PM SVANidhi: చిన్న వ్యాపారాలు లేదా వీధి వ్యాపారులు నిధుల కొరతతో బాధపడుతున్న సందర్భాల్లో వారికి పెద్ద సహాయం అందించడానికి కేంద్ర ప్రభుత్వం ప్రవేశపెట్టిన పథకం ప్రధానమంత్రి స్వనిధి (PM SVANidhi). ఈ పథకం ప్రత్యేకత ఏమిటంటే – పూచీకత్తు అవసరం లేకుండా ₹90,000 వరకూ రుణం పొందే అవకాశం ఉంది. ఇంకా ఒక పత్రం — ఆధార్ కార్డు — ఉంటే చాలు, రుణ ఆమోద ప్రక్రియ చాలా సులభం.
కరోనా తర్వాత చిన్న వ్యాపారాలకు పెద్ద సహాయం
కోవిడ్-19 సమయంలో అత్యధికంగా దెబ్బతిన్న విభాగాల్లో వీధి వ్యాపారులు (Street Vendors) ముఖ్యమైనవారు. వారి వ్యాపారాలను తిరిగి నిలబెట్టేందుకు మోడీ ప్రభుత్వం PM స్వనిధి పథకాన్ని ప్రారంభించింది. ప్రారంభంలో ₹80,000 వరకు రుణం ఇచ్చిన ఈ పథకాన్ని, 2025–26 నాటికి ₹90,000 వరకూ పెంచింది.
పథకం కాల వ్యవధిని కూడా 2030 మార్చి 31 వరకు పొడిగించారు.
PM SVANidhi – రుణం మూడు విడతలుగా
ఈ పథకంలో రుణాన్ని 3 దశలుగా అందిస్తారు:
1️. మొట్టమొదటి దశ: ₹15,000
చిన్న స్థాయి వ్యాపారం ప్రారంభించడానికి లేదా తిరిగి మొదలు పెట్టడానికి
పూచీకత్తు అవసరం లేదు
2️. రెండో దశ: ₹25,000
మొదటి రుణాన్ని సమయానికి తిరిగి చెల్లించిన తర్వాతే అర్హత
వ్యాపారాన్ని కాస్త పెంచుకునేందుకు ఉపయోగపడుతుంది
3️. మూడో దశ: ₹50,000
రెండో దశను కూడా సమయానికి చెల్లించిన తర్వాతే
వ్యాపారాన్ని పెద్ద స్థాయికి తీసుకెళ్లడానికి లభించే భారీ రుణం
మొత్తం రుణ పరిమితి: ₹90,000
ఈ ఒక్క పత్రం ఉంటే చాలు — ఆధార్ కార్డు
ఈ పథకంలో రుణం పొందడానికి పెద్దగా డాక్యుమెంట్లు అవసరం లేదు.
మీ దగ్గర ఆధార్ కార్డు ఉంటే చాలు.
అదనంగా:
పూచీకత్తు లేదు
గ్యారంటీ అవసరం లేదు
EMIల ద్వారా సులభంగా తిరిగి చెల్లించే అవకాశం ఉంది
PM SVANidhi – దరఖాస్తు ప్రక్రియ
దరఖాస్తు ఎలా చేయాలి?
ఏ ప్రభుత్వ బ్యాంకులోనైనా PM SVANidhi ఫారమ్ తీసుకోండి
వ్యక్తిగత వివరాలను సరిగ్గా పూరించండి
ఆధార్ కార్డు కాపీ జత చేయండి
బ్యాంక్ మీ సమాచారాన్ని వెరిఫై చేస్తుంది
ఆమోదం వచ్చిన తర్వాత మూడు విడతల్లో రుణం జమ అవుతుంది
ఎటువంటి క్లిష్టత లేకుండా చాలా వేగంగా రుణం పొందే అవకాశం ఉండటం వల్ల ఈ పథకం దేశవ్యాప్తంగా ఎంతో ప్రజాదరణ పొందింది.
అంత పెద్దగా లబ్ధి పొందిన వారు ఎవరంటే?
ప్రభుత్వ సమాచారం ప్రకారం:
9.6 మిలియన్ రుణాలు ఇప్పటివరకు పంపిణీ అయ్యాయి
విలువ: ₹13,797 కోట్లు
6.8 మిలియన్ల లబ్ధిదారులు రుణం పొందారు
దాదాపు 4.7 మిలియన్ మంది డిజిటల్‌గా యాక్టివ్ విక్రేతలుగా మారారు
రుణ పరిమితి పెంపుతో సుమారు 11.5 మిలియన్ వీధి వ్యాపారులకు ప్రయోజనం చేకూరనుంది
నిధుల కొరత కారణంగా వ్యాపారం మొదలు పెట్టడంలో ఇబ్బంది పడే వారికి PM SVANidhi పథకం పెద్ద వరం. పూచీకత్తు లేకుండా ₹90,000 వరకూ రుణం పొందే అవకాశం ఉండటం చిన్న వ్యాపారాలను మళ్లీ ట్రాక్ మీదకు తీసుకువస్తుంది. ప్రభుత్వ బ్యాంకులను సంప్రదిస్తే రుణ ప్రాసెస్ మరింత సులభం.
ఇవీ చదవండి: PM Modi : పీఎం మోదీ దాతృత్వం: పుట్టపర్తి రైతులకు గుజరాత్‌ జీఐఆర్ ఆవుల విరాళం
Lok Sabha : 30 రోజులు జైల్లో ఉంటే సీఎం, పీఎం పదవి గాన్?! లోక్ సభలో కీలక బిల్లులు
