Bigg Boss Telugu 10: బిగ్ బాస్ తెలుగు సీజన్ 10 మొదలైన కొద్దిరోజుల్లోనే ఆట రసవత్తరంగా మారిపోయింది. నాగార్జున హోస్ట్గా ప్రారంభమైన ఈ సీజన్లో మొదటి నుంచే టాస్కులు, నామినేషన్లు, ఎలిమినేషన్లతో హౌస్లో హీట్ పెరిగిపోయింది. ఈసారి మొత్తం 16 మంది కంటెస్టెంట్లు బిగ్ బాస్ ఇంట్లోకి అడుగుపెట్టారు. ఇందులో 10 మంది సెలబ్రిటీలు కాగా, ఆరుగురు అగ్నిపరీక్ష ద్వారా ఎంపికైన కామనర్స్. తొలి వారంలోనే మిడ్వీక్ ఎలిమినేషన్ రావడంతో ప్రేక్షకులకు ఊహించని ట్విస్ట్ ఎదురైంది. చరణ్, చైత్రల ఎలిమినేషన్ చుట్టూ కూడా ఆసక్తికరమైన చర్చ జరిగింది. దీంతో ఈ సీజన్లో బిగ్ బాస్ ఎలాంటి ట్విస్టులు ఇవ్వబోతున్నాడన్న ఆసక్తి మొదలైంది.
వైల్డ్ కార్డులపై పెరిగిన ఆసక్తి
మిడ్వీక్ ఎలిమినేషన్లతో హౌస్లో మార్పులు రావడంతో వైల్డ్ కార్డు ఎంట్రీలపై సోషల్ మీడియాలో చర్చ మొదలైంది. పలువురు పేర్లు ఇప్పటికే నెట్టింట వైరల్ అవుతున్నాయి. ఈ క్రమంలో టాలీవుడ్ నటి సురేఖా వాణి కుమార్తె సుప్రీత నాయుడు పేరు కూడా బలంగా వినిపించింది. సోషల్ మీడియాలో సుప్రీత బిగ్ బాస్ తెలుగు 10లో వైల్డ్ కార్డు ద్వారా అడుగుపెట్టబోతున్నారనే ప్రచారం జరిగింది. ఆమెకు బిగ్ బాస్ టీమ్ నుంచి గతంలోనే సంప్రదింపులు జరిగాయనే చర్చ కూడా సాగింది. అయితే ఈ ప్రచారానికి సుప్రీత స్వయంగా స్పందించడంతో కథ మరో మలుపు తిరిగింది.
సుప్రీత ఏం చెప్పారంటే
బిగ్ బాస్లోకి వెళ్లే అంశంపై సుప్రీత స్పష్టత ఇచ్చారు. సీజన్ ప్రారంభానికి ముందే తనను షోలోకి రావాలని సంప్రదించినట్టు ఆమె వెల్లడించారు. అయితే బిగ్ బాస్ హౌస్లోకి వెళ్లిన తర్వాత తన భావోద్వేగాలను తాను ఎలా హ్యాండిల్ చేస్తాననే విషయంలో తన తల్లి సురేఖా వాణికి ఆందోళన ఉందని చెప్పారు. తన తల్లికి ఇష్టం లేని కారణంగా ప్రస్తుతం బిగ్ బాస్లోకి వెళ్లే ఆలోచన లేదని సుప్రీత వెల్లడించారు. దీంతో వైల్డ్ కార్డు ఎంట్రీగా ఆమె హౌస్లోకి రాబోతున్నారనే ప్రచారానికి బ్రేక్ పడింది.
బిగ్ బాస్కు సుప్రీత పెద్ద ఫ్యాన్
సుప్రీతకు బిగ్ బాస్ షో అంటే చాలా ఇష్టమని కూడా ఆమె చెప్పడం ఆసక్తికరంగా మారింది. సీజన్ 10 లాంచ్ సమయంలో కూడా తనకు షోపై ఎంత ఆసక్తి ఉందో ఆమె చెప్పుకొచ్చారు. బిగ్ బాస్ షోను తాను చాలా ఇష్టంగా చూస్తానని, ప్రస్తుతం జరుగుతున్న సీజన్పై కూడా ఫోకస్ పెట్టినట్టు తెలిపారు. అయితే షోను ఇష్టపడటం వేరు.. కంటెస్టెంట్గా హౌస్లోకి వెళ్లడం వేరు. ప్రస్తుతం సినిమాలు, ఇతర ప్రాజెక్టులతో బిజీగా ఉన్న సుప్రీత బిగ్ బాస్ ఎంట్రీకి దూరంగా ఉండాలని నిర్ణయించుకున్నట్లు తెలుస్తోంది.
