PM Modi : ప్రధాని నరేంద్ర మోదీ నాయకత్వంలో కేంద్ర ప్రభుత్వం గిరిజనుల అభివృద్ధి కోసం ఒక విశిష్టమైన పథకాన్ని ప్రారంభించింది. ఆది కర్మయోగి అభియాన్ పేరుతో వచ్చిన ఈ కార్యక్రమం ద్వారా దేశవ్యాప్తంగా 11 కోట్ల మంది గిరిజనులు, లక్ష గ్రామాలు లబ్ధి పొందనున్నారు.
మధ్యప్రదేశ్లోని ధార్లో ప్రధాని మోదీ ఈ కార్యక్రమాన్ని ప్రారంభించారు. ఆది కర్మయోగి అంటే “గిరిజన నాయకుడు” అని అర్థం. ఈ అభియాన్ ముఖ్య ఉద్దేశ్యం – గిరిజన వర్గాలను నేరుగా ప్రభుత్వ పథకాలతో అనుసంధానం చేసి, వికసిత్ భారత్ కలను సాకారం చేయడం.
ఈ పథకం ప్రత్యేకతలు
20 లక్షల ప్రభుత్వ సిబ్బంది, స్వయం సహాయక బృందాల మహిళలు, యువత ప్రత్యేక శిక్షణ పొందనున్నారు. వీరంతా గిరిజన గ్రామాలకు ప్రభుత్వ సేవలను చేరుస్తారు.
ప్రతి గ్రామంలో ఒక ఆది సేవా కేంద్రం ఏర్పాటు చేస్తారు, ఇక్కడ అన్ని ప్రభుత్వ సేవలు ఒకే చోట లభిస్తాయి.
ఆది వాణి యాప్ ద్వారా గిరిజన భాషల్లో అధికారులతో నేరుగా మాట్లాడే అవకాశం ఉంటుంది.
గ్రామాలే తమ భవిష్యత్తు నిర్ణయించుకుంటాయి
సెప్టెంబర్ 17 నుంచి అక్టోబర్ 2 వరకు ఆది సేవా పర్వ్ జరుగుతుంది. ఈ 15 రోజుల్లో ప్రతి గ్రామం తమ అభివృద్ధి కోసం ప్రత్యేకమైన విజన్ డాక్యుమెంట్ సిద్ధం చేసుకుంటుంది. దీనిని గిరిజన విజన్ 2030 అని పిలుస్తారు.
యువత పాత్ర
ఐఐటీ, ఐఐఎంల వంటి ప్రముఖ విద్యాసంస్థల విద్యార్థులు కూడా ఈ అభియాన్లో భాగమవుతారు. వారు తమ నైపుణ్యాలతో గిరిజన గ్రామాల అభివృద్ధికి తోడ్పడతారు. దీని వల్ల గిరిజనులకు మెరుగైన విద్య, ఉద్యోగాలు, ఆరోగ్య సేవలు అందుతాయి.
సాధికారత ఉద్యమం
ఈ అభియాన్ కేవలం ఒక పథకం మాత్రమే కాకుండా, గిరిజన సమాజాన్ని సాధికారత వైపు నడిపించే ఒక మహత్తర ఉద్యమం అని కేంద్ర గిరిజన వ్యవహారాల మంత్రి జువల్ ఓరం అన్నారు. ఇది భారతదేశాన్ని అభివృద్ధి చెందిన దేశంగా మార్చే దిశలో చారిత్రాత్మక అడుగని ఆయన పేర్కొన్నారు.
ఇవీ చదవండి: PM Modi Birthday : మోదీ 75వ బర్త్ డే.. ఆయన జీవితంలో టాప్ 10 విశేషాలు
PM Modi: RSS చీఫ్ 75వ పుట్టినరోజు సందర్భంగా మోదీ ప్రత్యేక వ్యాసం