Tirumala Laddu : తిరుమల లడ్డూ ప్రసాదంలో నెయ్యి కల్తీ అంశంపై దేశ అత్యున్నత న్యాయస్థానం పర్యవేక్షణలో ప్రత్యేక దర్యాప్తు కొనసాగుతున్న వేళ, మరో విచారణ కమిటీ ఏర్పాటు చేయాలని ఆంధ్రప్రదేశ్ క్యాబినెట్ నిర్ణయం తీసుకోవడం తీవ్ర వివాదానికి దారి తీస్తోంది. ఇప్పటికే Supreme Court of India ఆదేశాల మేరకు Central Bureau of Investigation పర్యవేక్షణలో ప్రత్యేక దర్యాప్తు బృందం (SIT) పని చేస్తున్న సందర్భంలో, మరో కమిటీ అవసరం ఏంటన్న ప్రశ్నలు ఉత్పన్నమవుతున్నాయి.
సీబీఐ నివేదికలో జంతువుల కొవ్వు, పంది కొవ్వు వంటి ఆరోపణలకు స్పష్టమైన ఆధారాలు లేవని పేర్కొనడం, అలాగే ప్రచారానికి భిన్నంగా నిజాలు వెలుగులోకి రావడం అధికార పార్టీకి ఇబ్బందికరంగా మారిందనే విమర్శలు వినిపిస్తున్నాయి. ముఖ్యంగా ఈ నివేదిక Nara Chandrababu Naidu కు రాజకీయంగా అనుకూలంగా లేదన్న కారణంతోనే మరో కొత్త డ్రామాకు తెరలేపారని ప్రతిపక్షాలు ఆరోపిస్తున్నాయి.
సీబీఐ తన నివేదికలో స్పష్టంగా చెప్పిన అంశాలను జీర్ణించుకోలేక, విచారణ ఇంకా సరిగా జరగలేదంటూ ఓ వర్గం మీడియా ద్వారా, సోషల్ మీడియా వేదికగా వరుసగా దుష్ప్రచారాలు కొనసాగుతున్నాయన్న విమర్శలు వస్తున్నాయి. సీబీఐ రిపోర్ట్లో లోపాలున్నాయంటూ కథనాలు, వీడియోలు, పోస్టులు ప్రచారం చేయడం ద్వారా ప్రజల్లో గందరగోళం సృష్టించేందుకు ప్రయత్నాలు జరుగుతున్నాయని ఆరోపణలు ఉన్నాయి.
ఇదే దుష్ప్రచారానికి కొనసాగింపుగా, ఇప్పుడు మరో విచారణ కమిటీ ఏర్పాటు చేయాలన్న క్యాబినెట్ నిర్ణయం తీసుకున్నారని విమర్శకులు అంటున్నారు. తమ చెప్పుచేతుల్లో ఉండే అధికారులతో కమిటీని ఏర్పాటు చేసి, తమకు నచ్చిన విధంగా నివేదిక రాయించుకోవడమే లక్ష్యమన్న ఆరోపణలు బలంగా వినిపిస్తున్నాయి. ఆ కమిటీ నివేదికను ఆధారంగా చేసుకుని తిరుమల ప్రసాదంపై మరింత విష ప్రచారం చేయాలని వ్యూహం సిద్ధం చేస్తున్నారన్న వ్యాఖ్యలు రాజకీయ వర్గాల్లో చర్చనీయాంశంగా మారాయి.
ఇక కోర్టు పరిధిలో ఉన్న అంశంపై మరో విచారణ కమిటీ ఏర్పాటు చేయడం న్యాయపరంగా ఎంతవరకు సమంజసమన్న ప్రశ్నలు తలెత్తుతున్నాయి. క్యాబినెట్ నిర్ణయాన్ని చూసి పలువురు న్యాయ నిపుణులు విస్తుపోతున్నారని, ఇది న్యాయ ప్రక్రియను పక్కదారి పట్టించే ప్రయత్నంగా భావించాల్సి వస్తుందన్న అభిప్రాయాలు వ్యక్తమవుతున్నాయి.
మొత్తంగా చూస్తే, సీబీఐ నివేదిక తమకు అనుకూలంగా లేకపోవడంతోనే అధికార పార్టీ ఫ్రస్టేషన్లో మరో కమిటీ నిర్ణయం తీసుకుందని, ఇది తిరుమల పవిత్రత కంటే రాజకీయ లాభనష్టాల కోసమే అన్న ఆరోపణలు మరింత బలపడుతున్నాయి. ఈ వ్యవహారం ఇక న్యాయస్థానాల్లో ఎలా మలుపు తిరుగుతుందన్నది ఆసక్తికరంగా మారింది.
ఇవీ చదవండి: Jagan Pressmeet : వైఎస్ జగన్ సుదీర్ఘ ప్రెస్ మీట్.. రైతులు, ఆరోగ్యశ్రీ, ఉద్యోగులు, వైజాగ్ స్టీల్ ప్లాంట్, లడ్డూ, పరకామణి, చంద్రబాబు కేసులు..
Andhra Pradesh : ఏపీ కేబినెట్ కీలక నిర్ణయాలు.. ఆ పిల్లలకు రూ.5 వేల పెన్షన్ ఇచ్చేందుకు గ్రీన్ సిగ్నల్