Shreyas Iyer: ప్రస్తుతం క్రికెట్ మైదానానికి కొంతకాలంగా దూరంగా ఉన్నా, భారత స్టార్ బ్యాట్స్మెన్ శ్రేయస్ అయ్యర్ మాత్రం బయట ఫుల్ హంగామా చేస్తూ వార్తల్లో నిలుస్తున్నాడు. తాజాగా ఆయన హెలికాప్టర్ ఎంట్రీ ఇస్తూ ఒక కార్యక్రమానికి హాజరైన వీడియో సోషల్ మీడియాలో తెగ వైరల్ అవుతోంది. Shreyas Iyer
వైరల్ వీడియోలో స్టైలిష్ లుక్
ఈ వీడియోలో శ్రేయస్ అయ్యర్ న్యూవివా కాలేజ్ (విరార్ వెస్ట్, పాల్ఘర్ – మహారాష్ట్ర) వద్ద జరిగిన క్షితిజ్ ఉత్సవ్ – దహీ హండి ప్రీమియర్ లీగ్ కార్యక్రమానికి హెలికాప్టర్లో దిగి ఎంట్రీ ఇస్తున్నాడు. బ్లాక్ షర్ట్, వైట్ ప్యాంట్, మెడలో లావా చైన్, నుదుట ఎర్రటి బొట్టు – ఇవన్నీ కలిపి అతని లుక్ను టోటల్గా ఒక స్టార్ హీరోగా మార్చేశాయి. కొంతమంది నెటిజన్లు అయితే “సీఎం స్టైల్”, “ముంబై కింగ్” అంటూ కామెంట్లు చేస్తున్నారు.
ఫ్యాన్స్ హంగామా, సెల్ఫీలకు పోటీ
శ్రేయస్ కాలేజ్ గ్రౌండ్లో దిగిన క్షణం నుంచి అభిమానుల హంగామా మొదలైంది. సెల్ఫీలు, ఆటోగ్రాఫ్ల కోసం విద్యార్థులు, అభిమానులు ఎగబడ్డారు. శ్రేయస్ కూడా సంతోషంగా అందరితో ఫోటోలు దిగుతూ కనిపించాడు. అటెండ్ చేసిన ఈవెంట్లో ఆయన ప్రెజెన్స్కి భారీ చప్పట్లతో స్వాగతం లభించింది.
అయ్యర్ స్టైల్కి సోషల్ మీడియాలో ఫిదా
ఆయన వేసుకున్న బ్లాక్ షర్ట్కి ఓపెన్ కాలర్, మెడలో చైన్, బొట్టు – ఇవన్నీ సోషల్ మీడియాలో ప్రత్యేక చర్చకు దారితీశాయి. కొంతమంది “సర్పంచ్ సాబ్”, “కింగ్ ఆఫ్ స్టైల్”, “పొలిటికల్ లీడర్ లుక్” అంటూ కామెంట్లు పెడుతున్నారు. వైరల్ వీడియోల్లో ఆయన స్టెప్స్, హావభావాలు కూడా అభిమానులను ఆకట్టుకున్నాయి.
క్రికెట్ కెరీర్లో మళ్లీ రీ ఎంట్రీ
శ్రేయస్ అయ్యర్ గతంలో బీసీసీఐ సెంట్రల్ కాంట్రాక్ట్ నుంచి తొలగించబడ్డాడు. అయితే ఏప్రిల్ 2025లో తిరిగి కాంట్రాక్ట్కి వచ్చాడు. ఐపీఎల్ 2025లో పంజాబ్ కింగ్స్ కెప్టెన్గా జట్టును ఫైనల్ వరకు నడిపించాడు. అనంతరం ముంబై టీ20 లీగ్లో తన జట్టుతో విజయం సాధించాడు. ఇటీవల అయ్యర్ ఫామ్లో ఉండటంతో, అభిమానులు ఇప్పుడు ఒకే మాట చెబుతున్నారు – “వెళ్లిపోవడం తాత్కాలికం, రీ ఎంట్రీ గ్రాండ్గా ఉంటుంది!”
ఇవీ చదవండి: Shreyas Iyer : శ్రేయస్ అయ్యర్.. టీమిండియాకు నాయకత్వం వహిస్తాడా?
Ranji Trophy: రంజీలో ఉతికేసిన శ్రేయస్.. డబుల్ టన్తో సత్తా!