Prabhas: భారతదేశంలోనే మోస్ట్ ఎలిజిబుల్ బ్యాచ్‌లర్‌గా పేరు తెచ్చుకున్న Prabhas మరోసారి వార్తల్లో నిలిచాడు. తన కెరీర్‌పై పూర్తి దృష్టి పెట్టి వరుస సినిమాలతో బిజీగా ఉన్న ప్రభాస్, ఇప్పటివరకు పెళ్లి విషయాన్ని పక్కన పెట్టేశాడన్న అభిప్రాయం అభిమానుల్లో ఉంది. 46 ఏళ్ల వయసుకు చేరుకున్నా కూడా ఆయన వ్యక్తిగత జీవితం గురించి పెద్దగా మాట్లాడడు. ప్రేమ, పెళ్లి వంటి ప్రశ్నలు ఎదురైతే నవ్వుతూ దాటవేయడం ఆయనకు అలవాటు.
అయితే తాజాగా జరిగిన ఒక స్పెషల్ ఇంటర్వ్యూలో ప్రభాస్ చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్‌గా మారాయి.
యువీ క్రియేషన్స్ ఆధ్వర్యంలో స్పెషల్ ఇంటర్వ్యూ
టాలీవుడ్‌లో ఇటీవల విడుదలై పాజిటివ్ టాక్‌తో ముందుకు సాగుతున్న Couple Friendly చిత్రానికి సంబంధించిన ప్రమోషన్స్‌లో భాగంగా, చిత్ర నిర్మాణ సంస్థ అయిన UV Creations ప్రభాస్‌తో ప్రత్యేక ఇంటర్వ్యూ ఏర్పాటు చేసింది. ఈ సినిమాలో Santosh Shobhan, Manasa Varanasi జంటగా నటించారు. మూవీకి వస్తున్న మంచి స్పందనతో టీమ్ ఉత్సాహంగా ఉంది.
“నాకు ప్రేమలో పడాలని ఉంది”
ఈ ఇంటర్వ్యూలో మానస వరణాసి ప్రభాస్‌ను ప్రేమ గురించి ప్రశ్నించింది. దానికి స్పందించిన ప్రభాస్ మొదట నవ్వుతూ “ఇది నీ పర్సనల్ క్వశ్చన్ కదా” అని సరదాగా చెప్పాడు. ఆ తర్వాత మాత్రం సీరియస్‌గా “నాకు ప్రేమించాలనుంది, ప్రేమలో పడాలని ఉంది” అంటూ తన మనసులో మాటను బయటపెట్టాడు.
ఈ ఒక్క వాక్యం అభిమానుల్లో భారీ చర్చకు దారితీసింది. సాధారణంగా వ్యక్తిగత విషయాలపై మాట్లాడటానికి ఇష్టపడని ప్రభాస్ నుంచి ఇలా రావడం ప్రత్యేకంగా మారింది.
అభిమానుల్లో ఆనందం
ప్రభాస్ ప్రేమలో పడితే చూడాలని, త్వరలోనే ఆయన లైఫ్‌లో ఒక ప్రత్యేక వ్యక్తి ఎంట్రీ ఇవ్వాలని అభిమానులు ఆశపడుతున్నారు. ఇప్పటికే సోషల్ మీడియాలో ఈ కామెంట్స్ వైరల్‌గా మారాయి. ప్రభాస్ లవ్ లైఫ్‌పై మరిన్ని అప్డేట్స్ రావాలని ఫ్యాన్స్ ఆసక్తిగా ఎదురుచూస్తున్నారు.
ఇవీ చదవండి: Prabhas : ప్రభాస్ ‘రాజా సాబ్’ ఓటీటీ డీల్ ఫిక్స్? భారీ ధరకు డిజిటల్ హక్కులు అమ్ముడైనట్టు ప్రచారం
Prabhas : పాన్ ఇండియా నెంబర్ 1 హీరోగా మరోసారి ప్రూఫ్… ప్రభాస్ క్రియేట్ చేసిన రేర్ రికార్డు!