సినిమాలతో బిజీగా సుప్రీత
సురేఖా వాణి కుమార్తెగా సుప్రీతకు సోషల్ మీడియాలో ఇప్పటికే మంచి గుర్తింపు ఉంది. తల్లి మాదిరిగానే వినోద రంగంలో తనకంటూ ఓ గుర్తింపు తెచ్చుకునే ప్రయత్నం చేస్తున్నారు. సోషల్ మీడియాలో యాక్టివ్గా ఉండే సుప్రీతకు యువతలో ప్రత్యేకమైన ఫాలోయింగ్ ఉంది. సినిమాల్లోనూ ఆమె తన అదృష్టాన్ని పరీక్షించుకుంటున్నారు. మరోవైపు టెలివిజన్, ఓటీటీ ప్రాజెక్టుల్లోనూ కనిపిస్తున్నారు. ప్రస్తుతం ఆహాలో స్ట్రీమింగ్ అవుతున్న చెఫ్ మంత్ర ప్రాజెక్ట్ కే సీజన్ 6లో సుప్రీత పాల్గొంటున్నారు. గతంలోనూ ఇదే షోలో ఆమె కనిపించారు.
హౌస్లోకి ఎవరొస్తారు?
సుప్రీత ఎంట్రీకి ప్రస్తుతానికి బ్రేక్ పడినప్పటికీ వైల్డ్ కార్డు చర్చ మాత్రం ఆగడం లేదు. సీజన్ ప్రారంభమైన కొద్ది రోజులకే పలువురు పేర్లు సోషల్ మీడియాలో చక్కర్లు కొడుతున్నాయి. ముఖ్యంగా అగ్నిపరీక్ష ద్వారా వచ్చిన కొంతమంది కంటెస్టెంట్లతో పాటు టీవీ, సినిమా రంగానికి చెందిన మరికొందరిని తర్వాతి దశలో హౌస్లోకి తీసుకొచ్చే అవకాశం ఉందనే చర్చ సాగుతోంది. అయితే బిగ్ బాస్లో వైల్డ్ కార్డు ఎంట్రీ ఎప్పుడు ఉంటుంది? ఎంతమంది వస్తారు? ఎవరెవరు హౌస్లోకి అడుగుపెడతారు? అనే విషయాలు షోలో అధికారికంగా వెల్లడయ్యే వరకు ఆసక్తికరంగానే ఉండనున్నాయి.
ప్రస్తుతం మాత్రం సుప్రీత బిగ్ బాస్ హౌస్లోకి వస్తారనే ప్రచారానికి ఆమె ఇచ్చిన సమాధానమే హాట్ టాపిక్గా మారింది. బిగ్ బాస్కు తాను పెద్ద అభిమానినేనని చెబుతూనే, కంటెస్టెంట్గా వెళ్లేందుకు మాత్రం తల్లి నిర్ణయాన్ని గౌరవిస్తున్నానని సుప్రీత స్పష్టం చేయడంతో ఈ వైల్డ్ కార్డు రూమర్లకు ఆసక్తికరమైన ట్విస్ట్ వచ్చినట్టైంది.
Read also: Supritha: బిగ్ బాస్పై సుప్రీత ఇంట్రెస్టింగ్ కామెంట్స్.. ఆఫర్లు వచ్చినా ఎందుకు నో చెప్పింది?
Supritha: ఆ పరిణామాలతో కుంగిపోయా.. ఆస్పత్రి వెళ్లే వరకు కష్టాలు.. ఇప్పుడు కంబ్యాక్!
Actress Supritha : మనసులో మాట బయటపెట్టిన సుప్రీత.. అతడంటే పిచ్చి ఇష్టమని కామెంట్స్
