Surya: భారత T20I కెప్టెన్గా, సూర్యకుమార్ యాదవ్ (Surya) ప్రీ-మ్యాచ్ ప్రెస్ కాన్ఫరెన్స్లో మీడియాను ఉద్దేశించి గురువారం దక్షిణాఫ్రికాతో జరిగిన మొదటి T20Iకి ముందు, అతను కొన్ని గమ్మత్తైన ప్రశ్నలకు సమాధానం ఇవ్వవలసి వచ్చింది. చెన్నై సూపర్ కింగ్స్ కెప్టెన్ రుతురాజ్ గైక్వాడ్ భారత టీ20 జట్టులో లేకపోవడంపై ఓ ప్రశ్న ఎదురైంది.
గత ఏడాది లేదా అంతకంటే ఎక్కువ కాలంగా, గైక్వాడ్ అన్ని ఫార్మాట్లలో అత్యుత్తమ బ్యాటర్లలో ఒకరిగా నిలిచాడు. రెడ్ బాల్ లేదా వైట్ బాల్ క్రికెట్ అయినా, భారత దేశవాళీ స్పెక్ట్రమ్లో గైక్వాడ్ ప్రదర్శనలు అందరినీ ఆకట్టుకున్నాయి. అయినప్పటికీ, జాతీయ జట్టులో ఎంపిక విషయానికి వస్తే అతన్ని పక్కన పెట్టేస్తున్నారు.
గైక్వాడ్ జట్టులో లేకపోవడం గురించి అడిగినప్పుడు జాతీయ ఎంపికకు అర్హులైన యువ, ప్రతిభావంతులైన ఆటగాళ్లు చాలా మంది మిగిలి ఉన్నారని సూర్యకుమార్ పేర్కొన్నాడు. కానీ, జట్టు మేనేజ్మెంట్ ప్రక్రియను గౌరవించి, అర్హులైన ఆటగాళ్లకు అవకాశాలు కల్పించే విషయంలో తగిన విధానం అనుసరించాల్సి ఉంటుందన్నాడు.
“రుతు (రుతురాజ్) ఒక అద్భుతమైన ఆటగాడు. అతను ఎక్కడ ఆడినా అన్ని ఫార్మాట్లలో నిలకడగా రాణిస్తున్నాడు. అతని కంటే ముందు కూడా చాలా మంది ఆటగాళ్లు మంచి ప్రదర్శన కనబరుస్తున్నారు. కాబట్టి అన్నీ ఆలోచించే ఎంపిక ప్రక్రియ జరిగి ఉంటుందని నేను అనుకుంటున్నాను. మేనేజ్మెంట్ నిర్ణయాన్ని అనుసరించడం చాలా ముఖ్యం” అని భారత కెప్టెన్ వ్యాఖ్యానించాడు.
“అతను చిన్నవాడు, బాగా చేస్తున్నాడు. నాకు ఉస్కా భీ నంబర్ ఆయేగా అనిపిస్తుంది. ఉస్కా భీ టైమ్ ఆయేగా. (అతని సమయం కూడా వస్తుంది)” అన్నాడు సూర్యకుమార్.
గైక్వాడ్ ఈ సంవత్సరం జింబాబ్వేతో జరిగిన T20I సిరీస్లో ఇండియా తరఫున ఆడాడు. 66.50 సగటుతో, 158.33 స్ట్రైక్ రేట్తో 133 పరుగులు చేశాడు.
రుతు ఐపీఎల్లో సీఎస్కే కెప్టెన్గా ఉన్నాడు. దులీప్ ట్రోఫీలో ఇండియా సీ జట్టుకు కూడా నాయకత్వం వహించాడు. ఈ సంవత్సరం ఇరానీ కప్ కోసం రెస్ట్ ఆఫ్ ఇండియా జట్టుకు కెప్టెన్గా కూడా సెలెక్ట్ అయ్యాడు. ప్రస్తుతం ఆస్ట్రేలియాలో అనధికారిక టెస్టు సిరీస్ కోసం వెళ్లిన ఇండియా ఎ జట్టుకు కూడా గైక్వాడ్ కెప్టెన్గా ఉన్నాడు.
భారత దేశీయ స్పెక్ట్రమ్లో గైక్వాడ్కు ఎంతో విలువ ఉందని అర్థమైనప్పటికీ, జాతీయ ఎంపిక కోణం నుంచి ఆలోచిస్తే గైక్వాడ్ కు అన్యాయం జరుగుతోందన్న భావన ఉంది.
ఇవీ చదవండి: Surya Kumar Yadav: స్కై ఈజ్ ద లిమిట్.. మార్కెట్లోనూ దంచేస్తున్న సూర్యకుమార్ యాదవ్
Indian Premier League: ఐపీఎల్ 2025 రిటెన్షన్ ఫైనల్ లిస్టు ఇదే
WI vs IND: యశస్వి జైస్వాల్, రుతురాజ్ ఎంట్రీ.. పుజారా ఔట్.. వెస్టిండీస్ పర్యటనకు భారత జట్టు ఇదే..
Dhoni: ధోని అభిమానులకు గుడ్ న్యూస్.. సీఎస్కే సర్ప్రైజ్!