Mumbai Indians: ఐపీఎల్ 2025 సీజన్లో ముంబై ఇండియన్స్ (MI) తమ అద్భుత ప్రదర్శనతో అభిమానులను ఆకట్టుకుంటోంది. ఐదు టైటిల్స్ విజేత అయిన ఈ ఫ్రాంచైజీ (Mumbai Indias), సీజన్ ప్రారంభంలో కొన్ని ఓటములు చవిచూసినప్పటికీ, అద్భుతమైన పునరాగమనంతో వరుస విజయాలు సాధించి, ప్లేఆఫ్ రేసులో బలంగా నిలిచింది. ఈ విజయాలు కేవలం క్రీడాకారుల సామర్థ్యాన్ని మాత్రమే కాక, జట్టు వ్యూహాలు, నాయకత్వాన్ని కూడా హైలైట్ చేశాయి. ఈ నేపథ్యంలో సామాజిక మాధ్యమాల్లో నెటిజన్ల స్పందనలు MI అభిమానుల ఉత్సాహాన్ని, ఆనందాన్ని ప్రతిబింబిస్తున్నాయి.
ముంబై ఇండియన్స్ విజయ పరంపర
ముంబై ఇండియన్స్ ఐపీఎల్ 2025 సీజన్ను చెన్నై సూపర్ కింగ్స్తో జరిగిన ఓపెనింగ్ మ్యాచ్లో ఓటమితో ప్రారంభించింది. ఆ తర్వాత గుజరాత్ టైటాన్స్తో జరిగిన మ్యాచ్లో కూడా 36 రన్స్ తేడాతో పరాజయం పాలైంది. అయితే, ఈ ప్రారంభ ఓటములు జట్టు స్ఫూర్తిని దెబ్బతీయలేదు. హార్దిక్ పాండ్యా నాయకత్వంలో MI బౌన్స్ బ్యాక్ చేసి, వరుసగా ఆరు విజయాలను నమోదు చేసింది. ఇందులో సన్రైజర్స్ హైదరాబాద్పై 7 వికెట్ల తేడాతో, లక్నో సూపర్ జెయింట్స్పై 55 రన్స్ తేడాతో సాధించిన విజయాలు ముఖ్యమైనవి. ఈ విజయాలతో MI ఐపీఎల్ చరిత్రలో 150 విజయాల మైలురాయిని అందుకున్న మొదటి జట్టుగా నిలిచింది.
రోహిత్ శర్మ, సూర్యకుమార్ యాదవ్, రియాన్ రికెల్టన్ వంటి బ్యాట్స్మెన్లు దూకుడుగా రాణిస్తుండగా, జస్ప్రీత్ బుమ్రా, ట్రెంట్ బౌల్ట్, దీపక్ చాహర్ల బౌలింగ్ దాడి ప్రత్యర్థులను కట్టడి చేస్తోంది. ముఖ్యంగా, సన్రైజర్స్పై రోహిత్ శర్మ 71 రన్స్ (44 బంతుల్లో), సూర్యకుమార్ 40 నాటౌట్ (19 బంతుల్లో) చేసిన పరుగులు జట్టు విజయంలో కీలకంగా నిలిచాయి. ఇక లక్నోపై జరిగిన మ్యాచ్లో బుమ్రా 4 వికెట్లు, బౌల్ట్ 3 వికెట్లు తీసి ప్రత్యర్థి బ్యాటింగ్ను చితక్కొట్టారు.
ఈ విజయాలు MIని పాయింట్స్ టేబుల్లో రెండో స్థానానికి చేర్చాయి, 10 మ్యాచ్లలో 6 విజయాలతో 12 పాయింట్లు సాధించింది. ఇక లాస్ట్ నైట్ రాజస్తాన్ తో జరిగిన మ్యాచ్ లో ముంబైకి ఏకపక్ష విజయం దక్కింది. దీంతో 7 మ్యాచుల్లో గెలుపొంది 14 పాయింట్లతో పాయింట్ల పట్టికలో అగ్రస్థానంలో నిలిచింది. గతంలో 2010, 2013, 2015, 2020 సీజన్లలో ఐదు వరుస విజయాలు సాధించినప్పుడు MI టైటిల్ గెలిచిన చరిత్ర ఉండటంతో, అభిమానుల్లో ఈ సీజన్పై ఆశలు రెట్టింపు అయ్యాయి. ఆరో కప్పు గెలవబోతోందంటూ ముంబై అభిమానులు అప్పుడే పోస్టులు పెడుతున్నారు.
ఇవీ చదవండి: Rohit Sharma Ritika: రోహిత్ శర్మ వారసుడొచ్చాడు.. మగబిడ్డకు జన్మనిచ్చిన రితిక సజ్దే
Dhoni Rohit Sharma: హిట్ మ్యాన్పై మహీ పొగడ్తలు.. ఏమన్నాడంటే
Chennai Super Kings : ఇంటిబాట పట్టిన సీఎస్కే.. వరుస వైఫల్యాలకు కారణాలివీ!