Sidhu Moosewala Mother: ఇటీవల హత్యకు గురైన ప్రముఖ గాయకుడు, రాజకీయ నాయకుడు సిద్ధూ మూసేవాలా తల్లిదండ్రులు మరో బిడ్డకు జన్మనివ్వనున్నారు. సిద్ధూ తల్లి చరణ్ సింగ్ ఐవీఎఫ్ చికిత్స కోసం వెళ్లారు. వచ్చే నెల మార్చిలో బిడ్డకు జన్మనివ్వనున్నట్లు కుటుంబసభ్యులు ధ్రువీకరించాయి. సిద్ధూ దంపతుల ఏకైక సంతానం. 2022 మేలో ఆయన హత్యకు గురయ్యాడు. Sidhu Moosewala Mother
ప్రస్తుతం సిద్ధూ తల్లి వయసు 58 ఏళ్లు. చరణ్ సింగ్ వయసు 58 ఏళ్లు. 2022లో మాన్సా నుంచి ఎన్నికల్లో పోటీ చేస్తున్న సిద్ధూకు కవరింగ్ అభ్యర్థిగా అఫిడవిట్ దాఖలు చేసినప్పుడు ఆమె తన వయస్సు 56గా పేర్కొన్నారు. ప్రస్తుతం ఆమె వైద్యుల సంరక్షణలో ఉన్నారు.
మూసేవాలా మరణం ఎలా సంభవించిందంటే..
మే 2022లో పంజాబ్లోని మాన్సా జిల్లాలో సిద్ధూ మూసేవాలాను దుండగులు కాల్చి చంపారు. సిద్ధూకు స్వగ్రామం మూసా నుండి 10 కిలోమీటర్ల దూరంలోని మాన్సాలోని జవహర్కే గ్రామానికి జీపులో తన బంధువు, స్నేహితుడితో కలిసి బయలుదేరినప్పుడు ఆరుగురు షూటర్లు ఇతడిని చంపారు.
సిద్ధు మృతి కేసును పంజాబ్ పోలీసు ప్రత్యేక దర్యాప్తు బృందం (సిట్) విచారణ చేస్తోంది. గ్యాంగ్స్టర్లు లారెన్స్ బిష్ణోయ్, గోల్డీ బ్రార్, జగ్గు భగవాన్పురియా సహా 32 మంది నిందితులపై సిట్ బృందం చార్జిషీట్ వేసింది.
మాన్సాలో సిద్ధూ జ్ఞాపకార్థం క్యాండిల్ మార్చ్ చేపట్టారు. సిద్ధు అభిమానులు, మద్దతుదారులు ఆయనకు న్యాయం చేకూరాలని, అతడి ఆత్మకు శాంతి కలగాలని కోరుతూ క్యాండిల్ మార్చ్లో పాల్గొనడానికి మూసా గ్రామంలో పెద్ద సంఖ్యలో వచ్చారు. ఈ మార్చ్లో సిద్ధూ తల్లి కూడా పాల్గొంది. జవహర్ కే గ్రామంలోని గురుద్వారాలో సిద్ధు స్మారకార్థం పూజలు చేశారు.
2022లో, దిల్జిత్ దోసాంజ్ మూస్వాలా తల్లిదండ్రుల గురించి, వారి కొడుకు మరణం తర్వాత వారు ఎలా బాధపడుతున్నారనే అంశంపై మాట్లాడారు. గతంలో కూడా ఆర్టిస్టులు ఎలా హత్యకు గురయ్యారనే అంశంపై మాట్లాడారు.
దిల్జిత్ ఫిల్మ్ కంపానియన్కి ఇచ్చిన ఇంటర్వ్యూలో మూసేవాలా, దీప్ సిద్ధూ మృతిపై మాట్లాడారు. ’అందరూ కష్టపడి పనిచేశారు. ఒక ఆర్టిస్ట్ ఎవరికీ ఏ హానీ చేయడు. నేను నా సొంత అనుభవం గురించి మాట్లాడుతున్నాను. నేను దానితో ఏకీభవించను. అతనికి, మరొకరికి మధ్య ఏమీ ఉండకపోవచ్చు.
కాబట్టి ఎవరైనా మరొకరిని ఎందుకు చంపుతారు? ఇది చాలా బాధాకరమైన విషయం. దానిపై మాట్లాడటమే చాలా కష్టంగా ఉంది. దీనిపై అందరూ ఆలోచించండి, మీకు ఒక బిడ్డ ఉన్నాడనుకుందాం. అతను చనిపోతాడు. అతని తండ్రి, తల్లి ఆ జ్ఞాపకాలతో వారు ఎలా జీవించగలుగుతారు. ఆ కష్టాలు వారికి మాత్రమే తెలుసు’ అంటూ వాపోయాడు.
ఇవీ చదవండి: Sidhu Moosewala: సిద్ధూ మూసెవాలా గురించి ఎవరికీ తెలియని విషయాలు..