Team India: ఆసియా కప్ 2025 మొదలుకాకముందే టీమిండియాకు పెద్ద సమస్య ఎదురైంది. ఇప్పటికే జట్టులో చోటు సంపాదించిన సంజు శాంసన్ ఇప్పుడు ఫిట్నెస్ కారణంగా ఆడతాడా లేదా అన్న అనుమానాలు వ్యక్తమవుతున్నాయి. టోర్నమెంట్కు కేవలం నాలుగు రోజులు మాత్రమే మిగిలి ఉండగా, ప్రాక్టీస్ సెషన్లో సంజు నడవడానికి ఇబ్బంది పడ్డాడు. అతని కుడి కాలులో నొప్పి కారణంగా కుంటుకుంటూ కనిపించాడు. (Team India)
భారత జట్టు సెప్టెంబర్ 4న దుబాయ్ చేరుకొని, 5నుంచి ప్రాక్టీస్ ప్రారంభించింది. మొదటి రోజున ఎలాంటి ఇబ్బందులు కనిపించకపోయినా, రెండో రోజు సాయంత్రం ఐసీసీ అకాడమీలో శాంసన్ పరిస్థితి భిన్నంగా కనిపించింది. జట్టు సభ్యులు నెట్స్లో ప్రాక్టీస్ చేస్తుండగా, శాంసన్ బ్యాటింగ్ కోచ్ సితాన్షు కోటక్తో కలిసి ప్రత్యేక శిక్షణ తీసుకున్నాడు. కానీ కొంతసేపటికి త్రో-డౌన్ ప్రాక్టీస్ సమయంలో స్పష్టంగా ఇబ్బంది పడుతున్నాడు.
బ్యాట్ను సరిగ్గా స్వింగ్ చేయలేకపోవడం, కొన్ని షాట్లలో విఫలం కావడం గమనార్హం. దాదాపు 10-12 సార్లు ప్రయత్నించినప్పటికీ, ఫలితం లేకపోవడంతో మళ్లీ కోచ్తో చర్చించాడు. ఈ పరిణామాలు టీమిండియా మేనేజ్మెంట్కు ఆందోళన కలిగిస్తున్నాయి.
ఇటీవల సంజు శాంసన్ అద్భుత ఫామ్లో ఉన్నాడు. కేరళ క్రికెట్ లీగ్లో కేవలం 5 ఇన్నింగ్స్లలోనే 30 సిక్సర్లు కొట్టాడు. ఆ ఫామ్తోనే ఆసియా కప్లో కీలక పాత్ర పోషిస్తాడని అభిమానులు ఆశించారు. కానీ ఇప్పుడు అతని ఫిట్నెస్ పరిస్థితి అనిశ్చితిని పెంచుతోంది.
సెప్టెంబర్ 10న UAEతో జరిగే టీమిండియా తొలి మ్యాచ్లో సంజు శాంసన్ ప్లేయింగ్–11లో ఉంటాడా లేదా అన్నది చూడాలి. అతని ఆరోగ్యం జట్టుకు కీలకంగా మారింది.
ఇవీ చదవండి: Sanju Samson: ధోనిని దాటేసిన సంజూ శాంసన్.. ఎందులో అంటే!
Sanju Samson : బ్యాటింగ్లో అదరగొట్టినా.. ఫైనల్లో ఆడే అదృష్టం దక్కలేదా?