S. S. Rajamouli : ప్రపంచ సినిమా చరిత్రలో ఇప్పటి వరకు ఎవరూ ఊహించని స్థాయిలో ఒక సాహసానికి మన తెలుగు దర్శకుడు శ్రీకారం చుట్టారు. గ్రాఫిక్స్పై ఆధారపడకుండా, నేరుగా ప్రకృతి ఒడిలో, అడవి జంతువుల మధ్య కీలక సన్నివేశాలను చిత్రీకరించే ధైర్యాన్ని చూపించారు. కెన్యా అడవుల్లో వేల సంఖ్యలో వన్యప్రాణులు వలస వెళ్తున్న సమయంలో, స్టార్ హీరో – గ్లోబల్ హీరోయిన్తో కీలక సన్నివేశాలను షూట్ చేయడం అంటే మాటలు కాదు.
ఈ చిత్రానికి సంబంధించిన అనుభవాలను హీరోయిన్ స్వయంగా వెల్లడించడంతో, సినిమా పట్ల అంచనాలు మరింత పెరిగాయి.Priyanka Chopra Jonas షాకింగ్ అనుభవం – ‘లయన్ కింగ్’ గుర్తొచ్చిందంటూ రాజమౌళి తెరకెక్కిస్తున్న Varanasi సినిమా కోసం కెన్యాలో జరిగిన షూటింగ్ అనుభవాలను ప్రియాంక చోప్రా జోనాస్ తాజాగా ఓ ఇంటర్వ్యూలో పంచుకున్నారు. షూటింగ్ జరుగుతున్న సమయంలో చుట్టూ వినిపించిన శబ్దాలు తనకు The Lion King సినిమాలోని ముఫాసా సన్నివేశాలను గుర్తుకు తెచ్చాయన్నారు.
అడవి జంతువుల వలస సమయంలో వచ్చే గర్జనలు, భూమి కంపించేలా వినిపించిన అడుగుల శబ్దాలు తమను ఒక్కసారిగా ఉలిక్కిపడేలా చేశాయట. “ఇది సినిమా సెట్ కాదు… నిజంగా అడవిలో ఉన్నామనే భావన కలిగింది” అని ప్రియాంక చెప్పుకొచ్చారు.
గ్రాఫిక్స్ కాదు… నిజమైన ప్రకృతి
ఈ సినిమా కోసం రాజమౌళి ముందుగానే ఓ నిర్ణయం తీసుకున్నారట – వన్యప్రాణుల వలస జరుగుతున్న సమయంలోనే షూట్ చేయాలి అని. అందుకే యూనిట్ మొత్తం రోజులు తరబడి అక్కడే ఉండి, జంతువుల కదలిక మొదలయ్యే క్షణం కోసం ఎదురుచూసిందట.
సాధారణంగా ఇలాంటి సన్నివేశాలకు వీఎఫ్ఎక్స్ వాడుతారు. కానీ జక్కన్న మాత్రం సహజత్వం కోసమే ఈ ప్రమాదకర మార్గాన్ని ఎంచుకున్నారు. రేంజర్లు భద్రత కల్పించినప్పటికీ, వైడ్ ఫ్రేమ్ షాట్స్ తీసేటప్పుడు వారు దూరంగా ఉండాల్సి వచ్చేదని ప్రియాంక తెలిపారు.
అంచనాలు తాకుతున్న ఆకాశం
కెన్యా అడవుల్లో తీసిన ఈ రియల్ షాట్స్ సినిమాకు ప్రత్యేక ఆకర్షణగా నిలవనున్నాయని టాలీవుడ్ వర్గాలు చెబుతున్నాయి. రాజమౌళి మార్క్ విజన్, అంతర్జాతీయ స్థాయి ప్రొడక్షన్ వాల్యూస్తో ‘వారణాసి’ ఒక మైలురాయిగా నిలుస్తుందనే నమ్మకం అభిమానుల్లో పెరుగుతోంది.
ఇవీ చదవండి: SS Rajamouli : రాజమౌళి బర్త్డే స్పెషల్: ‘బాహుబలి’ మేకింగ్ వీడియో వైరల్.. ఎపిక్ సినిమా వెనుక దాగిన రహస్యాలు!
Varanasi : రాజమౌళి ‘వారణాసి’కు అనూహ్య అడ్డంకి… ఈసారి టెన్షన్ ఇండియాలో కాదు, హాలీవుడ్లో!