Peddi Movie: పెద్ద సినిమాల రిలీజ్ డేట్ల చుట్టూ టాలీవుడ్‌లో ఎప్పుడూ చర్చలు జరుగుతుంటాయి. అయితే ఇప్పుడు ‘పెద్ది’ సినిమా రిలీజ్ డేట్‌పై ఇండస్ట్రీలోనే ఓపెన్‌గా చర్చలు మొదలయ్యాయి. చెప్పిన సమయానికి సినిమా వస్తుందా లేదా అన్నది పెద్ద ప్రశ్నగా మారింది.
దిల్ రాజు కామెంట్స్‌తో పెరిగిన అనుమానాలు
‘గాయపడ్డ సింహం’ సినిమాను మే 1న విడుదల చేయాలని భావిస్తున్నామని నిర్మాత దిల్ రాజు తెలిపారు. అయితే ‘పెద్ది’ ఏప్రిల్ 30న విడుదలైతే తమ సినిమా రిలీజ్ డేట్ మార్చుకుంటామని చెప్పడంతో ‘పెద్ది’ రిలీజ్‌పై ఉన్న అనుమానాలు మరింత పెరిగాయి.
ఇతర సినిమాలపై కూడా ప్రభావం
మే 1న రావాల్సిన ‘లెనిన్’ సినిమా కూడా ‘పెద్ది’ కారణంగా వాయిదా పడినట్టు సమాచారం. అలాగే సమంత నటిస్తున్న ‘మా ఇంటి బంగారం’ సినిమా కూడా అవసరమైతే రిలీజ్ తేదీని ముందుకు జరపడానికి సిద్ధంగా ఉందని తెలుస్తోంది.
చెన్నై లవ్ స్టోరీ రిలీజ్ డేట్ మార్పు
ఎస్‌కేఎన్ నిర్మిస్తున్న ‘చెన్నై లవ్ స్టోరీ’ సినిమాను జూన్ 26న విడుదల చేయాలని భావించారు. కానీ అదే రోజున ‘పెద్ది’ వచ్చే అవకాశాలున్నాయని వ్యాఖ్యానించడంతో రిలీజ్ డేట్ మార్చే ఆలోచనలో ఉన్నట్లు తెలిపారు.
అధికారిక ప్రకటన వచ్చే వరకు సందిగ్ధత
తర్వాత ఎస్‌కేఎన్ తన వ్యాఖ్యలపై స్పష్టత ఇచ్చారు. ప్రోగ్రామ్ సందడిలో పొరపాటుగా అలా చెప్పానని చెప్పారు. ‘పెద్ది’ మేకర్స్ అధికారికంగా రిలీజ్ డేట్ ప్రకటించే వరకు ఈ చర్చలకు పూర్తి స్థాయి ముగింపు వచ్చే అవకాశాలు లేవని సినీ విశ్లేషకులు అంటున్నారు.
ఇవీ చదవండి: Peddi Movie: రామ్ చరణ్ బర్త్‌డే సర్‌ప్రైజ్.. ‘పెద్ది’ నుంచి భారీ అప్‌డేట్, టీజర్ రిలీజ్‌కు రెడీ
Peddi Movie: గ్లోబల్ స్టార్ రామ్ చరణ్ స్టామినా మళ్లీ ప్రూవ్ చేస్తున్న ‘పెద్ది’.. రిలీజ్‌కు ముందే బాక్సాఫీస్ షేక్!
Mrunal in Peddi: పెద్ది మూవీలో రామ్ చరణ్‌తో ఊరమాస్ స్పెషల్ సాంగ్? మృణాల్ ఠాకూర్ ఎంట్రీపై బుచ్చి బాబు మాస్టర్ ప్లాన్!
