Vastu for Luck: అదృష్ట దేవత వరించాలంటే ఇలా చేయండి!

వాస్తు శాస్త్రం ప్రకారం (Vastu for Luck) ఇంట్లో కొన్ని వస్తువులు తెచ్చి పెట్టుకోవడం ద్వారా ఆ ఇంట్లో సుఖ సంతోషాలు, అష్ట ఐశ్వర్యాలు సిద్ధిస్తాయని వాస్తు పండితులు (Vastu for Luck) చెబుతున్నారు. సంపద కలగడంతో పాటు ఆరోగ్యం కూడా బాగుంటుందని సూచిస్తున్నారు. వాస్తు శాస్త్రం ప్రకారం ఇంట్లో పెట్టుకొనే ప్రతి వస్తువు నుంచి పాజిటివ్ లేదా నెగిటివ్ ఎనర్జీ ప్రసరిస్తుందని చెబుతున్నారు. ఈ నేపథ్యంలో ఇంట్లో పెట్టుకోవాల్సిన వస్తువుల గురించి ప్రత్యేకంగా చెబుతున్నారు.

వాస్తు శాస్త్రం ప్రకారం గుర్రం విగ్రహాన్ని పెట్టుకోవడం వల్ల విజయం, బలం (Vastu for Luck) చేకూరతాయట. ఉత్తర దిశలో ఈ విగ్రహాన్ని ఉంచితే ప్రతి రంగంలోనూ సక్సెస్ అవుతారట. వ్యాపారంలో అభ్యున్నతి కలుగుతుందని చెబుతున్నారు. జంట హంసలు ఉంచడం వల్ల కూడా కుటుంబంలో శ్రేయస్సు లభిస్తుందని స్పష్టం చేస్తున్నారు. వీటిని నైరుతి దిశలో ఉండేలా చూసుకోవాలి. కుటుంబంలో ప్రశాంత వాతావరణం చేకూరుతుంది.

ఇంట్లో ఏనుగు విగ్రహం పెట్టుకోవాలట. వాస్తు శాస్త్రం ప్రకారం ఇత్తడి లేదా వెండి విగ్రహాన్ని ఉంచడం ద్వారా శుభాలు కలుగుతాయని చెబుతున్నారు. ఏనుగు సంపదకు చిహ్నంగా చెబుతున్నారు. దీని వల్ల పాజిటివ్ ఎనర్జీ ప్రవేశిస్తుందట. దాంతో పాటు డబ్బు సంపాదించడానికి కొత్త మార్గాలు అన్వేషిస్తుంటే అవి సఫలీకృతం అవుతాయని చెబుతున్నారు. వైవాహిక జీవితం సానుకూలంగా, సాఫీగా సాగిపోవాలంటే ఇంట్లోని పడకగదిలో ఏనుగు విగ్రహం ఉంచుకోవాలని సూచిస్తున్నారు.

మరోవైపు ఆవు, దూడ విగ్రహాలు ఉంచడం కూడా మంచి ఫలితాలను ఇస్తుందని చెబుతున్నారు. ఇవి ఇత్తడితో చేసినవి అయితే మరింత మంచి ఫలితాలు వస్తాయట. పిల్లలుచదువులో రాణించేలా పాజిటివ్ ఎనర్జీ లభిస్తుందని వాస్తు పండితులు సూచిస్తున్నారు. దీంతో పాటు తాబేలు విగ్రహాన్ని ఉంచడం ద్వావరా ఆయుష్షు పెరుగుతుందని నమ్ముతారు. తాబేలు విగ్రహాన్ని ఇంటికి తూర్పు లేదా ఉత్తర దిశలో పెట్టుకోవడం ఉత్తమం.

Vastu Tips: అదృష్టం కోసం బెస్ట్‌ 5 వాస్తు టిప్స్ ఇవే

కుటుంబం ఆనందంగా గడపడానికి, అభివృద్ధిలోకి రావడానికి, ఆర్థికాభివృద్ధికి, సిరిసంపదలకు, ఆరోగ్యానికి సంబంధించి కూడా వాస్తు శాస్త్రంలో అనేక మార్గాలు సూచించారు నిపుణులు. వీటిని పాటించడం ద్వారా ఇంటిల్లిపాది సంతోషంగా బతకవచ్చు. ప్రతి సమస్యకూ వాస్తు శాస్త్రంలో రెమెడీ సూచించారు. నెగిటివ్ ఎనర్జీని దూరం చేసుకోవాలంటే ఏం చేయాలో సూచించారు.

వారానికోసారి ఇంట్లో కర్పూరంతో హారతి ఇవ్వాలి. ఇలా చేయడంతో ఇంట్లోని నెగిటివ్ ఎనర్జీ దూరమవుతుంది. ఆవ నూనెతో దీపం పెట్టుకోవాలి. దీంతో పాటు లవంగాలను వేసి ఇంట్లో ఉంచాలి. దీంతో ఇంట్లోని వారు అనారోగ్యం బారిన పడకుండా ఉంటారు. ప్రతి గురువారం తులసి చెట్టుకు నీరు పోసి పూజ చేయాలి. పాలను కూడా సమర్పించాలి. ఇలా చేస్తే ఏవైనా అవాంతరాలు ఎదురవుతుంటే తొలగిపోతాయి.

వాస్తు నిపుణుల సూచనల మేరకు ఇంటికి ఆగ్నేయ మూలలో ఆకుపచ్చని మొక్కలు పెట్టుకోవాలి. మీ ఇంట్లో గుండ్రటి ఆకారంలో ఉండే కుర్చీలు ఉంటే వెంటనే వాటిని దూరం చేసుకోండి. వాటిని వాడితే ఇంట్లో కలతలు వస్తాయని సూచిస్తున్నారు. చేస్తున్న వృత్తి, వ్యాపారంలో అభివృద్ధి సాధించాలంటే ఈ పని వెంటనే చేయండి. ఈ పని చేయడం వల్ల మీకు అదృష్టం కూడా వరిస్తుంది.

ఇంట్లో రొట్టెలు కాల్చుతుంటే ముందుగా పెనంపై పాలు చల్లుకోవాలి. ఇలా చేయడం ద్వారా శుభం కలుగుతుంది. శరీరం ఆరోగ్యంగా ఉంటుంది. మీకు గురువుల చిత్ర పటాలు ఉన్నట్లయితే వాటిని లివింగ్ రూమ్ లేదా డ్రాయింగ్ గదిలో పెట్టుకోండి. వారి ఆశీర్వాదాలు ఎప్పుడూ మీపై ఉండాలంటే ఇలా చేయాలని వాస్తు నిపుణులు సూచిస్తున్నారు. దీంతో పాటు ఇంట్లో విరిగిపోయిన కుర్చీలు, చెత్త, అవసరం లేని వస్తువులు పెట్టుకోరాదని చెబుతున్నారు. దీని వల్ల నెగిటివ్ ఎనర్జీ బిల్డ్ అవుతుందట. బెడ్ రూమ్ లో ఒకే మంచం ఉండేలా చూసుకోవాలి.

Read Also : Vastu Shastra: స్థలానికి కూడా వాస్తు చూడాలా? నిపుణులు ఏమంటున్నారంటే..