Sravanti Chokkarapu: టాలీవుడ్లో స్టార్గా వెలుగొందుతున్న చాలా మంది సెలబ్రిటీల జీవితాలు సులభంగా మొదలైనవి కావు. కష్టాలు, పోరాటాలు, నిరాశలు దాటుకుని తమకంటూ ఒక గుర్తింపు తెచ్చుకున్నవారే ఎక్కువ. ఈ కోవలోకే వస్తుంది స్టార్ యాంకర్ కమ్ నటి Sravanti Chokkarapu. తాజాగా ఆమె ఇచ్చిన ఇంటర్వ్యూలో తన జీవితంలోని ఎన్నో ఆసక్తికరమైన విషయాలను ఓపెన్గా పంచుకుంది.
నటిగా గుర్తింపు తెచ్చుకోవాలనే ఆశతో హైదరాబాద్కు వచ్చిన స్రవంతి, దిల్సుఖ్నగర్లో హాస్టల్లో ఉంటూ యాక్టింగ్ నేర్చుకుంది. చిన్న వయసు నుంచే స్వయం సంపాదన అలవాటు చేసుకున్న ఆమె, ఆరో తరగతి నుంచే మెహందీ డిజైనింగ్ చేస్తూ డబ్బులు సంపాదించేదట. బ్యూటీ పార్లర్తో టైఅప్ అయి మెహందీ పనులు చేస్తూ కుటుంబానికి తోడ్పడేదని చెప్పింది.
సినిమాల్లోకి అడుగుపెట్టిన తొలి అవకాశం కూడా అనుకోకుండా దక్కిందట. తన హాస్టల్ ఫ్రెండ్ ద్వారా ఒక సినిమా షూటింగ్కు వెళ్లిన ఆమె, అక్కడ ఒక అమ్మాయి రాకపోవడంతో ఆమె స్థానంలో యాక్ట్ చేసే ఛాన్స్ దక్కించుకుంది. దాదాపు 12 రోజులు ఆ సినిమాకు పనిచేసి, జర్నలిస్ట్ పాత్రలో కనిపించిందని తెలిపింది. రోజుకు రూ.3000 పారితోషికం అందుకుని, ఆ డబ్బులతో తన తల్లికి పట్టుచీర కొనిచ్చానని గర్వంగా చెప్పింది.
అయితే ప్రేమించి పెళ్లి చేసుకోవాలన్న సమయంలో అత్తింటివారు సినిమాలకు ఒప్పుకోరనే కారణంతో ఇండస్ట్రీకి దూరమైందట. పెళ్లి తర్వాత కొన్ని ఆర్థిక సమస్యలు రావడంతో, భర్తతో కలిసి ఉద్యోగం చేయాల్సిన పరిస్థితి ఏర్పడిందని చెప్పింది. ఈ క్రమంలో హైదరాబాద్ పంజాగుట్టలోని ఒక నగల దుకాణంలో సేల్స్ గర్ల్గా పనిచేసిందట. కానీ ఎక్కువసేపు నిలబడి పనిచేయడం వల్ల ఆరోగ్య సమస్యలు రావడంతో ఆ జాబ్ను మానేశానని వెల్లడించింది.
తర్వాత భర్త స్నేహితుడి పరిచయంతో ఒక టీవీ ఛానల్లో యాంకర్గా అవకాశం దక్కిందట. అక్కడి నుంచే ఆమె యాంకర్గా తన కెరీర్ను మళ్లీ స్టార్ట్ చేసింది. క్రమంగా మంచి గుర్తింపు తెచ్చుకుని, బిగ్ బాస్ వంటి షోల ద్వారా మరింత పాపులారిటీ సంపాదించింది.
ఇటీవల Hey Balavant చిత్రంలో Suhas సరసన కీలక పాత్రలో నటించి మెప్పించిన స్రవంతి, ప్రస్తుతం యాంకర్గా కూడా, నటిగా కూడా బిజీగా కొనసాగుతోంది. కష్టపడితే ఏ స్థాయికైనా చేరుకోవచ్చని ఆమె జీవితమే ప్రత్యక్ష ఉదాహరణగా నిలుస్తోంది.
ఇవీ చదవండి: Heroine : 40 ఏళ్ల వయసులో పెళ్లికి సిద్ధమైన స్టార్ హీరోయిన్ – సీక్రెట్ ఎంగేజ్మెంట్ టాక్!
Heroines: వ్యక్తిగత జీవితంలో అలాంటి జబ్బులతో బాధ పడుతున్న హీరోయిన్లు వీళ్లే!