Dhurandhar movie : రణ్వీర్ సింగ్ హీరోగా నటించిన లేటెస్ట్ బ్లాక్బస్టర్ మూవీ ‘ధురంధర్’ ఇండియన్ సినిమా స్థాయిని మరో మెట్టు పైకి తీసుకెళ్లింది. ఆదిత్య ధర్ దర్శకత్వంలో రూపొందిన ఈ స్పై యాక్షన్ థ్రిల్లర్ గతేడాది డిసెంబర్ 4న ప్రేక్షకుల ముందుకు వచ్చి బాక్సాఫీస్ వద్ద సరికొత్త రికార్డులు సృష్టించింది.
సుమారు రూ.400 కోట్ల భారీ బడ్జెట్తో తెరకెక్కిన ఈ సినిమా రూ.1300 కోట్లకు పైగా వసూళ్లు సాధించి, అత్యధిక కలెక్షన్లు సాధించిన భారతీయ సినిమాల జాబితాలో చోటు దక్కించుకుంది.
రణ్వీర్ గూఢచారి అవతారం అదుర్స్
ఈ చిత్రంలో గూఢచారి పాత్రలో రణ్వీర్ సింగ్ చేసిన నటనకు ప్రేక్షకుల నుంచి విశేషమైన స్పందన లభించింది. అంతేకాదు అక్షయ్ ఖన్నా, సంజయ్ దత్, అర్జున్ రాంపాల్, ఆర్. మాధవన్ వంటి స్టార్ నటులు కీలక పాత్రల్లో మెరిసి సినిమాకు అదనపు బలం చేకూర్చారు.
హీరోయిన్గా సారా అర్జున్ సెన్సేషన్
ఈ బ్లాక్బస్టర్లో హీరోయిన్గా ఒకప్పటి చైల్డ్ ఆర్టిస్ట్ ‘నాన్న’ మూవీ ఫేమ్ సారా అర్జున్ నటించడం ప్రత్యేక ఆకర్షణగా నిలిచింది. హీరోయిన్గా ఇదే ఆమె తొలి సినిమా కావడం గమనార్హం. అందం, అభినయంతో మెప్పించిన సారా అర్జున్కు ఈ మూవీ తర్వాత గుణశేఖర్ తెరకెక్కిస్తున్న ‘యుఫోరియా’లో హీరోయిన్గా అవకాశం దక్కింది.
కానీ… సారా అర్జున్ ఫస్ట్ ఛాయిస్ కాదట!
ఇప్పుడు ఆసక్తికరమైన విషయం బయటకు వచ్చింది.
‘ధురంధర్’ సినిమాలో హీరోయిన్ పాత్రకు సారా అర్జున్ మొదటి ఎంపిక కాదని, అంతకుముందు ఈ పాత్ర కోసం టాలీవుడ్ మాజీ క్రేజీ హీరోయిన్ రకుల్ ప్రీత్ సింగ్ను దర్శకుడు సంప్రదించాడట. అయితే ఆ సమయంలో రకుల్ వరుసగా రెండు–మూడు హిందీ సినిమాల షూటింగ్స్తో బిజీగా ఉండటంతో డేట్స్ సర్దుబాటు చేయలేక ఈ ఆఫర్ను తిరస్కరించిందట.
ఇప్పటికీ ఆ సినిమా మిస్ అయ్యాననే బాధ!
ధురంధర్ సూపర్ బ్లాక్బస్టర్ కావడంతో, ఆ సినిమాను చేయలేకపోయినందుకు రకుల్ ప్రీత్ సింగ్ ఇప్పటికీ బాధపడుతోందని బాలీవుడ్ వర్గాల్లో చర్చ జరుగుతోంది. ముందే కమిట్ అయిన సినిమాల కారణంగా డేట్స్ కుదరలేదని, ఒకవేళ అప్పట్లో ఖాళీగా ఉండి ఉంటే తప్పకుండా ఈ చిత్రాన్ని చేసేదాన్నని ఆమె తన సన్నిహితులతో చెప్పుకుంటోందట.
‘ధురంధర్’ ఉంటే కెరీర్ మళ్లీ ట్రాక్లోకి వచ్చేదా?
ఒకప్పుడు టాలీవుడ్లో స్టార్ హీరోయిన్గా వెలిగిన రకుల్ ప్రీత్ సింగ్ ప్రస్తుతం బాలీవుడ్లోనే సెటిల్ అయింది. వరుసగా సినిమాలు చేస్తూనే ఉన్నప్పటికీ… భారీ స్థాయి హిట్ మాత్రం ఆమె ఖాతాలో పడటం లేదు.
ఈ నేపథ్యంలో ‘ధురంధర్’ లాంటి భారీ విజయం రకుల్ కెరీర్ను మళ్లీ గాడిలో పడేసేదేమో అని సినీ విశ్లేషకులు అభిప్రాయపడుతున్నారు. స్టార్ హీరో, భారీ స్కేల్, పాన్ ఇండియా రేంజ్ సినిమా కావడంతో ఆమె ఇమేజ్ మరో స్థాయికి వెళ్లేదని అంటున్నారు.
ఇప్పుడు వెనక్కి తిరిగి చూసుకుంటే…
ఒక డేట్ మిస్సయితే ఎంత పెద్ద అవకాశం చేజారిపోతుందో ‘ధురంధర్’ ఉదాహరణగా మారిందని బాలీవుడ్లో గుసగుసలు వినిపిస్తున్నాయి.
ఇవీ చదవండి: Rakul Preet Singh Alert: వాట్సాప్లో ఫేక్ నెంబర్తో… అభిమానులకు రకుల్ స్పెషల్ హెచ్చరిక!
Rakul preet: న్యూ లుక్లో రకుల్ ప్రీత్ సింగ్.. ఫొటో గ్యాలరీ