కెరీర్పై చూపిన ప్రభావం గురించి చేసిన వ్యాఖ్యలు, మరోవైపు తన తండ్రి మరణాన్ని గుర్తు చేసుకుంటూ రాశి పంచుకున్న భావోద్వేగ క్షణాలు ప్రస్తుతం సోషల్ మీడియాలో విస్తృతంగా చర్చకు దారితీశాయి. సినీ అభిమానులు ఆమెకు మద్దతుగా స్పందిస్తూ, ఆ కాలంలో జరిగిన సంఘటనలపై తమ అభిప్రాయాలను వ్యక్తం చేస్తున్నారు.
ఇవీ చదవండి: Actress Prema: ‘అరుంధతి’లో జేజమ్మగా నేను చేయాల్సింది.. కానీ అదృష్టం అనుష్కదే.. మనసులో మాట చెప్పిన నటి ప్రేమ
Samarasimha Reddy: సమరసింహారెడ్డి మూవీని వదులుకున్న స్టార్ హీరో!