Mrunal Thakur: బాలీవుడ్తో పాటు సౌత్ ఇండస్ట్రీలోనూ తనకంటూ ప్రత్యేక గుర్తింపు సంపాదించుకున్న నటి Mrunal Thakur తాజాగా తన చుట్టూ ప్రచారం అవుతున్న పుకార్లపై ఘాటుగా స్పందించింది. ముఖ్యంగా కోలీవుడ్ స్టార్ Dhanush తో ఆమె వివాహం జరగబోతుందంటూ సోషల్ మీడియాలో వైరల్ అయిన వార్తలను ఆమె పూర్తిగా ఖండించింది.
“ఏప్రిల్ ఫూల్స్ ముందే వచ్చేసిందా?”
ఫిబ్రవరి 14న ధనుష్తో తన పెళ్లి జరుగుతుందంటూ వచ్చిన కథనాలపై స్పందించిన మృణాల్, “ఈసారి ఏప్రిల్ ఒకటో తేదీ ముందుగానే వచ్చేసిందా?” అంటూ కొంటెగా ప్రశ్నించింది. తన గురించి, ధనుష్ గురించి “ఏదో నడుస్తోంది” అంటూ చేస్తున్న ఊహాగానాల్లో ఎలాంటి నిజం లేదని స్పష్టం చేసింది.
పెళ్లి ఆలోచనే లేదన్న మృణాల్
ప్రస్తుతం తన ఫోకస్ పూర్తిగా కెరీర్పైనే ఉందని, పెళ్లి గురించి ఇప్పట్లో ఎలాంటి ఆలోచన లేదని మృణాల్ క్లియర్గా చెప్పింది. తన పేరుతో ఇలాంటి వదంతులు సృష్టించి, పెళ్లి తేదీలు కూడా ఖరారు చేసిన వాళ్లందరూ ఫిబ్రవరి 14న ఫూల్స్ అవుతారని చురకలంటించింది.
సోషల్ మీడియాలో మిక్స్డ్ రియాక్షన్స్
మృణాల్ కామెంట్స్ చేసిన వెంటనే సోషల్ మీడియాలో ఈ విషయం మరింత వైరల్ అయింది. కొందరు అభిమానులు ఆమె స్ట్రైట్ ఫార్వర్డ్ ఆన్సర్ను ప్రశంసిస్తుంటే, మరికొందరు సెలబ్రిటీలపై ఇలాంటి ఫేక్ న్యూస్ ప్రచారం చేయడాన్ని తప్పుబడుతున్నారు.
మొత్తానికి, ధనుష్తో పెళ్లి వార్తల్లో ఎలాంటి నిజం లేదని మృణాల్ ఠాకూర్ స్పష్టంగా తేల్చేసింది. తన కెరీర్పైనే పూర్తి దృష్టి పెట్టి ముందుకెళ్లాలనే ఉద్దేశంతో ఉన్నట్లు ఆమె మాటల ద్వారా తెలుస్తోంది.
ఇవీ చదవండి: Mrunal Thakur: అందం నిర్వచనాల మధ్య పోరాటం – ఆత్మవిశ్వాసమే అసలైన సౌందర్యం
Mrunal Thakur : ఆమె మాటలే నాకు ధైర్యం.. హాలీవుడ్ నటిపై మృణాళ్ ఠాకూర్ భావోద్వేగ వ్యాఖ్యలు
Mrunal Thakur hot: బాత్ టబ్బులో మృణాల్ హాట్ పోజులు.. విషయం అదా?