JEE Advanced 2026 Notification: దేశవ్యాప్తంగా ఉన్న 23 ఐఐటీల్లో 2026–27 విద్యా సంవత్సరానికి బీటెక్ ప్రవేశాల కోసం నిర్వహించే జాయింట్ ఎంట్రన్స్ ఎగ్జామినేషన్ (JEE) అడ్వాన్స్డ్ 2026 నోటిఫికేషన్ విడుదలైంది. ఈ ఏడాది జేఈఈ అడ్వాన్స్డ్ పరీక్ష నిర్వహణ బాధ్యతలు వహిస్తున్న IIT Roorkee అధికారికంగా పూర్తి నోటిఫికేషన్ను విడుదల చేసింది.
నోటిఫికేషన్ ప్రకారం, జేఈఈ అడ్వాన్స్డ్ 2026కు సంబంధించిన ఆన్లైన్ రిజిస్ట్రేషన్ ప్రక్రియ ఏప్రిల్ 23, 2026 నుంచి ప్రారంభమవుతుంది. పరీక్ష షెడ్యూల్తో పాటు సిలబస్ వివరాలను కూడా అధికారిక వెబ్సైట్లో అందుబాటులో ఉంచారు.
అర్హత ఎవరికంటే?
JEE Mainలో కనీస అర్హత ర్యాంకులు సాధించిన మొదటి 2.50 లక్షల మంది అభ్యర్థులు మాత్రమే జేఈఈ అడ్వాన్స్డ్ 2026 పరీక్షకు దరఖాస్తు చేసుకునేందుకు అర్హులు.
రిజిస్ట్రేషన్ & పరీక్ష వివరాలు
ఆన్లైన్ దరఖాస్తులు ఏప్రిల్ 23 నుంచి మే 2, 2026 వరకు స్వీకరిస్తారు.
జేఈఈ అడ్వాన్స్డ్ 2026 పరీక్షను మే 17, 2026న నిర్వహించనున్నారు.
ఈ పరీక్ష మొత్తం రెండు పేపర్లుగా ఉంటుంది.
పేపర్ 1: ఉదయం 9.00 నుంచి మధ్యాహ్నం 12.00 వరకు
పేపర్ 2: మధ్యాహ్నం 2.30 నుంచి సాయంత్రం 5.30 వరకు
రెండు పేపర్లకు హాజరవడం తప్పనిసరి.
ఆర్కిటెక్చర్ అభ్యర్థులకు ఏఏటీ
జేఈఈ అడ్వాన్స్డ్ 2026లో ఉత్తీర్ణులైన అభ్యర్థులు ఆర్కిటెక్చర్ ఆప్టిట్యూడ్ టెస్ట్ (AAT) 2026కు దరఖాస్తు చేసుకోవచ్చు.
ఏఏటీ రిజిస్ట్రేషన్లు: జూన్ 1 ఉదయం 10 గంటల నుంచి జూన్ 2 సాయంత్రం 5 గంటల వరకు
ఏఏటీ పరీక్ష తేదీ: జూన్ 4, 2026 (ఉదయం 9 నుంచి 12 గంటల వరకు)
ఫలితాల విడుదల: జూన్ 7, 2026
ఏఏటీ ర్యాంక్ సాధించిన అభ్యర్థులకు ఐఐటీల్లోని బీఆర్క్ (B.Arch) కోర్సుల్లో ప్రవేశానికి అవకాశం ఉంటుంది.
జోసా కౌన్సెలింగ్
బీటెక్ కోర్సుల్లో ప్రవేశాల కోసం నిర్వహించే JoSAA కౌన్సెలింగ్ ప్రక్రియ జూన్ 2, 2026 నుంచి ప్రారంభమవుతుంది.
ముఖ్యమైన తేదీలు (Key Dates)
ఆన్లైన్ రిజిస్ట్రేషన్: ఏప్రిల్ 23 – మే 2, 2026
ఫీజు చెల్లింపులకు చివరి తేదీ: మే 4, 2026
అడ్మిట్ కార్డుల డౌన్లోడ్: మే 11 – మే 17, 2026
జేఈఈ అడ్వాన్స్డ్ పరీక్ష: మే 17, 2026
ప్రిలిమినరీ ఆన్సర్ కీ విడుదల: మే 25, 2026
అభ్యంతరాల స్వీకరణ: మే 25 – మే 26, 2026
ఫలితాల ప్రకటన: జూన్ 1, 2026
ఇంజినీరింగ్లో ఐఐటీల్లో చదవాలనే లక్ష్యంతో ఉన్న విద్యార్థులకు జేఈఈ అడ్వాన్స్డ్ 2026 కీలకమైన పరీక్ష. ముందుగానే షెడ్యూల్ తెలుసుకొని సన్నద్ధమవడం ద్వారా విజయం సాధించే అవకాశాలు మరింత పెరుగుతాయి.
ఇవీ చదవండి: AP SET 2025 : నోటిఫికేషన్ విడుదల: పరీక్ష తేదీలు, అర్హతలు ఇవే!
JEE NEET: ఎస్సీ విద్యార్థులకు ప్రభుత్వం శుభవార్త.. విశాఖలో నీట్ జేఈఈ శిక్షణ కేంద్రం