Health tips : రోజువారీ జీవితంలో పురుషులు చేసే కొన్ని చిన్న తప్పిదాలు, వారి భాగస్వాములైన మహిళల ఆరోగ్యంపై తీవ్ర ప్రభావం చూపుతాయని మీకు తెలుసా? వ్యక్తిగత పరిశుభ్రత (Personal Hygiene) పాటించకపోవడం వల్ల మహిళల్లో ఇన్ఫెక్షన్లు, శ్వాస సంబంధిత సమస్యలు, చర్మ వ్యాధులు వంటి అనేక సమస్యలు తలెత్తుతాయని వైద్య నిపుణులు హెచ్చరిస్తున్నారు. ముంబైకి చెందిన ప్రముఖ ఆర్థోపెడిక్ సర్జన్ డాక్టర్ మనన్ వోరా చెప్పిన వివరాల ప్రకారం, పురుషులు దూరం పెట్టాల్సిన కొన్ని ముఖ్య అలవాట్లు ఇవి. Health tips
1. చేతులు కడుక్కోకపోవడం
భార్య దగ్గరికి వెళ్లే ముందు చేతులు శుభ్రం చేయకపోవడం వల్ల మహిళల్లో మూత్ర నాళాల ఇన్ఫెక్షన్ (UTI) వచ్చే ప్రమాదం ఎక్కువ. చేతులపై ఉండే బ్యాక్టీరియా శరీరంలోకి వెళ్లి సమస్యలు కలిగించవచ్చు.
2. టాయిలెట్ పరిశుభ్రతను పట్టించుకోకపోవడం
పురుషులు టాయిలెట్ సీటును శుభ్రం చేయకపోతే బ్యాక్టీరియా, ఫంగస్ వేగంగా పెరుగుతాయి. దీని కారణంగా మహిళలకు UTIలు, ఫంగల్ ఇన్ఫెక్షన్లు, చర్మ దద్దుర్లు వచ్చే అవకాశాలు ఎక్కువగా ఉంటాయి.
3. ధూమపానం
ధూమపానం చేసేవారి పొగను మహిళలు పరోక్షంగా పీల్చడం వల్ల శ్వాసకోశ వ్యాధులు, హార్మోన్ల అసమతుల్యత, పునరుత్పత్తి సమస్యలు తలెత్తవచ్చు. గర్భిణీ స్త్రీల విషయంలో ఇది పిండ అభివృద్ధిపై ప్రతికూల ప్రభావం చూపుతుంది.
4. స్నానం చేయకపోవడం
రోజూ బయట తిరిగే పురుషుల శరీరంపై చెమట, ధూళి పేరుకుపోతాయి. స్నానం చేయకపోతే బ్యాక్టీరియా పెరిగి, మహిళలకు ఫంగల్ ఇన్ఫెక్షన్లు, దద్దుర్లు, దురద లాంటి సమస్యలు కలిగిస్తాయి. రోజూ కనీసం ఒక్కసారైనా స్నానం చేయడం తప్పనిసరి.
5. గోళ్లు శుభ్రం చేయకపోవడం
గోళ్లలో పేరుకుపోయే ధూళి, బ్యాక్టీరియా మహిళల చర్మాన్ని తాకినప్పుడు ఇన్ఫెక్షన్లు వస్తాయి. అందువల్ల గోళ్లను ఎప్పటికప్పుడు శుభ్రంగా కత్తిరించుకోవడం చాలా ముఖ్యం.
✅ చిన్న అలవాట్లని నిర్లక్ష్యం చేస్తే పెద్ద ఆరోగ్య సమస్యలకు దారితీస్తుందని నిపుణులు హెచ్చరిస్తున్నారు. కాబట్టి పురుషులు వ్యక్తిగత పరిశుభ్రతను పాటించడం ద్వారా తమకే కాకుండా తమ భాగస్వాముల ఆరోగ్యాన్ని కూడా కాపాడగలరు.
ఇవీ చదవండి: Memory Power: పిల్లల జ్ఞాపకశక్తిని దెబ్బతీస్తున్న పొరపాట్లు.. సైన్స్ చెప్పే టిప్స్ ఇవే
World Mental Health Day: మెరుగైన మానసిక ఆరోగ్యం కోసం 10 టిప్స్