AP Voters: ఏపీలో ఇటీవల విడుదల చేసిన 2024 ఓటర్ల జాబితా ప్రకారం మొత్తం ఓటర్ల సంఖ్య 4.08 కోట్లుగా అంచనా వేస్తూ ఆంధ్రప్రదేశ్ ఓటర్ల జాబితాల తుది ప్రత్యేక సారాంశ సవరణ (ఎస్ఎస్ఆర్)ను ఎన్నికల సంఘం ప్రచురించిన సంగతి తెలిసిందే.
రాష్ట్రంలో 2,00,74,322 మంది పురుష ఓటర్లు, 2,07,29,452 కోట్ల మంది మహిళా ఓటర్లు ఉన్నారని ఆంధ్రప్రదేశ్ చీఫ్ ఎలక్టోరల్ ఆఫీసర్ (సీఈవో) ముఖేష్ కుమార్ మీనా జనవరిలో విడుదల చేసిన రిపోర్టులో వెల్లడించారు. తాజాగా ఓటు కోసం దరఖాస్తు చేసుకోవాలని కొత్త యువ ఓటర్లకు పిలుపునిచ్చారు.
జనవరిలో విడుదల చేసిన నివేదిక ప్రకారం.. సర్వీస్ ఎలక్టర్లు 67,434 మంది, థర్డ్ జెండర్ ఓటర్లు 3,482 మంది ఉన్నారు. ముసాయిదా జాబితాలో 4,02,21,450 మంది ఓటర్లు ఉండగా తుది ఓటర్ల జాబితా 4,08,07,256 మందికి పెరిగిందని పేర్కొన్నారు. ఒక్కో పోలింగ్ స్టేషన్కు గరిష్ట ఓటర్ల పరిమితిని 1,500కి హేతుబద్ధీకరించిన తర్వాత, మొత్తం పోలింగ్ స్టేషన్ల సంఖ్య 45,951 నుంచి 46,165కి పెరిగిందన్నారు.
హేతుబద్ధీకరించిన పోలింగ్ స్టేషన్ల ప్రకారం అక్టోబర్ 27, 2023న ముసాయిదా ఓటర్ల జాబితాలు ప్రచురించారు. డిసెంబర్ 9, 2023 వరకు క్లెయిమ్లు, అభ్యంతరాలు స్వీకరించారు. ఈ క్లెయిమ్లు మరియు అభ్యంతరాలను పరిష్కరించిన తర్వాత, తుది ఓటర్ల జాబితాలు జనవరి 22, 2024న ప్రచురించారు.
ప్రత్యేక సమ్మరీ రివిజన్ 2024 సమయంలో నమోదుకాని ఓటర్లను చేర్చడానికి భారత ఎన్నికల సంఘం (ECI) విస్తృత ప్రచారం చేసిన తర్వాత 22,38,952 మంది ఓటర్లను తుది ఓటర్ల జాబితాలో చేర్చినట్లు సీఈవో తెలిపారు. అయినప్పటికీ, జనాభా గణాంకాల ప్రకారం 18-19 సంవత్సరాల వయస్సు గల ఓటర్లను ఇంకా ఎక్కువ మంది ఓటర్లను చేర్చాలని, అలాంటి ఓటర్లను చేర్చే ప్రక్రియ కొనసాగుతుందని ఆయన పేర్కొన్నారు.
అక్టోబరు 27, 2023న ప్రచురించిన ముసాయిదా ఓటర్ల జాబితా ప్రకారం ఈ వయస్సు గల ఓటర్లు కేవలం 2,88,155 మంది మాత్రమే ఉన్నారు. అయితే విద్యాసంస్థల్లో అవగాహన కార్యక్రమాలను అనుసరించి 5,25,389 మంది యువ ఓటర్లు పెరిగి 8,13,544కు చేరుకున్నారు. కొన్ని ఫిర్యాదులను పరిశీలించి జనన మరణ రిజిస్టర్ను క్షుణ్ణంగా పరిశీలించి ఇంటింటికి సర్వే నిర్వహించి 16,52,422 పేర్లను సీఈవో కార్యాలయం తొలగించింది.
అన్ని మరణాలు, డూప్లికేట్, షిఫ్ట్ కేసులపై రాజకీయ పార్టీల నుంచి వచ్చిన ఫిర్యాదులను ధృవీకరించారు. 14,48,516 కేసులలో 5,64,497 అర్హత ఉన్నవిగా గుర్తించారు. అవి ఓటర్ల జాబితా నుండి తొలగించారు. కొన్ని నియోజకవర్గాల నుంచి పెద్దమొత్తంలో ఫారమ్లు దాఖలు చేయడంపై దక్షిణాదిలోని 10 జిల్లాల్లో EC 70 ఎఫ్ఐఆర్లను నమోదు చేసింది. అర్హులైన ఓటర్లపై తప్పుడు ఫారం 7 దరఖాస్తులను దాఖలు చేసిన వ్యక్తిపై వివిధ సెక్షన్ల కింద కేసులు ఇప్పటికే నమోదు చేశారు.
ఇవీ చదవండి: AP DCS Exam: ఏపీలో డీఎస్సీ పరీక్ష వాయిదా? రాష్ట్ర ఎన్నికల కమిషనర్ ఏమన్నారంటే..
Lok sabha elections: లోక్ సభ ఎన్నికలకు నగారా.. తొలి దశ నోటిఫికేషన్ జారీ
Kalki 2898AD: ప్రభాస్ కల్కి వాయిదా? మే 13న ఎన్నికల నేపథ్యంలో కొత్త రిలీజ్ డేట్ ఇదేనా?