Andhra Pradesh: కాకినాడ జిల్లాలో పలుచోట్ల జరిగిన వరుస దొంగతనాల కేసులను పోలీసులు ఛేదించారు. మొత్తం ఆరు చోరీ కేసుల్లో సుమారు ₹60 లక్షల విలువైన సొత్తును స్వాధీనం చేస్తూ, 12 మందిని అదుపులోకి తీసుకున్నారు. జిల్లా వ్యాప్తంగా పలు గ్యాంగులు చురుకుగా పనిచేస్తున్నట్లు విచారణలో బయటపడింది.
అన్నవరం చోరీ కేసు – భీమిలి యువకుడి అరెస్ట్
అన్నవరంలోని ఓ ఇంటిలో జరిగిన దొంగతనానికి సంబంధించి
విశాఖ జిల్లా భీమిలి మండలం – చేపల ఉప్పాడకు చెందిన సీహెచ్. ఎల్లాజీ ను పోలీసులు అరెస్టు చేశారు.
అతని నుండి 172 గ్రాముల బంగారు ఆభరణాలు స్వాధీనం అయ్యాయని జిల్లా ఎస్పీ బిందుమాధవ్ తెలిపారు.
ఈ నిందితుడిపై 20కు పైగా బైక్ దొంగతనాలు సహా పలువురు కేసులు ఉన్నట్లు వెల్లడించారు.
ప్రత్తిపాడు గోల్డ్ షాప్ చోరీ – 9 మంది నిందితుల అరెస్ట్
ప్రత్తిపాడు ప్రాంతంలో గోల్డ్ షాప్లో జరిగిన చోరీ కేసులో
9 మంది నిందితులను అరెస్టు చేసి, వారి వద్ద నుండి 11 కిలోల వెండి ఆభరణాలు స్వాధీనం చేసుకున్నారు.
ఇద్దరు నిందితులు ఇంకా పరారీలో ఉండడంతో, వారిపై గాలింపు కొనసాగుతోంది.
మహిళా గ్యాంగ్ అరెస్ట్ – నాలుగు బ్యాగ్ చోరీలు ఛేదన
జగ్గంపేట, తుని, విజయవాడ పరిధుల్లో జరిగిన నాలుగు వేర్వేరు బ్యాగ్ చోరీ కేసుల్లో,
పోలీసులు 176 గ్రాముల బంగారు ఆభరణాలను తిరిగి పొందారు.
ఈ కేసుల్లో రెండు అంతర్ జిల్లాల మహిళా దొంగల గ్యాంగ్ను గుర్తించి అరెస్ట్ చేశారు.
అరెస్టైన మహిళలు:
గేరక వరలక్ష్మి (తాడేపల్లిగూడెం)
మరసాని సత్యవేణి (యాగరిపల్లి కాల్వగట్టు)
ఇద్దరిలోనూ గతంలోనూ పలు కేసులు నమోదై ఉన్నట్లు పోలీసులు తెలిపారు.
మధ్యప్రదేశ్–నెల్లూరు కనెక్షన్ – ప్రధాన నిందితుడు బయటకు
ఈ సిరీస్ చోరీ కేసుల్లో నెల్లూరుకు చెందిన షేక్ ఫక్రుద్దీన్ బిషనై ను ప్రధాన నిందితుడిగా గుర్తించారు.
అతడే మధ్యప్రదేశ్కు చెందిన ఐదుగురు సభ్యులతో కూడిన గ్యాంగ్ను నడిపిస్తున్నట్లు వెల్లడి.
నిందితుడి వాంగ్మూలం ఆధారంగా,
తాడేపల్లిగూడెం మండలంలోని సాయిచంద్రారెడ్డి ఇంటి నుంచి 11 కిలోల వెండి ఆభరణాలు పోలీసులు తిరిగి స్వాధీనం చేసుకున్నారు.
ఇంకా నలుగురి వేట కొనసాగింపు
ఇప్పటి వరకు 12 మందిని అరెస్టు చేసిన కాకినాడ పోలీసులు
ఇంకా నలుగురు నిందితుల కోసం గాలిస్తున్నారు.
వారి వివరాలు:
ఇద్దరు – మధ్యప్రదేశ్కు చెందినవారు
ఇద్దరు – నెల్లూరుకు చెందినవారు
“వారిని కూడా త్వరలోనే అరెస్ట్ చేస్తాం” అని జిల్లా ఎస్పీ బిందుమాధవ్ తెలిపారు.
అమాయకంగా కనిపించినా, దొంగతనాల్లో మాత్రం రచ్చరచ్చ చేసిన ఈ గ్యాంగ్స్పై పోలీసులు గట్టి చర్యలు తీసుకోవడంతో,
కాకినాడ జిల్లాలో ఇటీవల జరిగిన దొంగతనాల సిరీస్కు తెరపడింది.
ఇవీ చదవండి: Watch Video: చేతికి స్లిప్ ఇచ్చిన అందమైన అమ్మాయి… చదివిన వెంటనే కుర్రాళ్లకు షాక్ – తర్వాత చిరునవ్వు!
Konaseema Crime : రెండేళ్లలో 12 పెళ్లిళ్లు.. కోనసీమలో కిలాడీ లేడీ..!