BCCI: గౌతమ్ గంభీర్‌ను భారత జట్టు ప్రధాన కోచ్‌గా నియమించిన మూడు నెలలకే శ్రీలంక, న్యూజిలాండ్‌లపై సిరీస్ లలో భారీ పరాజయాలు తీవ్ర ఒత్తిడికి గురి చేశాయనడంలో సందేహం లేదు. అభిమానుల భారీ అంచనాల నడుమ కోచ్ పదవిలో కూర్చున్న గంభీర్ కు ఇది ముళ్ల కిరీటం లా అనిపిస్తోందన్న విశ్లేషణలు వస్తున్నాయి. (BCCI)
ఆస్ట్రేలియా పర్యటన కోసం సెలక్షన్ కమిటీ సమావేశంలో కీలక సభ్యుడిగా మారిన గంభీర్.. ఇటీవలి వరుస పరాజయాలు, కీలక ఘట్టాలు అతని ప్రయాణాన్ని సందిగ్ధంలో పడేస్తున్నాయి. అండర్‌లో చెప్పుకోదగ్గ టర్న్‌అరౌండ్ ఉంటే తప్ప, సెలక్షన్ విషయాలలో స్వేచ్ఛనిచ్చిన గంభీర్‌కు రాబోయే కాలంలో జట్టుకు సంబంధించిన సమస్యలపై అంతగా మాట్లాడే అవకాశం లభించకపోవచ్చని క్రికెట్ పండితులు చెబుతున్నారు.
గంభీర్ పగ్గాలు చేపట్టిన వెంటనే, టీమిండియా 27 ఏళ్లలో మొదటిసారిగా శ్రీలంకతో వన్డే సిరీస్‌ను కోల్పోయింది. ఆపై న్యూజిలాండ్ తో ఆదివారం స్వదేశంలో జరిగిన టెస్టులో 3-0 వైట్‌వాష్‌ను పూర్తి చేసింది. సుదీర్ఘ టెస్టు క్రికెట్ లో ఇది జట్టు ఎప్పుడూ ఊహించని పరిణామం.
అయితే కోచ్ మాత్రం ఏం చేయగలడన్న ప్రశ్న కూడా లేకపోలేదు. క్వాలిటీ స్పిన్‌కు వ్యతిరేకంగా గత ఏడు సంవత్సరాల్లో టాప్ ఆర్డర్ విఫలమవుతోందని తెలిసిన విషయమే. ముంబై టెస్టులో మాత్రం కివీస్ స్ట్రాటజీ తెలిసి కూడా టీమిండియా అలర్ట్ కాలేదన్న ఆరోపణలు వెల్లువెత్తుతున్నాయి.
ముంబైలో న్యూజిలాండ్‌తో జరిగిన మూడో టెస్టు రెండో రోజు సాయంత్రం పేసర్ మహ్మద్ సిరాజ్‌కు రెస్ట్ ఇవ్వడం, మొదటి ఇన్నింగ్స్‌లో సర్ఫరాజ్ ఖాన్ నెం.8గా ఉండటంపై అందరూ ప్రశ్నలు గుప్పిస్తున్నారు. వ్యూహాత్మక ఎత్తుగడలు వేయడంలో కోచ్ ఫెయిల్ అయ్యారన్న అపవాదు వస్తోంది.
“గౌతమ్ గంభీర్‌కు అతని సీనియర్లు రవిశాస్త్రి, రాహుల్ ద్రవిడ్ కు లేని యాక్సెస్ ఇచ్చారు. బీసీసీఐ రూల్ బుక్ సెలక్షన్ కమిటీ సమావేశాలలో కోచ్‌లను భాగం చేయడానికి అనుమతించదు. కానీ ఆస్ట్రేలియా టూర్ ఎంపిక సమావేశానికి మినహాయింపు ఇచ్చారు. పర్యటన పరిమాణాన్ని పరిగణనలోకి తీసుకుని ప్రధాన కోచ్ హాజరు కావడానికి అనుమతించారు” అని బీసీసీఐ సీనియర్ అధికారులు చెబుతున్నారు.
