Ragi Milk: వేసవి కాలంలో శరీరం త్వరగా అలసిపోతుంది. అధిక ఉష్ణోగ్రతల కారణంగా డీహైడ్రేషన్ సమస్యలు కూడా వస్తుంటాయి. అలాంటి సమయంలో శరీరాన్ని చల్లగా ఉంచి పోషకాలు అందించే సహజ పానీయాలు తీసుకోవడం చాలా అవసరం. అలాంటి హెల్తీ డ్రింక్స్లో రాగి పాలు (Ragi Milk) ఒకటి. రాగిలో కాల్షియం, ఐరన్, ఫైబర్, ప్రోటీన్లు సమృద్ధిగా ఉండటంతో ఇది ఆరోగ్యానికి ఎంతో మేలు చేస్తుంది.
ఇంట్లో చాలా ఈజీగా తయారు చేసుకునే ఈ రాగి పాలు వేసవిలో తాగితే శరీరం హైడ్రేటెడ్గా ఉండటమే కాకుండా ఎనర్జీ కూడా ఇస్తాయి.
రాగి పాలు తాగితే కలిగే ప్రయోజనాలు
1. శరీరాన్ని చల్లగా ఉంచుతుంది
రాగి పాలు సహజంగా శరీరాన్ని కూల్గా ఉంచుతాయి. వేసవిలో వేడి ప్రభావం తగ్గించడంలో ఇవి సహాయపడతాయి.
2. ఎముకలకు బలం
రాగిలో కాల్షియం ఎక్కువగా ఉండటం వల్ల ఎముకలు బలంగా ఉంటాయి. పిల్లలు, పెద్దలు అందరూ తాగితే మంచిది.
3. ఎనర్జీ పెరుగుతుంది
రాగి పాలు తాగితే శరీరానికి తక్షణ శక్తి లభిస్తుంది. అలసట తగ్గుతుంది.
4. జీర్ణక్రియ మెరుగవుతుంది
రాగిలో ఫైబర్ ఎక్కువగా ఉండటం వల్ల జీర్ణక్రియ సరిగా జరుగుతుంది.
5. బరువు నియంత్రణ
రాగి పాలు ఎక్కువసేపు ఆకలి రాకుండా చేస్తాయి. అందువల్ల బరువు తగ్గాలనుకునేవారికి కూడా ఇవి ఉపయోగపడతాయి.
రాగి పాలు తయారీకి కావలసిన పదార్థాలు
ఒక కప్పు రాగి గింజలు
ఒక కప్పు బాదం
కొబ్బరి తురుము
ఒక టేబుల్ స్పూన్ నూనె
ఒక టేబుల్ స్పూన్ బెల్లం
అర టేబుల్ స్పూన్ యాలకుల పొడి
మూడు టేబుల్ స్పూన్స్ సబ్జా గింజలు
తగినంత నీరు
రాగి పాలు తయారు చేసే విధానం
ముందుగా ఒక కప్పు రాగి గింజలను తీసుకుని రెండు సార్లు నీటితో బాగా కడగాలి.
తర్వాత నీరు పూర్తిగా తొలగించి గింజలను ఒక పలుచటి గుడ్డపై ఆరబెట్టాలి.
ఆరిపోయిన తర్వాత మీడియం మంటపై రాగి గింజలను వేయించాలి.
వేయించిన రాగి గింజలను చల్లార్చాలి.
ఇప్పుడు మిక్సీలో రాగి గింజలు, బాదం, కొబ్బరి తురుము, బెల్లం, యాలకుల పొడి, నీరు వేసి బాగా గ్రైండ్ చేయాలి.
ఆ మిశ్రమాన్ని ఒక పలుచటి క్లాత్ లేదా టీ గరిటెతో వడకట్టాలి.
అవసరమైతే మళ్లీ కొద్దిగా నీరు వేసి గ్రైండ్ చేసి పాలు లాగా తీసుకోవచ్చు.
చివరగా సబ్జా గింజలు, ఐస్ క్యూబ్స్ వేసి చల్లగా తాగితే రుచిగా ఉంటుంది.
తాగేటప్పుడు పాటించాల్సిన సూచనలు
ఉదయం ఖాళీ కడుపుతో తాగితే ఆరోగ్యానికి ఇంకా మంచిది
చల్లగా తాగితే వేసవిలో మంచి రిఫ్రెష్ ఇస్తుంది
పిల్లలకు కూడా ఇది మంచి పోషక పానీయం
రాగి పాలు సహజమైన హెల్తీ డ్రింక్. వేసవిలో శరీరాన్ని చల్లగా ఉంచడమే కాకుండా అవసరమైన పోషకాలు అందిస్తాయి. ఇంట్లో సులభంగా తయారు చేసుకునే ఈ పానీయం ఆరోగ్యానికి చాలా మంచిది. కాబట్టి వేసవి కాలంలో రోజూ ఒక గ్లాస్ రాగి పాలు తాగడం అలవాటు చేసుకుంటే శరీరం ఆరోగ్యంగా ఉంటుంది.
ఇవీ చదవండి: Curd Buttermilk: వేసవిలో పెరుగు తినాలా? మజ్జిగ తాగాలా? శరీరానికి నిజంగా ఏది ఎక్కువ చలవ చేస్తుంది?
Water and Milk : నీరు లేదా పాలు? మన బాడీని హైడ్రేట్ చేయడానికి ఏది బెటర్?
Ragi Java: రాగి జావ రోజూ ఉదయాన్నే తాగితే నమ్మలేని ప్రయోజనాలు
Ration Rice: రేషన్ బియ్యం తింటున్న వారికి అలర్ట్.. ఆ గింజలు ప్లాస్టిక్ అనుకుంటున్నారా? నిజం తెలిస్తే షాక్ అవుతారు