Watch Video: సాధారణంగా ఎడారి అనగానే మండే ఎండలు, ఎగసిపడే ఇసుక తిన్నెలే మన కళ్లముందు కనిపిస్తాయి. కానీ ఇప్పుడు ఆ దృశ్యాలన్నింటికీ పూర్తి విరుద్ధంగా ఒక అద్భుతమైన ప్రకృతి వింత కనిపిస్తోంది. Saudi Arabiaలోని ఎడారి ప్రాంతాలు ప్రస్తుతం తెల్లని మంచు దుప్పటితో కప్పబడ్డాయి. ఈ అరుదైన దృశ్యాలు ప్రపంచవ్యాప్తంగా నెటిజన్లను ఆశ్చర్యానికి గురిచేస్తున్నాయి.
సుమారు 30 ఏళ్ల తర్వాత సౌదీ అరేబియాలో మంచు కురవడం ఇదే తొలిసారి కావడం విశేషం. గత కొన్ని రోజులుగా దేశంలోని ఉత్తర ప్రాంతాల్లో, ముఖ్యంగా Al Jouf regionలో భారీ వర్షాలతో పాటు అసాధారణంగా మంచు పడుతోంది.
వాతావరణ మార్పులతో అరుదైన పరిణామం
వాతావరణ నిపుణుల ప్రకారం, అరేబియా సముద్రం నుంచి వీస్తున్న తేమతో కూడిన గాలులు, అల్పపీడన ప్రభావంతో ఈ అంచనాలకు మించిన మార్పులు చోటుచేసుకున్నాయి. ఫలితంగా ఎడారిలోని ఇసుక తిన్నెలపై మంచు పేరుకుపోయి, ఆ ప్రాంతం మొత్తం యూరప్లోని స్విట్జర్లాండ్ను తలపించేలా మారింది.
ఈ అరుదైన దృశ్యాన్ని ప్రత్యక్షంగా చూసేందుకు స్థానికులతో పాటు పర్యాటకులు కూడా పెద్ద సంఖ్యలో అక్కడికి చేరుకుంటున్నారు. సోషల్ మీడియాలో వైరల్ అవుతున్న వీడియోలు, ఫొటోలు నెటిజన్లను ఆకట్టుకుంటున్నాయి.
వాహనదారులకు హెచ్చరిక
మంచు కురుస్తున్న నేపథ్యంలో Saudi National Center for Meteorology (NCM) వాహనదారులకు హెచ్చరికలు జారీ చేసింది. రోడ్లపై జాగ్రత్తగా ప్రయాణించాలని, రాబోయే రోజుల్లో వాతావరణంలో మరిన్ని మార్పులు వచ్చే అవకాశం ఉందని సూచించింది.
గ్లోబల్ వార్మింగ్ ప్రభావమేనా?
ఒకప్పుడు పూర్తిగా ఎడారిగా ఉన్న ప్రాంతాల్లో ఇలాంటి వాతావరణ మార్పులు రావడం వెనుక గ్లోబల్ వార్మింగ్ ప్రభావమే కారణమని పర్యావరణ నిపుణులు అభిప్రాయపడుతున్నారు. ఎండలు కాయాల్సిన చోట వర్షాలు, మంచు కురవడం భూమి వాతావరణ సమతుల్యత మారుతున్నదానికి నిదర్శనమని హెచ్చరిస్తున్నారు.
ప్రకృతి వింతగా కనిపిస్తున్న ఈ మంచు ఎడారి దృశ్యాలు ప్రస్తుతం ప్రపంచవ్యాప్తంగా చర్చనీయాంశంగా మారాయి. ఆశ్చర్యం కలిగించే ఈ వీడియోలు మాత్రం నెటిజన్లను కట్టిపడేస్తున్నాయి.
ఇవీ చదవండి: Rivers of India : భారతదేశంలో ఉన్న నదులెన్ని? ఎలా ప్రయాణిస్తాయి?
Scorpion: ప్రపంచంలోనే ఖరీదైన తేలు విషం.. చుక్క రూ.8 లక్షలు!