Shiyas Kareem: మలయాళ సినీ పరిశ్రమకు చెందిన నటుడు, రియాలిటీ షో ద్వారా పాపులర్ అయిన Shiyas Kareemపై తాజాగా లైంగిక వేధింపులు మరియు ఆర్థిక మోసం కేసు నమోదైంది. కేరళలోని Palarivattom పోలీస్ స్టేషన్లో ఈ కేసు నమోదు కాగా, పోలీసులు దర్యాప్తు ప్రారంభించారు. విదేశాల్లో నివసిస్తున్న ఒక మహిళ ఇచ్చిన ఫిర్యాదు ఆధారంగా ఈ కేసు నమోదైనట్లు సమాచారం.
నగ్న ఫోటోలు బయట పెడతానని బెదిరింపులు
ఫిర్యాదు చేసిన మహిళ తెలిపిన వివరాల ప్రకారం… షియాస్ కరీం తనను లైంగికంగా వేధించడమే కాకుండా తీవ్ర మానసిక ఒత్తిడికి గురిచేశాడని ఆరోపించింది. తన నగ్న చిత్రాలను అశ్లీల వెబ్సైట్లలో అప్లోడ్ చేస్తానని బెదిరించాడని ఆమె పోలీసులకు చెప్పింది. అంతేకాకుండా బెదిరింపుల ద్వారా తన వద్ద నుంచి సుమారు రూ.65 లక్షలు బలవంతంగా తీసుకున్నాడని కూడా ఆరోపించింది.
పోలీసులకు ఆధారాలు సమర్పించిన మహిళ
ఈ కేసుకు సంబంధించి మహిళ పలు ఆధారాలను పోలీసులకు అందించింది.
సోషల్ మీడియా చాట్ మెసేజ్లు
వాయిస్ రికార్డింగ్లు
బ్యాంకు లావాదేవీల వివరాలు
ఈ ఆధారాలన్నింటినీ పోలీసులు స్వాధీనం చేసుకుని దర్యాప్తు కొనసాగిస్తున్నారు.
మానసికంగా తీవ్ర వేధింపులు
తనపై జరిగిన వేధింపుల వల్ల తాను తీవ్ర మానసిక ఒత్తిడికి గురయ్యానని ఫిర్యాదులో మహిళ పేర్కొంది.
ఈ వేధింపులను భరించలేక చివరకు పోలీసులను ఆశ్రయించాల్సి వచ్చిందని ఆమె తెలిపింది.
గతంలో కూడా కేసు
ఇది షియాస్ కరీంపై వచ్చిన మొదటి ఆరోపణ కాదు. గతంలో కూడా ఒక మహిళ చేసిన ఫిర్యాదు ఆధారంగా అతడిని పోలీసులు అరెస్టు చేశారు. మూడేళ్ల క్రితం చెన్నై విమానాశ్రయంలో అతడిని అరెస్టు చేసినట్లు సమాచారం. అప్పట్లో కాసరగోడ్కు చెందిన ఒక మహిళను పెళ్లి చేసుకుంటానని నమ్మించి మోసం చేశాడని ఆరోపణలు వచ్చాయి. ఆ కేసులో కూడా అతడు లైంగిక వేధింపులకు పాల్పడటం, దాదాపు రూ.11 లక్షలు ఆర్థికంగా మోసం చేయడం వంటి ఆరోపణలు ఎదుర్కొన్నాడు.
పోలీసుల దర్యాప్తు కొనసాగుతోంది
ప్రస్తుతం ఈ తాజా కేసుపై పోలీసులు దర్యాప్తు కొనసాగిస్తున్నారు. మహిళ ఇచ్చిన ఆధారాలను పరిశీలిస్తూ తదుపరి చర్యలు తీసుకునే అవకాశముందని సమాచారం. ఈ ఘటన మలయాళ సినీ పరిశ్రమలో చర్చనీయాంశంగా మారింది.
ఇవీ చదవండి: Bigg Boss Telugu: బిగ్బాస్ వెళ్లి తప్పు చేశానా? నటి కిర్రాక్ సీత సంచలన వ్యాఖ్యలు
Bigg Boss Telugu: అందాల భామ.. ఆ సీక్రెట్ చెప్పి ఆశ్చర్యపరిచింది.. దివి ఏం చెప్పిందంటే..
Bigg Boss : బిగ్ బాస్ తర్వాత కూడా వెంటాడుతున్న ట్రోలింగ్: భావోద్వేగ పోస్ట్తో తనూజ ఆవేదన