Shakira: సంగీత ప్రపంచాన్ని ఏలుతున్న ప్రముఖ పాప్ గాయని Shakira దాదాపు 19 సంవత్సరాల విరామం తర్వాత మళ్లీ భారత్కు రానుంది. ఈ వార్తతో దేశవ్యాప్తంగా ఆమె అభిమానులు ఆనందంలో మునిగిపోయారు. మత్తెక్కించే గాత్రం, ఎనర్జిటిక్ స్టేజ్ ప్రెజెన్స్తో ప్రపంచవ్యాప్తంగా కోట్లాది మంది ఫ్యాన్స్ను సంపాదించుకున్న షకీరా, ప్రస్తుతం తన కొత్త ఆల్బమ్ ఆధారంగా జరుగుతున్న “Las Mujeres Ya No Lloran World Tour”తో సంచలనం సృష్టిస్తోంది.
2007లో ముంబైలో తొలి ప్రదర్శన
షకీరా భారత్లో తొలిసారి 2007లో ముంబైలో ఒక అద్భుతమైన కచేరీ ఇచ్చింది. అదే ఆమెకు భారతదేశంలో తొలి లైవ్ ప్రదర్శన కావడం విశేషం. అప్పట్లో ఆమె చేసిన షోకు ప్రేక్షకుల నుంచి భారీ స్పందన లభించింది. ఇప్పుడు మరోసారి భారత్కి రానుండడంతో ఫ్యాన్స్ నాస్టాల్జిక్ ఫీలవుతున్నారు.
ముంబై & ఢిల్లీ వేదికగా షకీరా షోలు
షకీరా ఈసారి రెండు ప్రధాన నగరాల్లో సంగీత కచేరీలు నిర్వహించనుంది.
ఏప్రిల్ 10న ముంబైలోని Mahalaxmi Racecourse లో కచేరీ
ఏప్రిల్ 15న ఢిల్లీలోని Jawaharlal Nehru Stadium వేదికగా షో
ఈ కచేరీలకు సంబంధించిన టికెట్లు డిస్ట్రిక్ యాప్లో అందుబాటులో ఉండనున్నాయి. ఇప్పటికే టికెట్ల కోసం అభిమానుల్లో భారీ ఆసక్తి నెలకొంది.
‘వాక్కా వాక్కా’ మ్యాజిక్
ఫుట్బాల్ వరల్డ్ కప్ ప్రారంభం అంటే చాలామందికి వెంటనే గుర్తొచ్చేది షకీరా పాడిన Waka Waka (This Time for Africa). 2010 వరల్డ్ కప్కు అధికారిక థీమ్ సాంగ్గా నిలిచిన ఈ పాట ఇప్పటికీ ఫుట్బాల్ మ్యాచ్లు జరిగిన ప్రతిసారీ వినిపిస్తూనే ఉంటుంది. ఈ సాంగ్తో షకీరా గ్లోబల్ ఐకాన్గా మరింత బలంగా నిలిచింది.
అభిమానుల్లో భారీ అంచనాలు
భారత్లో షకీరా మరోసారి స్టేజ్పై కనిపించనున్న వార్తతో సోషల్ మీడియాలో పోస్టులు వెల్లువెత్తుతున్నాయి. ఆమె హిట్స్తో పాటు కొత్త ఆల్బమ్ పాటలను లైవ్లో వినాలని అభిమానులు ఆసక్తిగా ఎదురుచూస్తున్నారు. ఈ కచేరీలు భారత్లో మ్యూజిక్ లవర్స్కు ఒక మరిచిపోలేని అనుభూతిగా నిలవనున్నాయని విశ్లేషకులు భావిస్తున్నారు.
ఇవీ చదవండి: Trending Telugu Songs: రెండున్నర దశాబ్దాలుగా యువకులను ఆకట్టుకుంటున్న సాంగ్.. ఇప్పటికీ యూట్యూబ్లో ఎవర్గ్రీన్
Fear song from Devara: దేవర నుంచి ఫస్ట్ సాంగ్ రిలీజ్.. మ్యాన్ ఆఫ్ మాసెస్ కెవ్వు కేక!