Akshaye Khanna: బాలీవుడ్లో తన నటనతో ప్రత్యేక గుర్తింపు తెచ్చుకున్న నటుడు Akshaye Khanna ఇటీవల మరోసారి వార్తల్లో నిలిచాడు. సినిమాల్లో తన ప్రత్యేకమైన నటనతో ప్రేక్షకులను ఆకట్టుకున్న అక్షయ్ ఖన్నా జీవనశైలి కూడా చాలా భిన్నంగా ఉంటుంది. సాధారణంగా ఆరోగ్య నిపుణులు ఉదయం అల్పాహారం తప్పక తినాలని సూచిస్తుంటారు. అయితే అక్షయ్ ఖన్నా మాత్రం అల్పాహారం తినకుండానే తన రోజును ప్రారంభిస్తానని చెబుతున్నాడు. ఇటీవల వచ్చిన Chhaava, Dhurandhar సినిమాలతో ఆయన మరోసారి ప్రేక్షకుల దృష్టిని ఆకర్షించాడు. ఈ సినిమాల్లో అతని నటనకు మంచి ప్రశంసలు లభించాయి.
చిన్న వయసులోనే బట్టతల సమస్య
అక్షయ్ ఖన్నా చిన్న వయసులోనే బట్టతల సమస్యను ఎదుర్కొన్నారు. చాలా మంది నటులు తమ లుక్స్పై ఎక్కువగా దృష్టి పెట్టే సమయంలో ఆయన మాత్రం తన టాలెంట్తోనే ప్రేక్షకులను ఆకట్టుకోవాలని నిర్ణయించుకున్నారు. లుక్స్పై కాకుండా నటనపై దృష్టి పెట్టడం వల్లనే ఆయనకు ఇండస్ట్రీలో ప్రత్యేక స్థానం దక్కింది. పాత్రల ఎంపికలో కూడా చాలా జాగ్రత్తగా వ్యవహరిస్తూ, విభిన్న పాత్రలతో ప్రేక్షకులను మెప్పించారు.
రోజుకు రెండు పూటలే భోజనం
అక్షయ్ ఖన్నా డైట్ చాలా సింపుల్గా ఉంటుంది. ఆయన రోజుకు రెండు పూటలే భోజనం చేస్తారు. ఉదయం అల్పాహారం పూర్తిగా స్కిప్ చేస్తారు. మధ్యాహ్నం, రాత్రి సమయంలో మాత్రం తాను ఇష్టపడే ఆహారాన్ని తింటారు. ముఖ్యంగా ఇంటి వంటకాలను ఎక్కువగా ఇష్టపడతారు.
ఆయన ఆహారంలో సాధారణంగా ఇవి ఉంటాయి.. అన్నం, పప్పు, కూరగాయలు, చికెన్, చేపలు, ఇతర నాన్వెజ్ వంటకాలు. రాత్రి సమయంలో అన్నం బదులుగా చపాతీలు తినడం ఆయన అలవాటు.
స్నాక్స్కు దూరం
మధ్యలో ఆకలి వేసినప్పుడు బిస్కెట్లు, సాండ్విచ్లు వంటి స్నాక్స్ తినడం ఆయనకు అలవాటు లేదు. ఎక్కువగా చాయ్ మాత్రమే తాగుతారు. తేలికగా జీర్ణమయ్యే ఆహారానికే ఆయన ప్రాధాన్యం ఇస్తారు. ఇంట్లో ఉన్నా, సినిమా షూటింగ్లో ఉన్నా ఇదే డైట్ను కొనసాగిస్తారు.
ఇష్టమైన ఆహారాలు
అక్షయ్ ఖన్నాకు కొన్ని ప్రత్యేకమైన ఆహారాలు కూడా చాలా ఇష్టం. ముఖ్యంగా: బెండకాయ, లిచీ పండ్లు, కేక్స్ ఇవి తనకు చాలా ఇష్టమని గతంలో ఒక ఇంటర్వ్యూలో ఆయన తెలిపారు.
మంచి నిద్రే ఫిట్నెస్ రహస్యం
ఫిట్గా ఉండడానికి మంచి నిద్ర చాలా ముఖ్యమని అక్షయ్ ఖన్నా నమ్ముతాడు. రోజుకు దాదాపు 10 గంటలు నిద్రపోతానని ఆయన చెబుతాడు. అలసిన శరీరానికి, మనసుకు విశ్రాంతి ఇవ్వడానికి నిద్రే ఉత్తమ మార్గమని ఆయన అభిప్రాయం. కఠినమైన డైట్ పాటించకుండా సింపుల్ లైఫ్స్టైల్తోనే ఆయన ఐదు పదుల వయసులో కూడా ఫిట్గా ఉంటున్నారు.
సాధారణంగా ఆరోగ్యానికి కఠినమైన డైట్లు, జిమ్ వర్కౌట్స్ అవసరమని అనుకుంటారు. కానీ అక్షయ్ ఖన్నా మాత్రం సింపుల్ ఆహారం, మంచి నిద్ర, ప్రశాంతమైన జీవనశైలితోనే ఫిట్గా ఉండవచ్చని నిరూపిస్తున్నారు. ఆయన జీవనశైలి ఇప్పుడు చాలా మందికి ప్రేరణగా మారుతోంది.
ఇవీ చదవండి: Dhurandhar 2: ‘ప్రాజెక్ట్ హెయిల్ మేరీ’ బాక్సాఫీస్ సెన్సేషన్: ధురంధర్ 2 పోటీ మధ్య భారీ వసూళ్లు
Dhurandhar 2: ‘దురంధర్-2’ బాక్సాఫీస్ దూకుడు.. 14 రోజుల్లో భారీ వసూళ్లు.. పుష్ప, బాహుబలి రికార్డులు సేఫ్!
Dhurandhar 2: బాక్సాఫీస్ను షేక్ చేస్తున్న ‘ధురంధర్ 2’.. బాహుబలి 2 రికార్డుకూ బ్రేక్!
Dhurandhar 2: ‘మాచో పాత్రలపై ఆసక్తి లేదు’.. వైరల్ అవుతున్న ఇమ్రాన్ ఖాన్ కామెంట్స్