కనీసం ఇద్దరు ఆటగాళ్లు ఢిల్లీ, KKR స్పీడ్‌స్టర్ హర్షిత్ రాణా, SRH ఆల్ రౌండర్ నితీష్ రెడ్డి.. ప్రధాన కోచ్ పట్టుదలతో బోర్డర్-గవాస్కర్ ట్రోఫీ (BGT) జట్టులో చేరినట్లయింది.
అయితే, శ్రీలంకలో లేదా బంగ్లాదేశ్‌తో స్వదేశంలో జరిగిన సిరీస్‌లో రానాకు వైట్-బాల్ గేమ్ ఆడే చాన్స్ ఇవ్వలేదు. అతను అస్వస్థతకు గురైనందున చివరి మ్యాచ్‌కు ముందు రిలీజ్ అయ్యాడని, అయితే వారంలోపే, అతను బెంగళూరులోని ఇండియా నెట్స్‌లో బౌలింగ్ చేస్తున్నాడని రిపోర్టులు చెబుతున్నాయి. ఆపై, అతను అస్సాంపై రంజీ ట్రోఫీలో ఆడి రాణించాడు.
రంజీ ట్రోఫీలో పాల్గొనడం కంటే రాణాను ఇండియా-ఎ జట్టుతో కలిసి ఆస్ట్రేలియాకు పంపించి ఉండవచ్చు. ఎందుకంటే బౌన్సీ ట్రాక్‌లపై ఒకటి లేదా రెండు ఫస్ట్-క్లాస్ గేమ్‌లు ఆడితే అతనికి టెస్ట్ సిరీస్‌కు ముందు సరైన లెంగ్త్ కొట్టే అవకాశం ఉండేది. బదులుగా, అతను టెస్ట్ సిరీస్‌కి నెట్ బౌలర్‌గా మారాడు.
నితీష్ రెడ్డి విషయానికి వస్తే, అతను ‘ఎ’ గేమ్‌లో షార్ట్ బాల్‌ను ఎదుర్కొంటూ చిక్కుల్లో పడ్డాడు. ప్రధాన ఐదుగురు బౌలర్లలో కచ్చితంగా సరిపోని అతని బౌలింగ్ కూడా ఆందోళనకు దారితీసింది. రెడ్డి T20 నైపుణ్యాలతో ఆకర్షితుడైన గంభీర్, సీమ్ బౌలింగ్ ఆల్-రౌండర్‌గా హార్దిక్ పాండ్యా ప్లేస్ ను భర్తీ చేయగలడని నమ్మాడు.
ఆస్ట్రేలియా సిరీస్ గంభీర్‌కు యాసిడ్ పరీక్ష లా మారుతుందనడంలో సందేహం లేదు. బోర్డు అతని కదలికలను పరిశీలిస్తున్నట్లు స్పష్టంగా తెలుస్తుంది. ఎలాంటి నిర్ణయాలు తీసుకుంటారు, ఎలా ప్రభావితం చేస్తాడన్నది బోర్డు పరిశీలించి ఈసారి సీరియస్ యాక్షన్ తీసుకునే చాన్సే ఉందని నివేదికలు స్పష్టీకరిస్తున్నాయి.
ఇవీ చదవండి: Indian Premier League: ఐపీఎల్ 2025 రిటెన్షన్ ఫైనల్ లిస్టు ఇదే
Ind vs NZ Test: 1934 తర్వాత తొలిసారి.. కివీస్ చేతిలో 3-0తో భారత్ ఓటమి!
IND vs NZ: 12 ఏళ్ల తర్వాత సొంత గడ్డపై ఓటమి.. రెండో టెస్టు విశేషాలు
IND vs NZ: టీమిండియాకు ఏమైంది? మరీ 46 పరుగులకే ఆలౌటా?
