Little Hearts: తెలుగులో ప్రస్తుతం అందరి నోట వినిపిస్తున్న సినిమా పేరు ‘లిటిల్ హార్ట్స్’. ఎలాంటి అంచనాలు లేకుండా చిన్న సినిమాగా రిలీజ్ అయిన ఈ రొమాంటిక్ ఎంటర్టైనర్, ఇప్పుడు బాక్సాఫీస్ వద్ద బ్లాక్బస్టర్ స్థాయిలో దూసుకుపోతోంది. కేవలం రూ.2 కోట్ల బడ్జెట్తో తెరకెక్కిన ఈ సినిమా ఇప్పటివరకు దాదాపు రూ.40 కోట్ల కలెక్షన్స్ సాధించి, యూత్తో పాటు ఫ్యామిలీ ఆడియన్స్ను కూడా బాగా ఆకట్టుకుంటోంది.
మౌళి తనూజ్ హీరోగా, శివాని నాగారం హీరోయిన్గా నటించిన ఈ మూవీలో రాజీవ్ కనకాల, ఎస్.ఎస్. కాంచి, సత్యకృష్ణన్, జయకృష్ణ తదితరులు కీలక పాత్రలు పోషించారు. ‘90s మిడిల్ క్లాస్ బయోపిక్’ వెబ్ సిరీస్తో గుర్తింపు తెచ్చుకున్న ఆదిత్య హసన్ ఈ సినిమాకు నిర్మాత. సెప్టెంబర్ 5న టీచర్స్ డే కానుకగా విడుదలైన ఈ సినిమా ఫస్ట్ షో నుంచే సూపర్ హిట్ టాక్ తెచ్చుకుని, ప్రస్తుతం హౌస్ఫుల్ కలెక్షన్స్తో థియేటర్లలో కొనసాగుతోంది. మహేష్ బాబు, అల్లు అర్జున్, నాని, మంచు మనోజ్, అడివి శేష్ వంటి స్టార్ హీరోలు కూడా ఈ సినిమాను చూసి ప్రశంసల వర్షం కురిపించారు.
అయితే ఈ మూవీకి సంబంధించిన ఓ ఆసక్తికరమైన విషయం ఇప్పుడు బయటకు వచ్చింది. ‘లిటిల్ హార్ట్స్’లో మౌళి తండ్రి పాత్రలో నటించినది రాజీవ్ కనకాల. కానీ మొదట ఈ పాత్ర కోసం దర్శకుడు జగపతి బాబును అనుకోవడం జరిగింది. ఆయనకు స్క్రిప్ట్ కూడా వినిపించగా, కథ చాలా నచ్చింది. కానీ అప్పటికే ఉన్న కమిట్మెంట్స్ కారణంగా జగపతి బాబు ఈ సినిమా చేయలేకపోయారని డైరెక్టర్ సాయి మార్తాండ్ ఒక ఇంటర్వ్యూలో తెలిపారు.
“జగపతి బాబు గారు సినిమా చేయలేకపోయినా, ఆయన ఇచ్చిన విలువైన సూచనలు మా స్క్రిప్ట్ను మరింత బలంగా తీర్చిదిద్దాయి. కథలోని చిన్న లోపాన్ని ఆయన చూపించారు. అందుకు నేను ఆయనకు ఎప్పటికీ రుణపడి ఉంటాను” అని దర్శకుడు పేర్కొన్నారు.
👉 మొత్తానికి, జగపతి బాబు మిస్ అయినా, రాజీవ్ కనకాల నటనతో ఈ పాత్ర బాగా నెరవేరి, ‘లిటిల్ హార్ట్స్’ను మరింత ఎమోషనల్గా మార్చిందనే చెప్పాలి.
ఇవీ చదవండి: OTT Movie : నో యాక్షన్.. నో విలన్స్.. కానీ ఓటీటీలో సంచలనం ఈ మూవీ!
Shivani Nagaram: ‘లిటిల్ హార్ట్స్’తో కుర్రాళ్ల మనసు దోచుకున్న హీరోయిన్