Andhra Pradesh Heatwave: ఆంధ్రప్రదేశ్లో ఎండలు తీవ్రంగా పెరుగుతున్నాయి. విపత్తుల నిర్వహణ సంస్థ మేనేజింగ్ డైరెక్టర్ ప్రఖర్ జైన్ ప్రకారం రానున్న రెండు రోజుల్లో గరిష్ఠ ఉష్ణోగ్రతలు 42–43 డిగ్రీల వరకు చేరే అవకాశం ఉంది. దీంతో ప్రజలు తీవ్ర అసౌకర్యాన్ని ఎదుర్కొనే పరిస్థితి ఉంది.
పలుచోట్ల తీవ్ర వడగాల్పులు
శుక్రవారం రాష్ట్రంలోని 54 మండలాల్లో తీవ్ర వడగాల్పులు, మరో 16 మండలాల్లో సాధారణ వడగాల్పులు వీచే అవకాశం ఉందని అధికారులు హెచ్చరించారు. శనివారం కూడా 41 మండలాల్లో తీవ్రమైన వడగాల్పులు నమోదయ్యే అవకాశముంది.
ఉత్తరాంధ్ర జిల్లాలపై ఎక్కువ ప్రభావం
ప్రత్యేకంగా విజయనగరం, శ్రీకాకుళం, పార్వతీపురం మన్యం జిల్లాల్లో ఎండ ప్రభావం ఎక్కువగా ఉంటుంది. అలాగే అల్లూరి సీతారామరాజు, విశాఖపట్నం, అనకాపల్లి, కాకినాడ జిల్లాల్లోని కొన్ని మండలాల్లో కూడా వడగాల్పులు ప్రభావం చూపనున్నాయి.
ఇప్పటికే రికార్డు స్థాయి ఉష్ణోగ్రతలు
గురువారం విజయనగరం జిల్లా రాజాంలో 40.6 డిగ్రీల ఉష్ణోగ్రత నమోదైంది. మక్కువ, నిండ్ర ప్రాంతాల్లో 40 డిగ్రీలు, ధర్మాజీగూడెం, రేణిగుంట, పోడూరు వంటి ప్రాంతాల్లో 39 డిగ్రీలకుపైగా ఉష్ణోగ్రతలు నమోదై ప్రజలు తీవ్రంగా ఇబ్బంది పడ్డారు.
ప్రజలకు కీలక సూచనలు
వడగాల్పుల సమయంలో దాహం లేకపోయినా ఎక్కువగా నీరు తాగాలి. ఓఆర్ఎస్, మజ్జిగ, నిమ్మరసం, కొబ్బరి నీరు వంటి పానీయాలు తీసుకోవాలి. మధ్యాహ్నం 11 నుంచి సాయంత్రం 4 వరకు బయటకు వెళ్లకపోవడం మంచిది. కాటన్ దుస్తులు ధరించి, గొడుగు లేదా టోపీ ఉపయోగించాలి.
ఇవీ చదవండి: Andhra Weather: ఏపీకి వాతావరణశాఖ బిగ్ అలర్ట్… ఈ జిల్లాల్లో ఫాగ్ వార్నింగ్… ఉదయం వేళల్లో తీవ్ర ప్రమాదం!
Telangana Weather Update: మరో రెండు రోజులు చలి పంజా.. హైదరాబాద్లో ప్రమాదకర స్థాయిలో వాయు కాలుష్యం
Summer body Heat: ఎండాకాలంలో శరీర వేడి పెరుగుతుందా?.. ఇలా చేస్తే చల్లగా ఉంటుంది