Indian Air Force: భారత ప్రభుత్వ రక్షణ మంత్రిత్వశాఖ ఆధ్వర్యంలోని Indian Air Force అగ్నిపథ్ పథకంలో భాగంగా అగ్నివీర్ వాయు నియామకాలకు తాజాగా కీలక సవరణలు ప్రకటించింది. అభ్యర్థులకు మరోసారి దరఖాస్తు చేసుకునే అవకాశం కల్పించడంతో పాటు వయోపరిమితిలో సడలింపు ఇచ్చింది. తాజా ప్రకటన ప్రకారం గరిష్ట వయోపరిమితిని 21 ఏళ్ల నుంచి 22 ఏళ్లకు పెంచారు. ఇప్పుడు జనవరి 1, 2005 నుంచి జులై 1, 2009 మధ్య జన్మించిన అవివాహిత పురుష, మహిళా అభ్యర్థులు దరఖాస్తు చేసుకోవచ్చు.
విద్యార్హతలు
అభ్యర్థులు కింది అర్హతలు కలిగి ఉండాలి:
మ్యాథమెటిక్స్, ఫిజిక్స్, ఇంగ్లిష్ సబ్జెక్టులతో 10+2లో కనీసం 50% మార్కులు లేదా ఇతర సబ్జెక్టులతో ఇంటర్మీడియట్ (కనీసం 50% మార్కులు) లేదా మెకానికల్, ఎలక్ట్రికల్, ఎలక్ట్రానిక్స్, ఆటోమొబైల్, కంప్యూటర్ సైన్స్, ఇన్స్ట్రుమెంటేషన్ టెక్నాలజీ, ఇన్ఫర్మేషన్ టెక్నాలజీ విభాగాల్లో 3 సంవత్సరాల ఇంజినీరింగ్ డిప్లొమా. ఇంగ్లిష్లో కూడా కనీసం 50% మార్కులు ఉండాలి.
శారీరక ప్రమాణాలు
కనీస ఎత్తు: పురుషులకు 152.5 సెం.మీ., మహిళలకు 152 సెం.మీ.
ఛాతీ విస్తరణ: నిర్దిష్ట ప్రమాణాల ప్రకారం
మంచి శారీరక దారుఢ్యం, మెడికల్ ఫిట్నెస్ తప్పనిసరి
ఎంపిక ప్రక్రియ – 5 దశలు
అభ్యర్థుల ఎంపిక మొత్తం ఐదు దశల్లో జరుగుతుంది:
ఆన్లైన్ రాత పరీక్ష
ఫిజికల్ ఫిట్నెస్ టెస్ట్ (PFT)
అడాప్టబిలిటీ టెస్ట్ – 1
అడాప్టబిలిటీ టెస్ట్ – 2
మెడికల్ ఎగ్జామినేషన్
ఆన్లైన్ పరీక్షలు మార్చి 30 లేదా 31 నుంచి ప్రారంభమవుతాయి. పరీక్ష ఫీజు రూ.550గా నిర్ణయించారు.
అగ్నిపథ్ పథకం ముఖ్యాంశాలు
అగ్నివీర్ వాయు గా ఎంపికైన అభ్యర్థులు 4 సంవత్సరాలపాటు సేవలందిస్తారు. ఈ కాలంలో ప్రత్యేక శిక్షణ, వేతనం, అలవెన్సులు లభిస్తాయి. సేవ పూర్తయిన తర్వాత “సేవనిధి” పేరిట సుమారు రూ.11 లక్షల వరకు ఆర్థిక సహాయం అందుతుంది. కొంతమంది అభ్యర్థులను శాశ్వత సేవలకు ఎంపిక చేసే అవకాశమూ ఉంటుంది.
అభ్యర్థులకు సూచనలు
దరఖాస్తు చేసుకునే ముందు అధికారిక నోటిఫికేషన్ పూర్తిగా చదవాలి
శారీరక పరీక్షల కోసం ముందుగానే ప్రిపరేషన్ ప్రారంభించాలి
ఆన్లైన్ పరీక్షకు సంబంధించిన సిలబస్, మాక్ టెస్టులు ప్రాక్టీస్ చేయాలి
దేశసేవ చేయాలనే ఉత్సాహం ఉన్న యువతకు ఇది మంచి అవకాశం అని రక్షణ నిపుణులు అభిప్రాయపడుతున్నారు.
ఇవీ చదవండి: Indian Air Force : అగ్నిపథ్ స్కీమ్ కింద భారత వాయుసేనలో నాన్-కంబాటెంట్ ఉద్యోగాలు.. అగ్నివీర్ వాయు నోటిఫికేషన్ విడుదల
Jobs in SBI : SBI ఉద్యోగాలు 2026 – Circle Based Officer పోస్టులకు భారీ నోటిఫికేషన్.. 2273 CBO పోస్టుల భర్తీకి State Bank of India అధికారిక ప్రకటన