Rashmika Mandanna: స్టార్ హీరోయిన్ Rashmika Mandanna ప్రస్తుతం సోషల్ మీడియాలో వైరల్ అవుతున్న ఒక పాత ఆడియో క్లిప్‌పై తీవ్ర ఆగ్రహం వ్యక్తం చేసింది. ఇటీవల తన వ్యక్తిగత జీవితంలో జరిగిన పరిణామాల నేపథ్యంలో కొందరు కావాలనే తప్పుడు ప్రచారం చేస్తున్నారని ఆమె ఆరోపించింది.
తాజా సమాచారం ప్రకారం, రష్మిక ఫిబ్రవరి 26న ఉదయ్‌పూర్‌లో తెలుగు హీరో Vijay Deverakondaను వివాహం చేసుకున్నట్లు వార్తలు వైరల్ అవుతున్నాయి. ఈ సందర్భంలోనే ఆమె తల్లి Suman Mandannaకు సంబంధించిన పాత ఆడియో క్లిప్ సోషల్ మీడియాలో విస్తృతంగా షేర్ అవుతోంది. దీనిని ఆధారంగా చేసుకుని రష్మిక కుటుంబంపై తప్పుడు ప్రచారాలు జరుగుతున్నాయని ఆమె పేర్కొంది.
ఎనిమిదేళ్లుగా టార్గెట్ చేస్తున్నారంటూ ఆరోపణ
రష్మిక తన ఇన్‌స్టాగ్రామ్ స్టోరీలో స్పందిస్తూ ఒక మీడియా వర్గం ఎనిమిదేళ్లుగా తనపై అసత్య ప్రచారం చేస్తోందని ఆరోపించింది. వ్యూస్, రీచ్ కోసం తాను చెప్పని మాటలను కూడా చెప్పినట్లుగా కథనాలు ప్రచారం చేస్తున్నారని ఆమె ఆవేదన వ్యక్తం చేసింది.
“గత 24 గంటల్లో వారు హద్దులు దాటి తీవ్ర దుష్ప్రచారం చేశారు. ఎనిమిదేళ్ల క్రితం జరిగిన ఒక ప్రైవేట్ సంభాషణలోని కొంత భాగాన్ని కావాలనే బయటకు తీసి వైరల్ చేస్తున్నారు” అని ఆమె పేర్కొంది.
వ్యక్తిగత గోప్యతకు భంగం
ఇలాంటి చర్యలు తన వ్యక్తిగత గోప్యతకు భంగం కలిగించడమే కాకుండా కుటుంబ సభ్యులను కూడా ఇబ్బందులకు గురి చేస్తున్నాయని రష్మిక పేర్కొంది. “ఇది నా ప్రతిష్టను దిగజార్చే ప్రయత్నం. ఇప్పుడు నా జీవితంలో మార్పులు జరిగిన సమయంలో కావాలనే ఈ విషయాలను బయటకు తీస్తున్నారు” అని ఆమె తెలిపింది.
24 గంటల్లో తొలగించాలని హెచ్చరిక
సోషల్ మీడియాలో తప్పుడు కథనాలను వెంటనే తొలగించాలని మీడియా సంస్థలు, సోషల్ మీడియా ఇన్‌ఫ్లుయెన్సర్లకు రష్మిక హెచ్చరిక జారీ చేసింది. “మీకు 24 గంటలు సమయం ఇస్తున్నాను. ఆలోపు ఈ తప్పుడు పోస్టులను తొలగించకపోతే సంబంధిత వ్యక్తులు, సంస్థలపై చట్టపరమైన చర్యలు తీసుకుంటాను” అని ఆమె స్పష్టం చేసింది.
వివాదానికి కారణం ఏమిటి?
2016లో విడుదలైన Kirik Party సినిమా షూటింగ్ సమయంలో రష్మిక మరియు నటుడు Rakshit Shetty ప్రేమలో పడ్డారు. 2017లో వీరి నిశ్చితార్థం కూడా జరిగింది. అయితే 2018లో వారు విడిపోయారు.
అప్పటి సమయంలో రష్మిక ఎదుర్కొన్న వేధింపుల గురించి ఆమె తల్లి మాట్లాడినట్లుగా ఉన్న ఒక పాత ఆడియో క్లిప్ ప్రస్తుతం సోషల్ మీడియాలో వైరల్ అవుతోంది. ఈ ఆడియోను ఇప్పుడు బయటపెట్టడం వెనుక ఉద్దేశపూర్వక ప్రయత్నం ఉందని రష్మిక ఆరోపించింది.
ఇవీ చదవండి: Vijay Deverakonda – Rashmika: తొలుత ఎవ‌రు ప్ర‌పోజ్ చేశారో తెలుసా? విజయ్ దేవరకొండ-రష్మిక మందాన ల‌వ్ స్టోరీ
Vijay Deverakonda – Rashmika: సొంతూరిలో సంప్రదాయ వేడుకలు.. ఫ్యాన్స్‌తో ఆనందం పంచుకున్న విజయ్ దేవరకొండ – రష్మిక జంట
Vijay Rashmika: విజయ్ దేవరకొండ – రష్మిక మందన్న పెళ్లి.. అధికారికంగా ఫోటోలు షేర్ చేసిన నేషనల్ క్రష్
