Niharika Konidela: మెగా డాటర్ Niharika Konidela నటిగా మాత్రమే కాకుండా నిర్మాతగా కూడా తనకంటూ ప్రత్యేక గుర్తింపు తెచ్చుకుంటున్నారు. Committee Kurrollu సినిమాతో నిర్మాతగా మంచి గుర్తింపు పొందిన నిహారిక.. ఇప్పుడు మరో కొత్త ప్రాజెక్ట్తో ప్రేక్షకుల ముందుకు రాబోతున్నారు. తన నిర్మాణ సంస్థ Pink Elephant Pictures బ్యానర్పై తెరకెక్కిన ‘రాకాస’ సినిమా త్వరలో విడుదల కానుంది.
ఏప్రిల్ 3న థియేటర్లలో ‘రాకాస’
సంగీత్ శోభన్, నయన్ సారిక జంటగా నటించిన ఈ చిత్రానికి Manasa Sharma దర్శకత్వం వహించారు. ఇప్పటికే షూటింగ్ పూర్తి చేసుకున్న ఈ సినిమా ఏప్రిల్ 3న థియేటర్లలో విడుదలకు సిద్ధమైంది. ఇటీవల హైదరాబాద్లో జరిగిన ప్రీ రిలీజ్ ఈవెంట్లో మూవీ టీమ్ పాల్గొంది.
చిన్న సినిమా అయినా పెద్ద సవాళ్లు
ఈ సందర్భంగా మాట్లాడిన నిహారిక.. సినిమా నిర్మాణంలో ఎదురైన అనుభవాలను పంచుకున్నారు. “ఇలాంటి సినిమా చేస్తున్నామని చెప్పగానే చాలామంది సలహాలు ఇచ్చారు. ముఖ్యంగా వీఎఫ్ఎక్స్ విషయంలో చిన్న సినిమాలకు చాలా ఇబ్బందులు ఎదురవుతాయని చెప్పారు” అని ఆమె తెలిపారు.
విమర్శలు వచ్చినా వెనక్కి తగ్గను
సినిమా తీసే సమయంలో చాలా మంది విమర్శలు చేస్తారని, అయినా తాను చేయాలనుకున్న పనిని చేస్తూనే ఉంటానని నిహారిక స్పష్టం చేశారు. మంచి కథతో సినిమా తీశామని.. ప్రేక్షకుల దగ్గరకు తీసుకెళ్లేందుకు బలంగా ప్రమోషన్స్ చేస్తున్నామని చెప్పారు.
ఇంటింటికీ వెళ్లి చూపించడానికి సిద్ధం
సినిమా కోసం ఎంతైనా కష్టపడేందుకు సిద్ధమని నిహారిక తెలిపారు. అవసరమైతే ఇంటింటికీ వెళ్లి కూడా సినిమా చూపించడానికి రెడీగా ఉన్నామని సరదాగా వ్యాఖ్యానించారు.
తన టీమ్ కోసం నిహారిక డ్రీమ్
పింక్ ఎలిఫెంట్ పిక్చర్స్లో పని చేసే ప్రతి ఒక్కరికీ భవిష్యత్తులో సొంత ఇల్లు, కారు ఉండాలని తన కోరిక అని నిహారిక వెల్లడించారు. అలాగే ‘కమిటీ కుర్రోళ్లు’ సినిమాతో 11 మంది కొత్త ప్రతిభావంతులను ఇండస్ట్రీకి పరిచయం చేసినట్లు తెలిపారు.
ఇవీ చదవండి: KVN Productions: సెన్సార్ చిక్కుల్లో ‘జన నాయగన్’.. సోమవారం తేలనున్న విజయ్ సినిమా భవితవ్యం
MSME Productvity: రూ.4178 కోట్ల విలువైన పరిశ్రమలకు శంఖుస్థాపన, ప్రారంభోత్సవం
Dil Raju: అమెరికా వీసా మూడు సార్లు రిజెక్ట్ అయ్యింది.. అప్పుడలా అనుకున్నా: దిల్ రాజు ఆసక్తికర కామెంట్స్