Railway Network : ప్రపంచవ్యాప్తంగా ప్రయాణం, సరుకు రవాణా కోసం అత్యంత విశ్వసనీయమైన రవాణా మార్గాల్లో రైళ్లు ఒకటి. భారతదేశంలో రైల్వేలను దేశ జీవనాడి అంటారు, మన నెట్వర్క్ ప్రపంచంలో నాల్గవ అతిపెద్దది. అయితే భూమిని ఐదుసార్లు చుట్టేసినంత దూరం ఉన్న అతి పెద్ద రైల్వే నెట్వర్క్ ఏ దేశంలో ఉందో మీకు తెలుసా? జవాబు – యునైటెడ్ స్టేట్స్ ఆఫ్ అమెరికా.
అమెరికా – ప్రపంచంలోనే అతిపెద్ద రైలు నెట్వర్క్
US Department of Transportation, Association of American Railroads ప్రకారం, అమెరికా రైల్వే నెట్వర్క్ మొత్తం 220,000 కిలోమీటర్లకు పైగా ఉంది. ఇది ప్రపంచంలోని ఏ దేశానికీ అందని రికార్డు. ఈ విస్తారమైన నెట్వర్క్ అమెరికా నగరాలను మాత్రమే కాదు, దేశ ఆర్థిక వ్యవస్థను ముందుకు నడిపే బలమైన శక్తిగా పనిచేస్తుంది.
ప్రైవేటు చేతుల్లో నడిచే అమెరికా రైల్వేలు
మిగతా దేశాల్లో ప్రభుత్వ ఆధీనంలో ఉంటే, అమెరికాలో మాత్రం పరిస్థితి భిన్నం. అక్కడ ఎక్కువ రైల్వే ట్రాక్లు ప్రైవేట్ సరుకు రవాణా కంపెనీల సొంతం. దీని వల్ల నెట్వర్క్ వేగంగా విస్తరించడమే కాకుండా, అమెరికా సరుకు రవాణాలో ప్రపంచ నాయకుడిగా ఎదిగింది.
అయితే, హై-స్పీడ్ రైళ్ల విషయానికి వస్తే…
అమెరికా ఇప్పటికీ జపాన్, చైనా, యూరప్ దేశాల కంటే చాలా వెనుకబడి ఉంది. 1800లలో ప్రారంభమైన అమెరికా రైలు విప్లవం. అమెరికా రైల్వేల కథ 19వ శతాబ్దంలో ప్రారంభమైంది. తూర్పు–పశ్చిమ తీరాలను అనుసంధానించాలని ఉన్న కాంక్ష పెద్ద రైల్వే కంపెనీల మధ్య తీవ్రమైన పోటీకి దారితీసింది. 1869లో మొదటి ట్రాన్స్కాంటినెంటల్ రైల్రోడ్ పూర్తికావడం అమెరికా భవితవ్యాన్ని మార్చేసింది. ఆ తర్వాత కాలక్రమేణా చిన్న రైల్వే కంపెనీలు కలసి పెద్ద సంస్థలుగా మారాయి. ఇప్పటికీ ప్రసిద్ధమైన Union Pacific, BNSF Railway, CSX వంటి కంపెనీలు ఈ విస్తారమైన నెట్వర్క్ను నిర్వహిస్తున్నాయి.
సరుకు రవాణాలో అమెరికా – ప్రపంచ నాయకుడు
హై-స్పీడ్ ప్యాసింజర్ రైల్స్లో యూరప్, జపాన్ ముందున్నా, సరుకు రవాణా విషయానికి వస్తే అమెరికాకు సాటి లేదు. అమెరికాలో మొత్తం సరుకు రవాణాలో 28% రైళ్లదే వాటా. ఒకే సరుకు రైలు తీసుకెళ్లే లోడ్ = 280 ట్రక్కులు. 480 మైళ్లు ఒక టన్ను సరుకును తీసుకెళ్లేందుకు కేవలం ఒక గాలన్ ఇంధనం సరిపోతుంది. ఇది రోడ్డు రవాణా కంటే చాలా చౌక, సమర్థవంతమైన మార్గం.
ప్యాసింజర్ రైళ్లు – ప్రభుత్వ నిర్వహణలో
Amtrak వంటి ప్రయాణికుల సేవలు ప్రభుత్వ యాజమాన్యంలోని సంస్థలు నిర్వహిస్తున్నా, రైళ్లు నడిచే ట్రాక్లు మాత్రం ప్రైవేట్ కంపెనీల సొత్తు. అందుకే అమెరికాలో హై-స్పీడ్ రైళ్లు అభివృద్ధి నెమ్మదిగా జరుగుతోంది.
అమెరికా ఆర్థిక వ్యవస్థకు రైల్వేలు – హృదయం
అమెరికా రైల్వేలు కేవలం ట్రాక్ల సమాహారం కాదు.
అవి దేశ ఆర్థిక వ్యవస్థను నడిపించే ప్రధాన శక్తి.
బొగ్గు
ధాన్యం
చమురు
వాహనాలు
యంత్రాలు
కంటైనర్ లాజిస్టిక్స్
అన్నీ భారీ స్థాయిలో రైలు మార్గాలద్వారానే రవాణా అవుతాయి.
ఈ నెట్వర్క్ పోర్టులు, నగరాలు, పారిశ్రామిక ప్రాంతాలు, గ్రామీణ ప్రాంతాలను అనుసంధానిస్తూ విస్తారమైన సరఫరా శృంఖల వ్యవస్థను నిర్మిస్తోంది. రైల్వే రంగంలో అమెరికా పెట్టుబడులు ఏటా బిలియన్ల డాలర్లను తాకుతున్నాయి.
ఇవీ చదవండి: High Speed Rail: 1,000 కి.మీ ప్రయాణం కేవలం 4 గంటల్లో! యూరప్ను మార్చే సరికొత్త రైల్వే నెట్వర్క్
Portugal : పోర్చుగల్లో ఘోర విషాదం.. లిస్బన్లో గ్లోరియా ఫునిక్యులర్ రైలు ప్రమాదం