Michael Jackson: సినిమా విడుదలకు ముందు నెగిటివ్ టాక్ వస్తే సాధారణంగా ప్రేక్షకులు థియేటర్లకు వెళ్లడానికి పెద్దగా ఆసక్తి చూపరు. కానీ పాప్ సంగీత ప్రపంచాన్ని శాసించిన దిగ్గజం Michael Jackson జీవితాన్ని ఆధారంగా తీసుకుని తెరకెక్కిన Michael విషయంలో మాత్రం పూర్తిగా రివర్స్ సిట్యుయేషన్ కనిపిస్తోంది.
విమర్శలు వచ్చినా కూడా ఈ సినిమా బాక్సాఫీస్ వద్ద సంచలన కలెక్షన్స్ సాధించడం ట్రేడ్ వర్గాలను ఆశ్చర్యానికి గురిచేస్తోంది. ప్రపంచవ్యాప్తంగా ఉన్న మైఖేల్ జాక్సన్ అభిమానులు ఈ సినిమాకు భారీ స్థాయిలో స్పందిస్తున్నారు.
జాఫర్ జాక్సన్ అద్భుత నటన
ఈ బయోపిక్లో మైఖేల్ జాక్సన్ పాత్రలో ఆయన మేనల్లుడు Jaafar Jackson నటించాడు. డ్యాన్స్ స్టెప్స్ నుంచి బాడీ లాంగ్వేజ్, స్టేజ్ ప్రెజెన్స్ వరకు మైఖేల్ జాక్సన్ స్టైల్ను అచ్చం అలాగే తెరపై చూపించే ప్రయత్నం చేశాడు. జాఫర్ జాక్సన్ నటన చూసిన ప్రేక్షకులు, అభిమానులు ఆయన నిజంగానే మైఖేల్ జాక్సన్ను గుర్తు చేస్తున్నారని సోషల్ మీడియాలో కామెంట్స్ చేస్తున్నారు.
తొలి వీకెండ్లో భారీ వసూళ్లు
ఏప్రిల్ 24న ప్రపంచవ్యాప్తంగా విడుదలైన ఈ సినిమా మొదటి మూడు రోజుల్లోనే సుమారు $217.4 మిలియన్లు (సుమారు రూ.2049 కోట్లు) వసూలు చేసినట్లు ట్రేడ్ వర్గాలు చెబుతున్నాయి. ఈ కలెక్షన్స్తో బయోపిక్ సినిమాల బాక్సాఫీస్ రికార్డుల్లో ఇది కొత్త మైలురాయిగా మారింది. ఇదివరకు అత్యధిక వసూళ్లు సాధించిన బయోపిక్గా Oppenheimer నిలిచింది. ఆ సినిమా తొలి వీకెండ్లో సుమారు $180.4 మిలియన్లు వసూలు చేసింది. ఇప్పుడు ‘మైఖేల్’ ఆ రికార్డును అధిగమించినట్టు ట్రేడ్ విశ్లేషకులు చెబుతున్నారు.
నెగిటివ్ టాక్ ఉన్నా కలెక్షన్స్ ఎందుకు పెరిగాయి?
సినిమా రిలీజ్కు ముందు ప్రీమియర్స్ చూసిన కొంతమంది ప్రేక్షకులు ఈ బయోపిక్ అంతగా మెప్పించలేదని అభిప్రాయపడ్డారు. ముఖ్యంగా కథనం కొంచెం నెమ్మదిగా ఉందని విమర్శలు వచ్చాయి. అయితే ప్రపంచవ్యాప్తంగా ఉన్న మైఖేల్ జాక్సన్ అభిమానులు మాత్రం తమ అభిమాన గాయకుడి జీవితాన్ని మరోసారి బిగ్ స్క్రీన్పై చూడాలని థియేటర్లకు పెద్ద సంఖ్యలో వెళ్లారు. ఇదే సినిమా కలెక్షన్స్ పెరగడానికి ప్రధాన కారణంగా ట్రేడ్ వర్గాలు చెబుతున్నాయి.
వివాదాలను పక్కన పెట్టిన కథ
ఈ బయోపిక్లో మైఖేల్ జాక్సన్ జీవితంలోని పాజిటివ్ కోణాలపై ఎక్కువగా దృష్టి పెట్టారు. ఆయన సంగీత ప్రయాణం, స్టేజ్ ప్రదర్శనలు, ప్రపంచవ్యాప్తంగా సాధించిన విజయాలను ప్రధానంగా చూపించారు. అయితే గతంలో ఆయనపై వచ్చిన వివాదాలను సినిమాలో పెద్దగా ప్రస్తావించలేదు. దీంతో కథ కొంతవరకు సేఫ్ జోన్లో నడిపించారని సినీ విమర్శకులు చెబుతున్నారు.
సీక్వెల్కు సూచనలు
సినిమా చివర్లో కథను పూర్తిగా ముగించకుండా రెండో భాగానికి అవకాశం ఉంచినట్టు తెలుస్తోంది. దీంతో ‘మైఖేల్’ బయోపిక్కు సీక్వెల్ వచ్చే అవకాశం ఉందనే టాక్ వినిపిస్తోంది. ప్రపంచవ్యాప్తంగా అభిమానులు ఉన్న మైఖేల్ జాక్సన్ జీవితంలో ఇంకా చెప్పాల్సిన ఎన్నో కథలు ఉండటంతో రెండో భాగం కూడా తెరకెక్కే అవకాశాలు ఉన్నాయని సినీ వర్గాలు భావిస్తున్నాయి.
ఇవీ చదవండి: IBOMMA : ఐబొమ్మ పడిపోగా… కొత్త బొమ్మ వచ్చేసింది! పైరసీకి కొత్త టెక్ ట్రిక్తో రీ-ఎంట్రీ
Jetty Movie: కమెడియన్ సత్య హీరోగా ‘జెట్లీ’.. ట్రైలర్తో ఫుల్ కామెడీ గ్యారంటీ!
Dhurandhar 2: The Revenge: బాక్సాఫీస్ వద్ద దూసుకెళ్తున్న ‘దురంధర్ 2’.. పుష్ప-2 రికార్డును దాటేసిన రణ్వీర్ సింగ్ మూవీ