Telangana Inter Board: తెలంగాణ ఇంటర్మీడియట్ బోర్డు 2026–27 విద్యా సంవత్సరానికి సంబంధించిన అకడమిక్ క్యాలెండర్ను విడుదల చేసింది. ఈ షెడ్యూల్ ప్రకారం జూన్ 1 నుంచి రాష్ట్రవ్యాప్తంగా జూనియర్ కాలేజీలు ప్రారంభం కానున్నాయి. మొత్తం 224 పని దినాలతో ఈ విద్యా సంవత్సరం కొనసాగనుంది.
1. జూన్ 1 నుంచి ఇంటర్ తరగతులు ప్రారంభం
2026–27 విద్యా సంవత్సరానికి జూనియర్ కాలేజీలు జూన్ 1 నుంచి ప్రారంభమవుతాయి. ఇంటర్ ఫస్ట్ ఇయర్, సెకండ్ ఇయర్ విద్యార్థులకు అదే రోజు నుంచి తరగతులు మొదలవుతాయి.
2. మొత్తం 224 పని దినాలు
ఈ విద్యా సంవత్సరంలో మొత్తం 224 పని దినాలు ఉండేలా షెడ్యూల్ రూపొందించారు. అన్ని ప్రభుత్వ, ప్రైవేట్ జూనియర్ కాలేజీలు ఈ షెడ్యూల్ను తప్పనిసరిగా పాటించాలని బోర్డు ఆదేశించింది.
3. అక్టోబర్లో హాఫ్ ఇయర్ పరీక్షలు
అక్టోబర్ 3 నుంచి 9 వరకు హాఫ్ ఇయర్ పరీక్షలు నిర్వహించనున్నారు. అనంతరం అక్టోబర్ 10 నుంచి 21 వరకు దసరా సెలవులు ప్రకటించారు.
4. సంక్రాంతికి ఐదు రోజుల సెలవులు
2027 జనవరి 13 నుంచి 17 వరకు సంక్రాంతి సెలవులు ఉంటాయి. సెలవుల అనంతరం జనవరి 18 నుంచి 23 వరకు ప్రీ-ఫైనల్ పరీక్షలు నిర్వహించనున్నారు.
5. ఫిబ్రవరి చివర్లో పబ్లిక్ పరీక్షలు
ఇంటర్ ప్రాక్టికల్ పరీక్షలు జనవరి చివరి వారంలో జరగనుండగా, ఇంటర్మీడియట్ పబ్లిక్ పరీక్షలు 2027 ఫిబ్రవరి చివరి వారంలో ప్రారంభం కానున్నాయి.
ఇవీ చదవండి: Good News Telangana: తెలంగాణ వాహనదారులకు గుడ్ న్యూస్.. ఇంటికే DL, RC కార్డులు
AP Inter Admissions 2026: ఏప్రిల్ 1 నుంచి ఇంటర్ అడ్మిషన్స్.. జూన్ 1 నుంచి క్లాసులు ప్రారంభం
Internet Data Tax: భారత్లో డేటాపై పన్ను వస్తుందా? నెట్ఫ్లిక్స్, అమెజాన్ ప్రైమ్ రేట్లూ పెరుగుతాయా?